瑪拉基書 線上收聽:中文和合本 現代中文譯本修訂版 現代台語 台語聖經 客語 福州話 下載檔案 關於語音聖經
4:1 上主的大日子
上主 — 萬軍的統帥按呢講:「恁看,日子啲欲到,彼日會親像啲𤏸的火爐;時到,所有自高及作惡的人攏會親像麥稿,互火燒甲連根及枝都攏無去。
4:2 毋拘,恁諸個敬畏我的人,公義的日頭會出現給恁照;伊的光有醫治的功能。恁會親像牛仔出牛椆噗噗跳。」
4:3 上主 — 萬軍的統帥講:「佇我採取行動彼日,恁會踐踏邪惡的人,親像啲踏腳下的土粉。
4:4 「著會記得我的僕人摩西的律法,就是我佇何烈山吩咐以色列人著遵守的規例及命令。
4:5 「你看,佇上主彼個大閣通驚的日子來臨以前,我欲差遣先知以利亞去恁遐。
4:6 伊會互老父的心轉向子兒,子兒的心轉向老父,才免我來的時徹底毀滅此個地。」
《聖經公會現代臺語漢字譯本》©2021版權屬於台灣聖經公會,由台灣聖經公會授權信望愛站使用。現代臺語漢字譯本、現代客語漢字譯本漢字字型3.1版 Copyright (c) 2016 by UBS Open Han Bible Project. 由台灣聖經公會授權信望愛站使用。
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。