| 章節 | 全民台語聖經漢羅經文 | 註釋 |
| 8:1 | 迎接約櫃入聖殿(代下5：2-6：2)Hit時，所羅門聚集以色列ê長老kah ta̍k支族ê首領，以及以色列人hiahê族長，來到耶路撒冷所羅門王hia，beh kā上主ê約櫃tùi大衛城，to̍h是錫安，運來。 | 註釋 串珠 字典 原文 典藏 |
| 8:2 | Tī以他念月，to̍h是七月ê節期，以色列人lóng聚集來到所羅門王hia。 | 註釋 串珠 原文 典藏 |
| 8:3 | 以色列ê長老lóng來；hiahê祭司扛約櫃。 | 註釋 串珠 字典 原文 典藏 |
| 8:4 | Into̍h kā上主ê櫃kah會幕，以及布棚內一切聖ê器具運來；祭司kah利未人lóng kā它扛起來。 | 註釋 串珠 字典 原文 典藏 |
| 8:5 | 所羅門王kah聚集來到伊hia ê以色列ê全會眾，tī約櫃前獻羊kah牛做祭祀，數目chē到bē算得，mā算bē了。 | 註釋 串珠 字典 原文 典藏 |
| 8:6 | 祭司扛上主ê約櫃來到它ê所在，入去hit間後殿，to̍h是至聖所，kā它hē tī ki-lō͘-peng ê翼下。 | 註釋 串珠 字典 原文 典藏 |
| 8:7 | 因為ki-lō͘-peng thí開in ê翼，tī櫃ê所在ê頂面，所以有ki-lō͘-peng tī hit頂面遮蓋櫃kah它ê槓（kǹg）。 | 註釋 串珠 字典 原文 典藏 |
| 8:8 | Hiahê槓真長，槓尾tī後殿前ê聖所看ētio̍h，tī外面to̍h看bē tio̍h；到今á日iáu tī hia。 | 註釋 串珠 字典 原文 典藏 |
| 8:9 | 櫃內只有兩塊石碑，to̍h是以色列人出埃及地，上主kah in立約ê時，摩西tī何烈山所hē ê，這以外無別項物。 | 註釋 串珠 字典 原文 典藏 |
| 8:10 | 當祭司tùi聖所出來ê時，有雲充滿上主ê殿； | 註釋 串珠 字典 原文 典藏 |
| 8:11 | 致使祭司為tio̍h雲ê緣故bē tàng khiā-teh服事，因為上主ê榮光充滿上主ê殿。 | 註釋 串珠 原文 典藏 |
| 8:12 | Hit時，所羅門講：「上主bat講祂ētiàm tī烏烏暗暗ê所在； | 註釋 串珠 原文 典藏 |
| 8:13 | 我已經起chit間殿hō͘祢tòa，做祢永遠tòa ê所在。」 | 註釋 串珠 原文 典藏 |
| 8:14 | 所羅門對人民ê教示(代下6：3-11)王oa̍t-tńg伊ê面祝福以色列會眾；以色列會眾lóng khiā起來。 | 註釋 串珠 原文 典藏 |
| 8:15 | 伊講：「上主—以色列ê上帝是應該oló ê，因為祂親嘴對我ê老父大衛應允ê，mā親手kā伊應驗。伊講： | 註釋 串珠 原文 典藏 |
| 8:16 | 『Tùi我chhōa我ê子民—以色列人出埃及以來，我m̄ bat tī以色列眾支族中間揀一个城，起殿hō͘我ê名tī hia，獨獨揀大衛治理我ê子民—以色列人。』 | 註釋 串珠 原文 典藏 |
| 8:17 | 「我ê老父大衛心內有意思，beh為上主—以色列ê上帝ê名起殿。 | 註釋 串珠 原文 典藏 |
| 8:18 | 總是，上主對我ê老父大衛講：『你ê心有意思beh為我ê名起殿，你chitê意思真好。 | 註釋 串珠 原文 典藏 |
| 8:19 | 總是，你m̄ thang起殿，你所親生ê kiáⁿē為我ê名起殿。』 | 註釋 串珠 原文 典藏 |
| 8:20 | 「Taⁿ上主應驗祂所講ê話，我照上主ê話起來續接我ê老父大衛，坐以色列ê國位，koh為上主—以色列上帝ê名起殿。 | 註釋 串珠 字典 原文 典藏 |
| 8:21 | 我mā tī hia為約櫃準備一个所在，櫃內有上主ê約，to̍h是祂chhōa咱ê祖先出埃及ê時，kah in所立ê約。」 | 註釋 串珠 字典 原文 典藏 |
| 8:22 | 所羅門ê祈禱(代下6：12-42)所羅門當以色列會眾ê面前，khiā tī上主ê壇前，gia̍h起手ǹg天，講： | 註釋 串珠 字典 原文 典藏 |
| 8:23 | 「上主—以色列ê上帝ah，tī天頂，tī地下，無有神明親像祢守約koh行疼心tī祢hiahê奴僕，to̍h是盡心行tī祢ê面前ê。 | 註釋 串珠 原文 典藏 |
