版本選擇 有地理sitephoto 查字典 本章地圖 影像 [ 條列 | 表格 | 整段 ] 語態 度量衡 其他 閱讀計畫

新版上一章 下一章    查詢或移至: 說明

列王紀上 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經

章節全民台語聖經漢羅經文註釋
17:1

以利亞kah炕旱

Tòa tī基列ê提斯比人以利亞對亞哈講:「我kí永遠活ê上主—以色列ê上帝,to̍h是我khiā tī祂ê面前ê來講:Chit幾年,我若無講,會無露水,無雨。」
註釋 串珠 原文 典藏
17:2上主ê話臨到以利亞講:註釋 串珠 原文 典藏
17:3「你tio̍h離開chia,oat tùi東pêng去,bih tī約旦河ê東pêng ê Ke-lit溪邊。註釋 串珠 原文 典藏
17:4你ēlim hitê溪ê水,我已經命令烏鴉tī hia kā你供給。」註釋 串珠 字典 原文 典藏
17:5以利亞to̍h去,照上主ê話來行,去tòa tī約旦河東pêng ê Ke-lit溪。註釋 串珠 原文 典藏
17:6早起時,烏鴉kā伊帶餅kah肉來;ê-hng時mā帶餅kah肉來,伊lim溪裡ê水。註釋 串珠 字典 原文 典藏
17:7後來,溪水乾去,因為hitê所在無雨水。註釋 串珠 原文 典藏
17:8

以利亞kah撒勒法ê寡婦

上主ê話臨到以利亞講:
註釋 串珠 原文 典藏
17:9「你起來去到西頓ê撒勒法,去tòa tī hia。你看,我已經命令hit所在ê一个寡婦kā你養飼。」註釋 串珠 原文 典藏
17:10伊to̍h起來,去撒勒法。來到城門ê時,tú好有一个寡婦tī hit所在teh拾柴。以利亞to̍h叫她講:「求你用器具舀淡薄á水來hō͘我lim。」註釋 串珠 字典 原文 典藏
17:11她去舀 ê時,以利亞koh叫她講:「請你順手the̍h淡薄á餅來hō͘我!」註釋 串珠 字典 原文 典藏
17:12Cha-bó͘人講:「我kí永遠活ê上主—你ê上帝來講,我無一塊餅,只有一把á麵粉tī桶裡,kah淡薄á油tī瓶裡;你看,我拾兩支柴,beh tńg去為我kah我ê kiáⁿ來kā它煏(piak);阮thang食了chiah死。」註釋 串珠 字典 原文 典藏
17:13以利亞kā她講:「免驚!做你去!照你所講ê來行。總是,tāi先kā我做一塊細塊ê餅,帶來hō͘我,然後chiah為你kah你ê kiáⁿ去煏。註釋 串珠 字典 原文 典藏
17:14因為上主—以色列ê上帝ánne講:『桶內ê麵粉bē減少,瓶內ê油用bē了,直到上主落雨tī地chiūⁿê日。』」註釋 串珠 字典 原文 典藏
17:15Cha-bó͘人to̍h去,照以利亞ê話來行。Cha-bó͘人kah伊ê家kah以利亞做伙食真chē日。註釋 串珠 原文 典藏
17:16桶內ê麵粉無減少,瓶內ê油無用了,tú照上主託以利亞所講ê話。註釋 串珠 字典 原文 典藏
17:17Chiahê tāichì了後,chitê chabó͘人,to̍h是hit家ê主人,她ê kiáⁿ破病,病kah真傷重,致使伊無一點á氣絲。註釋 串珠 原文 典藏
17:18Cha-bó͘人kā以利亞講:「上帝ê奴僕,我kah你有啥物牽連?你來我chia hō͘上主ē記得我ê罪,hō͘我ê kiáⁿ死去。」註釋 串珠 原文 典藏
17:19以利亞kā她講:「Kā你ê kiáⁿ交hō͘我。」以利亞to̍h tùi chabó͘人ê胸前kā伊抱去,chhōa來到伊所tòa ê樓,hē tī kakī ê床頂,註釋 串珠 字典 原文 典藏
17:20to̍h求叫上主講:「上主—我ê上帝ah,祢kám koh beh降災禍tī我所kah她tòa ê寡婦,kā她ê kiáⁿ害死?」註釋 串珠 原文 典藏
17:21以利亞to̍h仆tī gín-á ê身軀三pái,求上主講:「上主—我ê上帝ah,求祢hō͘ chitê gín-á回魂!」註釋 串珠 原文 典藏
17:22上主聽以利亞ê聲,gín-á ê魂就回復,伊to̍h活起來。註釋 串珠 原文 典藏
17:23以利亞就抱hitê gín-á tùi樓頂落來,入去厝內交hō͘伊ê老母。以利亞講:「你看,你ê kiáⁿ活起來à!」註釋 串珠 字典 原文 典藏
17:24Cha-bó͘人對以利亞講:「Taⁿ我知你是上帝ê奴僕,你所講ê上主ê話lóng是真實ê。」註釋 串珠 原文 典藏


上一章 下一章    查詢或移至: 說明

[ 條列 | 表格 | 整段 ] 語態 重新查詢 影像 本章地圖 度量衡 其他
和合本和合本2010現代中文譯本1995版現代中文譯本2019版新譯本恢復本思高譯本呂振中譯本NET聖經中譯本深文理和合本原文直譯(參考用)ESVKJVBBEWEBASVDarbyERV舊約馬索拉原文七十士譯本現代台語2021版漢字現代台語2021版全羅聖經公會巴克禮台漢本巴克禮全羅巴克禮漢羅聖經公會現代客語全羅聖經公會現代客語漢字全民台語聖經全羅全民台語聖經漢羅全民台語聖經Ruby印尼聖經越南聖經俄文聖經韓文聖經日語聖經聖經公會布農語聖經聖經公會泰雅爾語聖經聖經公會魯凱語聖經賽德克族Tgdaya語聖經公會阿美語1997聖經公會太魯閣語聖經藏語聖經武加大譯本新武加大譯本官話和合本北京官話譯本文理和合本神天聖書文理委辦譯本施約瑟淺文理譯本馬殊曼譯本四人小組譯本高連茨基聖詠經郭實臘新遺詔書和舊遺詔聖書太平天國文理譯本



各聖經譯本著作權如
版權說明
本畫面由信望愛資訊中心CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。