| 章节 | 全民台语圣经汉罗经文 | 注释 |
| 6:1 | 基甸以色列人koh行上主所看做pháiⁿ ê tāichì，上主to̍h kā in交tī米甸ê手中，经过七年。 | 注释 串珠 康来昌 原文 典藏 |
| 6:2 | 米甸ê手压制以色列人，以色列人为tio̍h米甸人ê缘故，to̍h为kakī tī山里开穴kah洞，kah险要ê所在。 | 注释 串珠 康来昌 原文 典藏 |
| 6:3 | 以色列人掖种了后，米甸人、亚玛力人kah东方ê人，lóng起来kā in攻击。 | 注释 串珠 康来昌 原文 典藏 |
| 6:4 | 扎营tī in ê对面，phah-pháiⁿ hit所在ê农产物，到迦萨，无留食物hō͘以色列人，羊kah牛kah驴mā无。 | 注释 串珠 康来昌 字典 原文 典藏 |
| 6:5 | 因为in带chengseⁿ kah布棚起来，亲像草蜢hiah chē来，人kah骆驼算bē了，in入来chitê所在beh kā伊phah-pháiⁿ。 | 注释 串珠 康来昌 字典 原文 典藏 |
| 6:6 | 以色列人因为米甸人ê缘故，困苦到极，以色列人to̍h求叫上主。 | 注释 串珠 康来昌 原文 典藏 |
| 6:7 | 以色列人因为米甸人ê缘故求叫上主ê时， | 注释 串珠 康来昌 原文 典藏 |
| 6:8 | 上主to̍h差先知到以色列人hia，对in讲：「上主—以色列ê上帝ánne讲：『我bat chhōa lín tùi埃及出来，tùi做奴隶ê家出来， | 注释 串珠 康来昌 原文 典藏 |
| 6:9 | 我mā救lín脱离埃及人ê手，mā脱离一切压制lín ê人ê手，tùi lín ê面前kā in赶出去，kā in ê地hō͘ lín。 | 注释 串珠 康来昌 原文 典藏 |
| 6:10 | 我mā对lín讲，我是上主—lín ê上帝，lín tòa亚摩利人ê地，m̄免惊in ê神明。总是，lín m̄听我ê话。』」 | 注释 串珠 康来昌 原文 典藏 |
| 6:11 | 上主ê使者到俄弗拉，坐tī亚比以谢族ê人约阿施ê橡树脚。约阿施ê kiáⁿ基甸tī酒窟hia teh phah麦，无ài hō͘米甸人看tio̍h。 | 注释 串珠 康来昌 字典 原文 典藏 |
| 6:12 | 上主ê使者对基甸显现，对伊讲：「大气力ê勇士，上主kah你同在。」 | 注释 串珠 康来昌 原文 典藏 |
| 6:13 | 基甸对伊讲：「我ê主ah，若上主kah阮同在，阮án怎tú tio̍h这一切ê tāichì？阮ê祖先所kā阮讲上主hiahê奇事tī tó位？In讲：『他kám无chhōa阮tùi埃及出来？』Taⁿ上主放sak阮，kā阮交tī米甸人ê手中。」 | 注释 串珠 康来昌 原文 典藏 |
| 6:14 | 上主看基甸，kā伊讲：「Τio̍h用你chitê力去，来救以色列出米甸人ê手，我kám无差你去？」 | 注释 串珠 康来昌 原文 典藏 |
| 6:15 | 基甸kā他讲：「主ah，我beh用啥物救以色列？你看，我ê家是玛拿西中siōng sànchhiah ・ê，tī我老父ê家，我是siōng细汉ê。」 | 注释 串珠 康来昌 原文 典藏 |
| 6:16 | 上主对伊讲：「我ē kah你同在，你ēphah米甸人，亲像teh phah一个人。」 | 注释 串珠 康来昌 原文 典藏 |
| 6:17 | 伊应上主讲：「我若tī祢ê面前得tio̍h恩典，求祢hō͘我一个兆头thang知，kah我teh讲话ê to̍h是祢。 | 注释 串珠 康来昌 原文 典藏 |
| 6:18 | 请祢m̄ thang离开chia，thèng候我koh来你chia，带我ê礼物hē tī祢ê面前。」上主讲：「我ēthèng候你koh来。」 | 注释 串珠 康来昌 原文 典藏 |
| 6:19 | 基甸去准备一只山羊á，用一伊法ê面粉做无酵饼，肉hē tī筐里，汤贮tī壶里，带到橡树脚，献hō͘上主。 | 注释 串珠 康来昌 字典 原文 典藏 |
| 6:20 | 上主ê使者吩咐伊讲：「肉kah无酵饼hē tī chitê石磐顶，汤倒出来。」基甸就照ánne行。 | 注释 串珠 康来昌 字典 原文 典藏 |
