以西結書 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
32:1 用鱷魚來譬喻埃及
十二年十二月初一，上主ê話臨到我，講：
32:2 「人子，你tio̍h為埃及王—法老做哀歌，kā伊講：以前你tī列國中親像勇ê獅；taⁿ你是親像海中ê鱷（go̍k）魚。你chông出你ê江河，用腳振（tín）動chiahê水，致使江河ê水變濁。
32:3 至koân上主ánne講：我beh用真chē國ê人民，kā我ê網拋tī你ê頂面，inē用我ê網kā你拖出來。
32:4 我beh kā你hiat tī地裡，放落去tī田野，hō͘空中ê飛鳥lóng歇tī你ê頂面，hō͘全地ê野獸lóng食你到飽。
32:5 我beh kā你ê肉hiat tī山裡，用你koân大ê身屍kā山谷thūn滿。
32:6 我koh beh用你ê血，灌ak你所泅ê地，淹到chiahê山；河溝ē tùi你來充滿。
32:7 我kā你phah滅ê時，beh遮蓋（jia-khàm）chiahê天，hō͘眾星烏暗；用密雲遮蓋日頭，月mā無發出光。
32:8 我beh hō͘天ê光tī你ê頂面lóng烏暗，koh hō͘你ê地烏暗。這是至koân上主講ê。
32:9 「我hō͘你滅亡ê風聲傳到你所m̄ bat ê ta̍k國。Hit時，我beh hō͘真chē人民ê心煩惱。
32:10 我tī in ê面前舞我ê劍ê時，我beh hō͘真chē國ê人民為tio̍h你來tio̍h驚kah gāng去，君王mā ē為tio̍h你大驚惶。Tī你倒落去ê日，in ta̍k人ē為tio̍h kakī ê性命phi̍h-phi̍h chhoah。」
32:11 因為至koân上主ánne講：「巴比倫王ê刀會臨到你。
32:12 我beh用勇士ê刀hō͘你ê真chē人倒落去。Chiahê勇士lóng是列國中強暴ê。Inē hō͘埃及ê驕傲歸tī無，埃及ê眾人ē受剿滅。
32:13 我beh tùi埃及真chē ê水邊除滅所有ê走獸，人ê腳無koh phah濁chitê水，獸ê蹄mā無koh踏chitê水。
32:14 Hit時，我beh hō͘ in ê水坐清，hō͘ in ê河流親像油。這是至koân上主講ê。
32:15 我hō͘埃及地荒廢、稀微，chitê地絕對無koh有早前所充滿ê；而且我攻擊其中所有ê人民。Hit時，into̍h ē知我是上主。
32:16 「Chitê是哀歌，人ē用chitê來哀哭，列國chiahê chabó͘ gín-áē用ánne來哀哭，in為tio̍h埃及kah她ê人民，mā ē用chitê來哀哭。這是至koân上主講ê。」
32:17 陰間
十二年十二月十五，上主ê話臨到我，講：
32:18 「人子，你tio̍h為埃及ê眾人哀哭，koh tio̍h kā埃及kah有名聲ê國chiahê chabó͘ gín-á kah落去深坑ê人，做一下hiat落去地下深淵ê所在。
32:19 你ê súi贏過啥人？你tio̍h落去kah無受割禮ê人做伙倒teh！
32:20 「Inē倒tī hō͘刀thâiê人ê中間，伊受交付tī刀劍，tio̍h kā伊kah伊ê群眾拖去。
32:21 強猛ê勇士ē tī陰間對伊kah kā伊幫贊ê講話；in是無受割禮chiah受刀thâiê人，已經落去，倒teh無振（tín）動。
32:22 「亞述kah她ê人民lóng tī hia，in ê墓tī她ê四箍圍；in lóng是受thâi倒tī刀下ê。
32:23 In ê墓tī坑中極深ê所在，她ê人民tī她ê墓ê四箍圍，lóng是受thâi倒tī刀下ê；in bat tī活人ê地hō͘人驚惶。
32:24 「以攔mā tī hia，她ê人民tī她ê墓ê四箍圍，lóng是受thâi倒tī刀下ê，無受割禮落去地下深ê所在ê；in bat tī活人ê地hō͘人驚惶，koh kah落坑ê人做伙擔當凌辱。
32:25 In kā她kah她ê人民，tī受thâiê人ê中間安眠床。In ê墓tī她ê四箍圍，in lóng是無受割禮chiah受刀thâiê；in bat tī活人ê地hō͘人驚惶，koh kah落深坑ê人做伙擔當凌辱。以攔已經hē tī受thâiê人ê中間。
32:26 「米設、土巴kah她ê人民lóng tī hia。In ê墓lóng tī她ê四箍圍，in lóng是無受割禮chiah hō͘刀thâiê；in bat tī活人ê地hō͘人驚惶。
32:27 In bē tàng kah hiahê無受割禮chiah倒teh ê勇士做伙倒teh；chiahê勇士帶ke-si落陰間，頭殼睏tī刀劍，骨頭頂有in ê罪惡；in bat tī活人ê地hō͘勇士驚惶。
32:28 「埃及王，你ē敗壞tī無受割禮ê人ê中間，kah hiahê受刀thâi ê人做伙倒teh。
32:29 「以東mā tī hia，伊hiahê國王kah所有ê首領雖然有勢力，猶原hông hē tī受thâiê人ê中間；inē kah無受割禮ê以及落深坑ê人做伙倒teh。
32:30 「Tī hia有北方眾王ê kiáⁿ kah所有ê西頓人，lóng kah受thâiê人做伙落去。In雖然有勢力hō͘人驚惶，猶原受恥笑。In無受割禮chiah kah受刀thâiê做伙倒teh，kah落深坑ê人做伙擔當凌辱。」
32:31 至koân ê上帝講：「法老kah伊ê軍兵lóng hō͘刀thâi死；法老看tio̍h，為tio̍h伊hiahê群眾就受安慰。這是至koân上主講ê。
32:32 「我hō͘伊tī活人ê地做thang驚惶ê，法老kah伊ê眾人ē kah受刀thâiê人做伙hông hē tī無受割禮ê人ê中間。這是至koân上主講ê。」
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。