| 章節 | 全民台語聖經漢羅經文 | 註釋 |
| 6:1 | 基甸以色列 人koh行上主所看做pháiⁿ ê tāichì，上主to̍h kā in交tī米甸ê手中，經過七年。 | 註釋 串珠 康來昌 原文 典藏 |
| 6:2 | 米甸ê手壓制以色列人，以色列人為tio̍h米甸人ê緣故，to̍h為kakī tī山裡開穴kah洞，kah險要ê所在。 | 註釋 串珠 康來昌 原文 典藏 |
| 6:3 | 以色列人掖種了後，米甸人、亞瑪力人kah東方ê人，lóng起來kā in攻擊。 | 註釋 串珠 康來昌 原文 典藏 |
| 6:4 | 紮營tī in ê對面，phah-pháiⁿ hit所在ê農產物，到迦薩，無留食物hō͘以色列人，羊kah牛kah驢 mā無。 | 註釋 串珠 康來昌 字典 原文 典藏 |
| 6:5 | 因為in帶chengseⁿ kah布棚起來，親像草蜢hiah chē來，人kah駱駝算bē了，in入來chitê所在beh kā伊phah-pháiⁿ。 | 註釋 串珠 康來昌 字典 原文 典藏 |
| 6:6 | 以色列人因為米甸人ê緣故，困苦到極，以色列人to̍h求叫上主。 | 註釋 串珠 康來昌 原文 典藏 |
| 6:7 | 以色列人因為米甸人ê緣故求叫上主ê時， | 註釋 串珠 康來昌 原文 典藏 |
| 6:8 | 上主to̍h差先知到以色列人hia，對in講：「上主—以色列ê上帝ánne講：『我bat chhōa lín tùi埃及出來，tùi做奴隸ê家出來， | 註釋 串珠 康來昌 原文 典藏 |
| 6:9 | 我mā救lín脫離埃及人ê手，mā脫離一切壓制lín ê人ê手，tùi lín ê面前kā in趕出去，kā in ê地hō͘ lín。 | 註釋 串珠 康來昌 原文 典藏 |
| 6:10 | 我mā對lín講，我是上主—lín ê上帝，lín tòa亞摩利人ê地，m̄免驚in ê神明。總是，lín m̄聽我ê話。』」 | 註釋 串珠 康來昌 原文 典藏 |
| 6:11 | 上主ê使者到俄弗拉，坐tī亞比以謝族ê人約阿施ê橡樹腳。約阿施ê kiáⁿ基甸tī酒窟hia teh phah麥，無ài hō͘米甸人看tio̍h。 | 註釋 串珠 康來昌 字典 原文 典藏 |
| 6:12 | 上主ê使者對基甸顯現，對伊講：「大氣力ê勇士，上主kah你同在。」 | 註釋 串珠 康來昌 原文 典藏 |
| 6:13 | 基甸對伊講：「我ê主ah，若上主kah阮同在，阮án怎tú tio̍h這一切ê tāichì？阮ê祖先所kā阮講上主hiahê奇事tī tó位？In講：『祂kám無chhōa阮tùi埃及出來？』Taⁿ上主放sak阮，kā阮交tī米甸人ê手中。」 | 註釋 串珠 康來昌 原文 典藏 |
| 6:14 | 上主看基甸，kā伊講：「Τio̍h用你chitê力去，來救以色列出米甸人ê手，我kám無差你去？」 | 註釋 串珠 康來昌 原文 典藏 |
| 6:15 | 基甸kā祂講：「主ah，我beh用啥物救以色列？你看，我ê家是瑪拿西中siōng sànchhiah ·ê，tī我老父ê家，我是siōng細漢ê。」 | 註釋 串珠 康來昌 原文 典藏 |
| 6:16 | 上主對伊講：「我ē kah你同在，你ēphah米甸人，親像teh phah一个人。」 | 註釋 串珠 康來昌 原文 典藏 |
| 6:17 | 伊應上主講：「我若tī祢ê面前得tio̍h恩典，求祢hō͘我一个兆頭thang知，kah我teh講話ê to̍h是祢。 | 註釋 串珠 康來昌 原文 典藏 |
| 6:18 | 請祢m̄ thang離開chia，thèng候我koh來你chia，帶我ê禮物hē tī祢ê面前。」上主講：「我ēthèng候你koh來。」 | 註釋 串珠 康來昌 原文 典藏 |
| 6:19 | 基甸去準備一隻山羊á，用一伊法ê麵粉做無酵餅，肉hē tī筐裡，湯貯tī壺裡，帶到橡樹腳，獻hō͘上主。 | 註釋 串珠 康來昌 字典 原文 典藏 |
| 6:20 | 上主ê使者吩咐伊講：「肉kah無酵餅hē tī chitê石磐頂，湯倒出來。」基甸就照ánne行。 | 註釋 串珠 康來昌 字典 原文 典藏 |
