章節 | 全民台語聖經漢羅經文 | 註釋 |
6:1 | Kā斧頭Chhōe Tńg來先知ê學生kā以利沙講:「你看,阮kah你所tòa ê所在siuⁿ狹, | 註釋 串珠 原文 典藏 |
6:2 | 求你准阮去約旦河,ta̍k人tùi hia取一支柴料,hō͘阮tī hia起一个所在thang tòa。」以利沙講:「Lín thang去。」 | 註釋 串珠 原文 典藏 |
6:3 | 有一个講:「M̄-thang推辭,求你kah奴僕做伙去。」應講:「我beh去。」就ánne,伊to̍hkah in去。 | 註釋 串珠 原文 典藏 |
6:4 | In來到約旦河,就剉樹。 | 註釋 串珠 原文 典藏 |
6:5 | 有一个人剉樹ê時,斧頭肉ka-la̍uh tī水裡。伊to̍h大聲hoah:「慘ah!我ê主ah,chit支斧頭是借來ê。」 | 註釋 串珠 字典 原文 典藏 |
6:6 | 上帝ê奴僕講:「Ka-la̍uh tī tó位?」伊to̍h報伊看hit所在。伊to̍h剉一支柴,hiat tī hia,斧頭肉就浮起來。 | 註釋 串珠 字典 原文 典藏 |
6:7 | 伊講:「Gia̍h起來!」Hitê人to̍h伸手gia̍h起來。 | 註釋 串珠 原文 典藏 |
6:8 | 亞南王ê軍隊敗退亞南王beh kah以色列交戰,to̍h kah伊ê人臣議論講:「我tio̍h紮營tī某所在,某所在。」 | 註釋 串珠 原文 典藏 |
6:9 | 上帝ê奴僕差人去見以色列王,講:「你tio̍h謹慎,m̄ thang tùi某所在經過,因為亞南人落來tī hia。」 | 註釋 串珠 原文 典藏 |
6:10 | 以色列王差人到上帝ê奴僕所講tio̍h提防ê所在。就ánne,無受傷害,m̄ nā一pái兩pái。 | 註釋 串珠 原文 典藏 |
6:11 | 亞南王因為chitê tāichì心內真憂悶,召伊ê人臣來,kā in講:「咱中間啥人為以色列王,lín無來kā我講?」 | 註釋 串珠 原文 典藏 |
6:12 | 有一个人臣講:「我ê主,我ê王,m̄是ánne lah,是以色列中ê以利沙先知kā你tī睏房所講ê話,lóng kā以色列王講。」 | 註釋 串珠 字典 原文 典藏 |
6:13 | 王講:「Lín去探看伊tī tó位,我thang差人去kā伊掠。」有人kā王講:「你看,伊tī To-than。」 | 註釋 串珠 原文 典藏 |
6:14 | 王to̍h差馬、車kah大隊ê兵去hia。In透暝來到位,圍困hitê城。 | 註釋 串珠 字典 原文 典藏 |
6:15 | 上帝ê奴僕ê差用透早起來出去,看tio̍h有軍兵、馬kah 車teh圍困城。差用kā伊講:「慘ah!我ê主,咱beh án怎chiah好?」 | 註釋 串珠 字典 原文 典藏 |
6:16 | 上帝ê奴僕講:「M̄免驚,因為kah咱同在ê比kah in tī ·leh-ê koh khah chē。」 | 註釋 串珠 原文 典藏 |
6:17 | 以利沙祈禱講:「上主ah,求祢開伊ê目chiu ,hō͘伊ē看tio̍h。」上主to̍h開少年人ê目chiu ,伊to̍h看tio̍h,你看,遍山火馬火車teh圍以利沙。 | 註釋 串珠 字典 原文 典藏 |
6:18 | 亞南王攻擊到伊hia,以利沙祈禱講:「上主ah,求祢phah chiahê人民,hō͘ in chheⁿmê。」祂就phah hō͘ in chheⁿmê,照以利沙ê話。 | 註釋 串珠 原文 典藏 |
