章節 | 全民台語聖經漢羅經文 | 註釋 |
1:1 | 以利亞kah亞哈謝王亞哈死了後,摩押背叛以色列。 | 註釋 串珠 原文 典藏 |
1:2 | 亞哈謝tùi撒馬利亞ê樓頂ê欄杆跋落來,致病;to̍h差使者kā in講:「Lín去問以革倫ê神明Ba-al-che-but ,我chitê病會好á-bē?」 | 註釋 串珠 字典 原文 典藏 |
1:3 | 總是,上主ê使者kā提斯比人以利亞講:「你起來,上去接撒馬利亞王ê使者,kā in講:『Lín去問以革倫ê神明Ba-al-che-but ,kám是因為以色列中無上帝?』 | 註釋 串珠 字典 原文 典藏 |
1:4 | 所以,上主ánne講:『你bē tàng koh落去你所上去ê眠床,一定ē死!』」以利亞to̍h去。 | 註釋 串珠 字典 原文 典藏 |
1:5 | 使者tńg來見王,王問in講:「Lín是án怎tńg來?」 | 註釋 串珠 原文 典藏 |
1:6 | 使者應伊講:「有一个人tú tio̍h阮,kā阮講:『你去,lín tńg去見差lín ê王,kā伊講,上主ánne講:你差人去問以革倫ê神明Ba-al-che-but ,kám是因為以色列中無上帝?所以,你bē koh落去你所上去ê眠床,一定ē死!』」 | 註釋 串珠 字典 原文 典藏 |
1:7 | 王問in講:「來tú tio̍h lín,kā lín講chiahê話ê,伊ê形狀啥款?」 | 註釋 串珠 原文 典藏 |
1:8 | In應講:「伊穿有毛ê衫,腰縖皮帶。」王講:「這是提斯比人以利亞。」 | 註釋 串珠 字典 原文 典藏 |
1:9 | 王to̍h差排長chhōa伊hit五十人去以利亞hia,伊上去伊hia;你看,以利亞坐tī山頂。排長kā伊講:「上帝ê奴僕,王講,你tio̍h落來。」 | 註釋 串珠 原文 典藏 |
1:10 | 以利亞應排長講:「我若是上帝ê奴僕,願火tùi天落來,燒你kah你hit五十人!」to̍h有火tùi天落來燒伊kah伊hit五十人。 | 註釋 串珠 原文 典藏 |
1:11 | 王koh差一个排長,chhōa伊hit五十人,去以利亞hia。伊to̍hka7伊講:「上帝ê奴僕,王講,你tio̍h趕緊落來!」 | 註釋 串珠 原文 典藏 |
1:12 | 以利亞應in講:「我若是上帝ê奴僕,願火tùi天落來,燒你kah你hit五十人!」to̍h有上主ê火tùi天落來,燒伊kah伊hit五十人。 | 註釋 串珠 原文 典藏 |
1:13 | 王koh差第三隊ê排長chhōa伊hit五十人。Hitê第三隊ê排長上去,跪tī以利亞ê面前,懇求伊講:「上帝ê奴僕,求你掠我ê性命kah你chit五十個奴僕ê性命做寶貝! | 註釋 串珠 原文 典藏 |
1:14 | 你看,已經有火tùi天落來燒死以前兩 个排長kah in ta̍k个五十人;taⁿ求你看我ê性命做寶貝!」 | 註釋 串珠 原文 典藏 |
1:15 | 上主ê使者kā以利亞講:「你kah伊落去,m̄免驚伊。」 | 註釋 串珠 原文 典藏 |
1:16 | 以利亞to̍h起來,kah伊落去見王,kā伊講:「上主ánne講:『你差人去問以革倫ê神明Ba-al-che-but ,kám是因為以色列中無上帝hō͘你問祂ê話?所以,你bē koh落來你所上去ê眠床,一定tio̍h死!』」 | 註釋 串珠 字典 原文 典藏 |
1:17 | 王就死,照以利亞所傳上主ê話。王無kiáⁿ,約蘭續接王位,tī偤大王約沙法ê kiáⁿ約蘭第二年。 | 註釋 串珠 原文 典藏 |
1:18 | 亞哈謝其他ê tāichì,kám無記tī以色列chiahê王ê記錄? | 註釋 串珠 字典 原文 典藏 |