耶利米书 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
28:1 耶利米kah哈拿尼雅先知
当hit年,偤大王西底家起头坐位ê第四年五月,基遍人A-chù-l ê kiáⁿ哈拿尼雅先知tī上主ê殿,当chiahê祭司kah众人ê面前,对我讲:
28:2 「万军ê上主—以色列ê上帝ánne讲:我已经at断巴比伦王ê枷担。
28:3 两年内,我beh kā巴比伦王—尼布甲尼撒tùi chit所在抢去到巴比伦,to̍h是上主ê殿所有ê器具,lóng beh hō͘它倒tńg来chit所在。
28:4 我koh beh kā偤大王约雅敬ê kiáⁿ—耶哥尼雅kah受掠到巴比伦hiahê偤大人,hō͘ in倒tńg来chit所在,因为我beh at断巴比伦王ê枷担。 这是上主讲ê。」
28:5 Hit时,耶利米先知当chiahê祭司kah khiā tī上主ê殿众人ê面前,对先知哈拿尼雅讲:
28:6 「耶利米先知讲:阿们!愿上主ánne行,愿上主成你所预言chiahê话,hō͘上主厝内ê器具kah所有受掠去ê人,tùi巴比伦tńg来chit所在。
28:7 总是,我对你kah众人所讲ê话,你tio̍h听。
28:8 Tùi古早以来,你我以前hiahê先知,对真chē所在kah大国预言交战、灾祸、瘟疫。
28:9 先知预言平安,hitê先知ê话得tio̍h应验,to̍h知hitê先知真正是上主所差ê。」
28:10 就ánne,先知哈拿尼雅kā耶利米先知颔颈ê枷担the̍h起来,kā它at断。
28:11 哈拿尼雅koh当众人ê面前讲:「上主ánne讲:两年内,我beh照ánne tùi列国ê颔颈at断巴比伦王尼布甲尼撒ê枷担。」耶利米先知to̍h做伊去。
28:12 先知哈拿尼雅kā耶利米先知颔颈ê枷担at断了后,上主ê话临到耶利米讲:
28:13 「你tio̍h去kā哈拿尼雅讲,上主ánne讲:你at断柴ê枷担,我beh做铁ê枷担来代替!
28:14 因为万军ê上主—以色列ê上帝ánne讲:我kā铁ê枷担挂tī列邦ê颔颈,hō͘ in服事巴比伦王—尼布甲尼撒,in lóngē kā伊服事;我mā kā田野ê走兽hō͘伊。」
28:15 耶利米先知to̍h对先知哈拿尼雅讲:「哈拿尼雅,你tio̍h听!上主并无差你,你竟然hō͘ chiahê人民óa靠白贼。
28:16 所以,上主ánne讲:你看,我beh hō͘你离开世间,你今年一定ē死,因为你讲悖逆上主ê话。」
28:17 Hit年七月,先知哈拿尼雅就死。
各圣经译本着作权如版权说明。
本画面由信望爱资讯中心之CBOL计画产生,欢迎连结,无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人,来荣耀他自己的名。