6:19 | 以利沙kā in講:「Chitê m̄是hitê路,chitê mā m̄是hitê城;lín tòe我,我beh chhōa lín到lín所chhōe ê人hia。」to̍h chhōa in來到撒馬利亞。 | 註釋 串珠 字典 原文 典藏 |
6:20 | In入去撒馬利亞,以利沙講:「上主ah,求祢開chiahê人ê目chiu ,hō͘ in看tio̍h。」上主開in ê目chiu ,in to̍h看tio̍h,無phah算,已經是tī撒馬利亞ê城內。 | 註釋 串珠 原文 典藏 |
6:21 | 以色列王看tio̍h in,to̍h問以利沙講:「我ê父,我kám tio̍h kā in phah?Kám tio̍h kā in phah?」 | 註釋 串珠 原文 典藏 |
6:22 | 以利沙應講:「M̄-thang kā in phah!你用刀用弓所掠來ê,kám thang kā in phah?Tio̍h hē餅kah水tī in ê面前,hō͘ in lim食,tńg去in ê主人hia。」 | 註釋 串珠 字典 原文 典藏 |
6:23 | 王替in準備真chē食物,in lim食了後,to̍h叫in去;in to̍htng2去in ê主人hia。就ánne,亞南ê軍兵無koh侵犯以色列ê境界。 | 註釋 串珠 原文 典藏 |
6:24 | 撒馬利亞受圍困後來,亞南王聚集伊ê軍隊,起來圍困撒馬利亞。 | 註釋 串珠 原文 典藏 |
6:25 | 撒馬利亞大飢荒,in圍困城,致使一个驢頭值銀八十舍客勒,鴿糞一khap ê四分之一值銀五舍客勒。 | 註釋 串珠 字典 原文 典藏 |
6:26 | 以色列王tùi城牆經過ê時,有一个chabó͘人對伊求叫,講:「我ê主,我ê王,幫贊我。」 | 註釋 串珠 字典 原文 典藏 |
6:27 | 王講:「上主無幫贊你,我beh tùi tó位幫贊你?Kám是tùi稻埕á是tùi酒窟?」 | 註釋 串珠 字典 原文 典藏 |
6:28 | 王koh講:「你有啥物艱苦?」她應講:「Chitê chabó͘人對我講,交出你ê kiáⁿ,咱今á日thang kā伊食,明á載咱食我ê kiáⁿ。」 | 註釋 串珠 原文 典藏 |
6:29 | 阮就煮我ê kiáⁿ來食。隔tńg工我對她講,交出你ê kiáⁿ,咱thang煮來食,總是,她kā她ê kiáⁿ藏起來。」 | 註釋 串珠 原文 典藏 |
6:30 | 王聽tio̍h chabó͘人ê話,to̍h拆裂衫,tùi城牆頂經過,人民看tio̍h伊,看tio̍h伊身軀ê衫是粗麻布。 | 註釋 串珠 字典 原文 典藏 |
6:31 | 王講:「沙法ê kiáⁿ以利沙ê頭殼,今á日若猶原連tī伊ê身軀,願上主加倍kā我責罰!」 | 註釋 串珠 原文 典藏 |
6:32 | Hit時,以利沙坐tī厝內,長老mā kah伊做伙teh坐。王差一个人做頭去,使者iáu未到伊hia,以利沙kā長老講:「Lín看chitê兇手ê kiáⁿ,ná ē差人來取我ê頭殼?Lín看,使者若來,to̍h tio̍h關門,阻止伊tī門外。tī伊ê後面kám無有伊ê主人ê腳步聲?」 | 註釋 串珠 原文 典藏 |
6:33 | 伊iáu kah in講話ê時,你看,使者落去伊hia,講:「你看,chitê災禍tùi上主來ê,我ná tio̍h koh thèng候上主?」 | 註釋 串珠 原文 典藏 |