| 6:21 | 上主ê使者伸出手裡所gia̍h ê柺á尾，來tuh tio̍h肉kah無酵餅，to̍h有火tùi石磐出來，全部ê肉kah無酵餅燒起來。上主ê使者to̍h離開去，無koh再看tio̍h。 | 註釋 串珠 康來昌 字典 原文 典藏 |
| 6:22 | 基甸看出伊是上主ê使者，to̍h講：「Hāiⁿ-ah！至koân上主ah，因為我當面看tio̍h上主ê使者。」 | 註釋 串珠 康來昌 原文 典藏 |
| 6:23 | 上主對伊講：「安你ê心，m̄免驚，你bē致到死。」 | 註釋 串珠 康來昌 原文 典藏 |
| 6:24 | 基甸to̍h tī hia kā上主起一座壇，號名叫做『耶和華沙龍』。（Chitê壇tī亞比以謝族ê俄弗拉，到今á日iáu tī ·leh。） | 註釋 串珠 康來昌 字典 原文 典藏 |
| 6:25 | Hit暝，上主吩咐基甸講：「你牽lín老父ê牛á來，to̍h是七年ê第二隻牛，mā tio̍h拆毀lín老父所有巴力ê壇，kā壇邊ê亞舍拉剉掉， | 註釋 串珠 康來昌 字典 原文 典藏 |
| 6:26 | tī chitê山寨，照合宜ê方法，為上主—你ê上帝起一座壇，用第二隻牛獻做燒祭，用你所beh剉ê亞舍拉做柴。」 | 註釋 串珠 康來昌 字典 原文 典藏 |
| 6:27 | 基甸to̍h tùi伊ê奴僕中chhōa十個人，照上主吩咐伊ê去行。伊因為驚老父ê家kah城內ê人，日時m̄敢做chitê tāichì，to̍h tī暗時去做。 | 註釋 串珠 康來昌 原文 典藏 |
| 6:28 | 城內ê人透早起來，看tio̍h巴力ê壇拆毀，壇邊ê亞舍拉剉掉，第二隻牛獻tī所起ê壇。 | 註釋 串珠 康來昌 字典 原文 典藏 |
| 6:29 | In做伙講：「啥人做chitê tāichì？」In查問了後，to̍h講：「這是約阿施ê kiáⁿ基甸所做ê。」 | 註釋 串珠 康來昌 原文 典藏 |
| 6:30 | 城內ê人對約阿施講：「掠你ê kiáⁿ出來，thang hō͘伊死，因為伊拆毀巴力ê壇，剉壇邊ê亞舍拉。」 | 註釋 串珠 康來昌 字典 原文 典藏 |
| 6:31 | 約阿施kā所有khiā-teh攻擊伊ê人講：「Lín beh為巴力爭辯？Lín beh救伊？若有人為伊爭辯，趁早起tio̍h hō͘伊死！巴力若是神明，chiah hō͘伊為kakī 爭辯，因為人拆毀伊ê壇。」 | 註釋 串珠 康來昌 字典 原文 典藏 |
| 6:32 | Tùi hit日起，叫伊ê名耶路巴力，是講：「巴力tio̍h kah伊爭辯，因為伊毀壞伊ê壇。」 | 註釋 串珠 康來昌 字典 原文 典藏 |
| 6:33 | Hit時，米甸人、亞瑪力人kah東方ê人民，lóng聚集過河，tī耶斯列ê山谷紮營。 | 註釋 串珠 康來昌 原文 典藏 |
| 6:34 | 上主ê聖神臨到基甸，伊to̍hpun5哨角；亞比以謝族lóng聚集來跟tòe伊。 | 註釋 串珠 康來昌 字典 原文 典藏 |
| 6:35 | 伊差人遍行瑪拿西，瑪拿西人mā聚集來tòe伊。伊koh差人去見亞設人、西布倫人kah拿弗他利人，in mā lóng起來kah in聯合。 | 註釋 串珠 康來昌 原文 典藏 |
| 6:36 | 基甸對上主講：「祢若照祢所講ê，beh用我ê手來救以色列， | 註釋 串珠 康來昌 原文 典藏 |
| 6:37 | 我to̍h用kui領ê羊毛hē tī稻埕，若kantaⁿ羊毛有露水，土腳lóng乾乾，我to̍h知祢ē照祢所講ê，用我ê手救以色列。」 | 註釋 串珠 康來昌 字典 原文 典藏 |
| 6:38 | 就果然ánne，隔tńg工，基甸早早起來，chūn羊毛，tùi羊毛絞出露水一碗滿滿。 | 註釋 串珠 康來昌 字典 原文 典藏 |
| 6:39 | 基甸koh對上主講：「求祢m̄ thang對我受氣，我koh講一pái niā-niā：求祢准我koh一pái用羊毛試看māi，taⁿ獨獨hō͘羊毛乾乾，土腳lóng有露水。」 | 註釋 串珠 康來昌 原文 典藏 |
| 6:40 | Chit暝上主mā ánne行，獨獨羊毛乾乾，土腳lóng有露水。 | 註釋 串珠 康來昌 原文 典藏 |