耶利米書 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
28:1 耶利米kah哈拿尼雅先知
當hit年，偤大王西底家起頭坐位ê第四年五月，基遍人A-chù-l ê kiáⁿ哈拿尼雅先知tī上主ê殿，當chiahê祭司kah眾人ê面前，對我講：
28:2 「萬軍ê上主—以色列ê上帝ánne講：我已經at斷巴比倫王ê枷擔。
28:3 兩年內，我beh kā巴比倫王—尼布甲尼撒tùi chit所在搶去到巴比倫，to̍h是上主ê殿所有ê器具，lóng beh hō͘它倒tńg來chit所在。
28:4 我koh beh kā偤大王約雅敬ê kiáⁿ—耶哥尼雅kah受掠到巴比倫hiahê偤大人，hō͘ in倒tńg來chit所在，因為我beh at斷巴比倫王ê枷擔。 這是上主講ê。」
28:5 Hit時，耶利米先知當chiahê祭司kah khiā tī上主ê殿眾人ê面前，對先知哈拿尼雅講：
28:6 「耶利米先知講：阿們！願上主ánne行，願上主成你所預言chiahê話，hō͘上主厝內ê器具kah所有受掠去ê人，tùi巴比倫tńg來chit所在。
28:7 總是，我對你kah眾人所講ê話，你tio̍h聽。
28:8 Tùi古早以來，你我以前hiahê先知，對真chē所在kah大國預言交戰、災禍、瘟疫。
28:9 先知預言平安，hitê先知ê話得tio̍h應驗，to̍h知hitê先知真正是上主所差ê。」
28:10 就ánne，先知哈拿尼雅kā耶利米先知頷頸ê枷擔the̍h起來，kā它at斷。
28:11 哈拿尼雅koh當眾人ê面前講：「上主ánne講：兩年內，我beh照ánne tùi列國ê頷頸at斷巴比倫王尼布甲尼撒ê枷擔。」耶利米先知to̍h做伊去。
28:12 先知哈拿尼雅kā耶利米先知頷頸ê枷擔at斷了後，上主ê話臨到耶利米講：
28:13 「你tio̍h去kā哈拿尼雅講，上主ánne講：你at斷柴ê枷擔，我beh做鐵ê枷擔來代替！
28:14 因為萬軍ê上主—以色列ê上帝ánne講：我kā鐵ê枷擔掛tī列邦ê頷頸，hō͘ in服事巴比倫王—尼布甲尼撒，in lóngē kā伊服事；我mā kā田野ê走獸hō͘伊。」
28:15 耶利米先知to̍h對先知哈拿尼雅講：「哈拿尼雅，你tio̍h聽！上主並無差你，你竟然hō͘ chiahê人民óa靠白賊。
28:16 所以，上主ánne講：你看，我beh hō͘你離開世間，你今年一定ē死，因為你講悖逆上主ê話。」
28:17 Hit年七月，先知哈拿尼雅就死。
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。