章节 | 全民台语圣经汉罗经文 | 注释 |
32:1 | 以利户ê话就ánne,chit三个人to̍h停止讲话,无koh应约伯,因为伊kakī 看做是义。 | 注释 串珠 原文 典藏 |
32:2 | Hit时,有Bu-chih人,属tī Lâm ê族,Ba-la-khiah ê kiáⁿ以利户,真受气;伊受气约伯,因为伊掠kakī 比上帝khah有义。 | 注释 串珠 原文 典藏 |
32:3 | 伊mā受气伊三个朋友,因为in想无话thang应,iáu koh拟定约伯有罪。 | 注释 串珠 原文 典藏 |
32:4 | 以利户beh kah约伯讲话,iáu teh thèng候;是因为in比伊khah chē岁。 | 注释 串珠 原文 典藏 |
32:5 | 以利户看tio̍h chit三人嘴内无话thang应,to̍h大受气。 | 注释 串珠 原文 典藏 |
32:6 | Bu-chih人Ba-la-khiah ê kiáⁿ以利户应讲:我少年,lín年老;所以,我退让,m̄敢对lín排列我ê意见。 | 注释 串珠 原文 典藏 |
32:7 | 我想,日子chē ê人tio̍h讲,岁寿koân ê人tio̍h用智慧教示人。 | 注释 串珠 原文 典藏 |
32:8 | M̄ koh,人ê内面有心神,全能ê ê气mā hō͘人聪明。 | 注释 串珠 原文 典藏 |
32:9 | Khah序大ê无tútú lóng有智慧,khah老年ê无tútú lóng ē明白公平。 | 注释 串珠 原文 典藏 |
32:10 | 所以,我讲:Lín tio̍h听我ê话,我mā beh排列我ê意见。 | 注释 串珠 原文 典藏 |
32:11 | 你看,我已经thèng候lín ê话,而且耳孔有听lín ê理论;thèng候lín chhōe tio̍h thang讲ê话。 | 注释 串珠 原文 典藏 |
32:12 | 我注意听lín讲。你看,lín中间无一个人kā约伯辩倒,mā无一个人应伊ê话。 | 注释 串珠 原文 典藏 |
32:13 | Lín m̄ thang讲,阮tú tio̍h智慧;上帝会赢过智慧,人bē tàng。 | 注释 串珠 原文 典藏 |
32:14 | 约伯无用话kah我辩论;我mā无beh用lín ê话应伊。 | 注释 串珠 原文 典藏 |
32:15 | In gāng-gāng无koh应,无话thang讲。 | 注释 串珠 原文 典藏 |
32:16 | In无讲话,tiāⁿ-tiāⁿ khiā-teh无koh应,我kám tio̍h koh thèng候? | 注释 串珠 原文 典藏 |
32:17 | 我mā beh尽我ê份额来应,排列我ê意见。 | 注释 串珠 原文 典藏 |
32:18 | 因为我有话满腹肚,我内面ê心神激动我。 | 注释 串珠 原文 典藏 |
32:19 | 你看,我ê腹肚内亲像封密密ê酒,mā亲像新ê皮袋teh beh爆裂。 | 注释 串珠 字典 原文 典藏 |
32:20 | 我beh讲出,hō͘我tháu气;我beh开嘴来应。 | 注释 串珠 原文 典藏 |
32:21 | 我无beh看人ê身分,mā无beh扶挺人。 | 注释 串珠 原文 典藏 |
32:22 | 因为我bē晓kā人扶挺;我若有ánne做,创造我ê上帝会真紧kā我除灭。 | 注释 串珠 原文 典藏 |