章節 | 全民台語聖經漢羅經文 | 註釋 |
4:1 | 做主人ê,tio̍h用正義kah公平對待lín ê奴僕,tio̍h ē記得lín tī天頂mā有一个主。 | 註釋 串珠 原文 典藏 |
4:2 | 勸勉Tio̍h不斷專心祈禱,祈禱ê時tio̍h警醒,tio̍h感謝上帝。 | 註釋 串珠 原文 典藏 |
4:3 | Mā tio̍h為阮祈禱,祈求上帝koh hō͘阮有傳道理ê機會,thang宣揚基督ê奧祕。我為tio̍h chitê tāichì chiah teh坐監。 | 註釋 串珠 字典 原文 典藏 |
4:4 | 請為我祈禱,hō͘我ē tàng kā應該講ê奧祕lóng講清楚。 | 註釋 串珠 原文 典藏 |
4:5 | Tio̍h把握機會,對待未信者tio̍h有智慧。 | 註釋 串珠 原文 典藏 |
4:6 | 講話tio̍h溫和,親像用鹽調味,tio̍h了解án怎來應答每一个人。 | 註釋 串珠 原文 典藏 |
4:7 | 結尾ê請安我tī chia ê tāichì,我所疼ê兄弟推基古ē kā lín講,伊kah我做伙忠實teh做主ê工,lóng是主ê奴僕。 | 註釋 串珠 原文 典藏 |
4:8 | 因為ánne,我刁工差派伊去lín hia,hō͘ lín知阮tī chia ê情形,thang hō͘ lín ê心得tio̍h鼓勵。 | 註釋 串珠 原文 典藏 |
4:9 | 阿尼西謀ē kah伊做伙去,伊是忠實thang疼ê兄弟,mā是lín hia ê人。Inē kā我tī chia ê tāichì lóng kā lín報告。 | 註釋 串珠 原文 典藏 |
4:10 | kah我做伙坐監ê 亞里達古 kah巴拿巴ê表小弟馬可,beh kā lín請安;關係馬可,我已經kā lín吩咐過;伊若去到lín hia,請lín tio̍h kā伊接納。 | 註釋 串珠 原文 典藏 |
4:11 | Hitê叫做Iû-sú-toh ê耶穌mā kā lín請安。Tī偤太人ê信徒中間,kantaⁿ頂面chit三位為tio̍h上帝國度kah我同工,in hō͘我得tio̍h真大ê安慰。 | 註釋 串珠 原文 典藏 |
4:12 | Tùi lín hia來,基督耶穌ê奴僕Ê-pa-hú-lah beh kā lín請安,伊tiāⁿ-tiāⁿ 為lín迫切祈禱,求上帝hō͘ lín khiā在,充滿確信,完全順服上帝ê旨意。 | 註釋 串珠 原文 典藏 |
4:13 | 我thang證明,伊確實為tio̍h lín kah tī老底嘉以及Hi-la-pó-lih ê人勞苦做工。 | 註釋 串珠 原文 典藏 |
4:14 | 我親愛ê路加醫生kah Tê-má beh kā lín請安。 | 註釋 串珠 原文 典藏 |
4:15 | 請替我kā tī老底嘉hiahê兄弟姊妹kah Num-ha̍h,以及tī in tau teh聚會ê信徒請安。 | 註釋 串珠 原文 典藏 |
4:16 | Chitê phoe讀了,tio̍h設法轉hō͘老底嘉人ê教會讀。Lín mā tio̍h讀tùi老底嘉轉來ê phoe。 | 註釋 串珠 原文 典藏 |
4:17 | Tio̍h kā A-khip-pò͘講:「Tio̍h謹慎來盡你tùi主所領受ê職份。」 | 註釋 串珠 原文 典藏 |
4:18 | 我保羅親筆寫phoe kā lín請安。Lín tio̍h數念我chitmá teh坐監。願上帝ê恩典kah lín同在! | 註釋 串珠 字典 原文 典藏 |