| 6:21 | 上主ê使者伸出手里所gia̍h ê拐á尾，来tuh tio̍h肉kah无酵饼，to̍h有火tùi石磐出来，全部ê肉kah无酵饼烧起来。上主ê使者to̍h离开去，无koh再看tio̍h。 | 注释 串珠 康来昌 字典 原文 典藏 |
| 6:22 | 基甸看出伊是上主ê使者，to̍h讲：「Hāiⁿ-ah！至koân上主ah，因为我当面看tio̍h上主ê使者。」 | 注释 串珠 康来昌 原文 典藏 |
| 6:23 | 上主对伊讲：「安你ê心，m̄免惊，你bē致到死。」 | 注释 串珠 康来昌 原文 典藏 |
| 6:24 | 基甸to̍h tī hia kā上主起一座坛，号名叫做『耶和华沙龙』。（Chitê坛tī亚比以谢族ê俄弗拉，到今á日iáu tī ・leh。） | 注释 串珠 康来昌 字典 原文 典藏 |
| 6:25 | Hit暝，上主吩咐基甸讲：「你牵lín老父ê牛á来，to̍h是七年ê第二只牛，mā tio̍h拆毁lín老父所有巴力ê坛，kā坛边ê亚舍拉锉掉， | 注释 串珠 康来昌 字典 原文 典藏 |
| 6:26 | tī chitê山寨，照合宜ê方法，为上主—你ê上帝起一座坛，用第二只牛献做烧祭，用你所beh锉ê亚舍拉做柴。」 | 注释 串珠 康来昌 字典 原文 典藏 |
| 6:27 | 基甸to̍h tùi伊ê奴仆中chhōa十个人，照上主吩咐伊ê去行。伊因为惊老父ê家kah城内ê人，日时m̄敢做chitê tāichì，to̍h tī暗时去做。 | 注释 串珠 康来昌 原文 典藏 |
| 6:28 | 城内ê人透早起来，看tio̍h巴力ê坛拆毁，坛边ê亚舍拉锉掉，第二只牛献tī所起ê坛。 | 注释 串珠 康来昌 字典 原文 典藏 |
| 6:29 | In做伙讲：「啥人做chitê tāichì？」In查问了后，to̍h讲：「这是约阿施ê kiáⁿ基甸所做ê。」 | 注释 串珠 康来昌 原文 典藏 |
| 6:30 | 城内ê人对约阿施讲：「掠你ê kiáⁿ出来，thang hō͘伊死，因为伊拆毁巴力ê坛，锉坛边ê亚舍拉。」 | 注释 串珠 康来昌 字典 原文 典藏 |
| 6:31 | 约阿施kā所有khiā-teh攻击伊ê人讲：「Lín beh为巴力争辩？Lín beh救伊？若有人为伊争辩，趁早起tio̍h hō͘伊死！巴力若是神明，chiah hō͘伊为kakī 争辩，因为人拆毁伊ê坛。」 | 注释 串珠 康来昌 字典 原文 典藏 |
| 6:32 | Tùi hit日起，叫伊ê名耶路巴力，是讲：「巴力tio̍h kah伊争辩，因为伊毁坏伊ê坛。」 | 注释 串珠 康来昌 字典 原文 典藏 |
| 6:33 | Hit时，米甸人、亚玛力人kah东方ê人民，lóng聚集过河，tī耶斯列ê山谷扎营。 | 注释 串珠 康来昌 原文 典藏 |
| 6:34 | 上主ê圣神临到基甸，伊to̍hpun5哨角；亚比以谢族lóng聚集来跟tòe伊。 | 注释 串珠 康来昌 字典 原文 典藏 |
| 6:35 | 伊差人遍行玛拿西，玛拿西人mā聚集来tòe伊。伊koh差人去见亚设人、西布伦人kah拿弗他利人，in mā lóng起来kah in联合。 | 注释 串珠 康来昌 原文 典藏 |
| 6:36 | 基甸对上主讲：「祢若照祢所讲ê，beh用我ê手来救以色列， | 注释 串珠 康来昌 原文 典藏 |
| 6:37 | 我to̍h用kui领ê羊毛hē tī稻埕，若kantaⁿ羊毛有露水，土脚lóng干干，我to̍h知祢ē照祢所讲ê，用我ê手救以色列。」 | 注释 串珠 康来昌 字典 原文 典藏 |
| 6:38 | 就果然ánne，隔tńg工，基甸早早起来，chūn羊毛，tùi羊毛绞出露水一碗满满。 | 注释 串珠 康来昌 字典 原文 典藏 |
| 6:39 | 基甸koh对上主讲：「求祢m̄ thang对我受气，我koh讲一pái niā-niā：求祢准我koh一pái用羊毛试看māi，taⁿ独独hō͘羊毛干干，土脚lóng有露水。」 | 注释 串珠 康来昌 原文 典藏 |
| 6:40 | Chit暝上主mā ánne行，独独羊毛干干，土脚lóng有露水。 | 注释 串珠 康来昌 原文 典藏 |