| 8:24 | 祢對祢ê奴僕—我ê老父大衛所應允ê，祢有守約。祢親嘴講ê，有親手kā它應驗，tú照今á日ê款。 | 註釋 串珠 原文 典藏 |
| 8:25 | 上主—以色列ê上帝ah，祢有應允祢ê奴僕—我ê老父大衛講：『你ê kiáⁿ孫若謹慎in ê所做，行tī我ê面前，親像你行tī我ê面前，就屬tī你ê beh tī我ê面前坐以色列ê國位永無斷』，taⁿ求祢kā它應驗。 | 註釋 串珠 字典 原文 典藏 |
| 8:26 | 以色列ê上帝ah，祢對祢ê奴僕—我ê老父大衛所講ê，求祢hō͘它成做事實。 | 註釋 串珠 原文 典藏 |
| 8:27 | 「上帝kám真正會tòa tī地chiūⁿ？你看，天kah chiahê天ê天尚且無夠額thang hō͘祢tòa，何況我所起ê chit間殿？ | 註釋 串珠 原文 典藏 |
| 8:28 | 上主—我ê上帝ah，願祢àⁿ落數念祢ê奴僕ê祈禱kah懇求，來聽祢ê奴僕今á日tī祢面前所祈禱ê求叫。 | 註釋 串珠 原文 典藏 |
| 8:29 | 願祢暝日看顧chitê殿，to̍h是祢所講起ê『我ê名beh tī hia』ê所在，來聽祢ê奴僕所beh ǹg chit所在祈禱ê祈禱。 | 註釋 串珠 原文 典藏 |
| 8:30 | 祢ê奴僕kah祢ê子民—以色列人ǹg chit所在祈禱ê時，願祢聽in ê祈求，願祢tī天裡—祢tòa ê所在來聽in ê祈求，祢聽tio̍h ê時to̍h kā in赦免。 | 註釋 串珠 原文 典藏 |
| 8:31 | 「人若得罪伊ê厝邊，koh有人用一个chiùchōa kah伊chiùchōa，伊若來chit間殿，tī祢ê壇前chiùchōa ê時， | 註釋 串珠 字典 原文 典藏 |
| 8:32 | 求祢tī天裡垂聽來kā伊辦理；審判祢chiahê奴僕，定pháiⁿ人ê罪，照伊所行ê報應tī伊ê頭殼；定義人做義，照伊ê義來hō͘伊。 | 註釋 串珠 字典 原文 典藏 |
| 8:33 | 「設使祢ê子民—以色列人，因為得罪祢，chiah tī對敵ê面前thâi輸，in若歸向祢，認祢ê名，koh tī chit間殿祈禱，kā祢懇求， | 註釋 串珠 原文 典藏 |
| 8:34 | 求祢tī天裡聽in ê祈禱，來赦免祢ê子民—以色列ê罪，hō͘ in tńg來祢所賞賜hō͘ in ê祖先ê地。 | 註釋 串珠 原文 典藏 |
| 8:35 | 「設使in得罪祢，致使天關密，無落雨；祢kā in刑罰ê時，in若ǹg chit所在祈禱，認祢ê名，離開in ê罪， | 註釋 串珠 原文 典藏 |
| 8:36 | 求祢tī天裡聽in ê祈禱，赦免祢ê奴僕kah祢ê子民—以色列ê罪；tī祢教示in所tio̍h行ê好路ê時，koh落雨tī祢ê地，to̍h是祢賞賜祢ê子民做產業ê。 | 註釋 串珠 字典 原文 典藏 |
| 8:37 | 「Chitê地若有飢荒、瘟疫、乾燥、朽爛、草蜢、剪蟲，á是in ê對敵tī in hiahê城ê地kā in圍困，無論有啥物災禍，啥物破病， | 註釋 串珠 字典 原文 典藏 |
| 8:38 | 祢ê子民—以色列ê群眾，無論是個人，á是群眾，若ta̍k个知kakī 心內ê災禍，ǹg chit間殿gia̍h起手，無論án怎懇求，án怎祈禱， | 註釋 串珠 原文 典藏 |
| 8:39 | 願祢tī天裡，祢所tòa ê所在，來聽，來赦免，來施行。祢知in ê心，照in ta̍k人ê行為來款待in，(因為世間ta̍k人ê心，只有祢知)， | 註釋 串珠 字典 原文 典藏 |
| 8:40 | hō͘ in tī祢賞賜hō͘阮祖先ê地，一世人敬畏祢。 | 註釋 串珠 原文 典藏 |
| 8:41 | 「若是外邦人，in m̄是屬祢ê子民—以色列，伊為tio̍h祢ê名tùi遠遠ê所在來ê， | 註釋 串珠 原文 典藏 |
| 8:42 | (因為in聽tio̍h祢ê大名，大權能ê手，伸出ê手。)若來ǹg chitê殿祈禱， | 註釋 串珠 原文 典藏 |
| 8:43 | 願祢tī天裡祢tòa ê所在，來聽in ê祈禱，照外邦人一切所對祢求ê來行，hō͘天下萬民lóng bat祢ê名，敬畏祢，親像祢ê子民—以色列，koh hō͘ in知我所起chit間殿是用祢ê名來稱呼ê。 | 註釋 串珠 原文 典藏 |
| 8:44 | 「祢ê子民若出去祢所差in去ê路kah對敵交戰，mā ǹg祢所揀ê城，kah我為tio̍h祢ê名所起ê殿，來對上主祈禱， | 註釋 串珠 字典 原文 典藏 |
| 8:45 | 願祢tī天裡來聽in ê祈禱kah懇求，來kā in判斷。 | 註釋 串珠 原文 典藏 |
| 8:46 | 「祢ê子民若得罪祢，(因為無有無犯罪ê人)，祢對in受氣，kā in交hō͘對敵，致使對敵掠in到對敵ê地，á是遠，á是近ê所在， | 註釋 串珠 原文 典藏 |
| 8:47 | in若tī所掠去ê地，心內倒tńg來想，來悔改，koh tī掠in ê人ê地，懇求祢講：『阮有罪，阮有悖逆，阮有做pháiⁿ』； | 註釋 串珠 原文 典藏 |
| 8:48 | in若tī受掠去ê所在，to̍h是對敵掠in去ê所在，盡心、盡性歸服祢，koh ǹg本地，to̍h是祢賞賜hō͘ in祖先ê地kah祢所揀ê城，以及我為tio̍h祢ê名所起ê殿，來對祢祈禱， | 註釋 串珠 字典 原文 典藏 |
| 8:49 | 願祢tī天裡祢所tòa ê所在，聽in ê祈禱kah懇求，kā in判斷； | 註釋 串珠 原文 典藏 |
| 8:50 | koh赦免祢ê子民得罪祢ê，以及in一切得罪祢ê罪過，hō͘ in tī掠in ê人ê面前得tio̍h憐憫，致使掠in ê人kā in憐憫。 | 註釋 串珠 原文 典藏 |
| 8:51 | 因為in是祢ê子民，祢ê產業，是祢chhōa in出埃及，tùi鑄鐵ê爐中出來ê。 | 註釋 串珠 字典 原文 典藏 |
| 8:52 | 「願你開目chiu 開來看顧祢ê奴僕，kah祢ê子民—以色列ê祈禱，來聽in一切對祢懇求ê。 | 註釋 串珠 原文 典藏 |
| 8:53 | 至koân上主ah，因為祢bat tùi地chiūⁿ眾人ê中間kā in分別出來做祢ê產業，是照祢chhōa阮ê祖先出埃及ê時，託祢ê奴僕摩西所講ê。」 | 註釋 串珠 原文 典藏 |
| 8:54 | 祝福人民所羅門tī上主ê壇前，腳頭u跪teh，伸手ǹg天，已經對上主祈禱懇求了後，to̍h起來。 | 註釋 串珠 字典 原文 典藏 |
| 8:55 | 伊khiā ·leh，大聲祝福以色列全會眾，講： | 註釋 串珠 原文 典藏 |
| 8:56 | 「上主是應該tio̍h oló ê，因為祂一切所應允ê，賞賜平安hō͘祂ê子民—以色列；見若託祂ê奴僕摩西所應允ê好話，無一句落空。 | 註釋 串珠 原文 典藏 |
| 8:57 | 願上主—咱ê上帝kah咱同在，親像祂kah咱ê祖先同在。願祂無離開咱，無放sak咱， | 註釋 串珠 原文 典藏 |
| 8:58 | hō͘咱ê心歸向祂，來行祂一切ê道路，守祂所命令咱ê祖先ê誡命、律例、法度。 | 註釋 串珠 字典 原文 典藏 |
| 8:59 | 我taⁿ tī上主ê面前所祈求chiahê話，願chiahê話暝日近tī咱ê上帝—上主，koh日日照所合宜ê為祂ê奴僕判斷，mā為祂ê子民—以色列判斷， | 註釋 串珠 原文 典藏 |
| 8:60 | hō͘地chiūⁿ萬民知影上主是上帝，祂以外無別个。 | 註釋 串珠 原文 典藏 |
| 8:61 | 所以，lín ê心tio̍h完全ǹg上主—咱ê上帝，遵thàn祂ê律例，守祂ê誡命，親像今á日ánne。」 | 註釋 串珠 原文 典藏 |
| 8:62 | 聖殿獻堂典禮(代下7：4-10)王kah以色列眾人做伙tī上主ê面前獻祭。 | 註釋 串珠 原文 典藏 |
| 8:63 | 所羅門獻謝恩ê祭，to̍h是獻hō͘上主牛二萬二千隻，羊十二萬隻。Án-ne，王kah以色列眾人，為上主ê殿行獻殿ê禮。 | 註釋 串珠 字典 原文 典藏 |
| 8:64 | 當hit日，王分別上主殿前院中ê所在為聖，tī hia獻燒祭、素祭kah謝恩祭ê油，因為上主頭前ê銅壇siuⁿ細，bē容允得hiahê燒祭、素祭kah謝恩祭ê油。 | 註釋 串珠 字典 原文 典藏 |
| 8:65 | Hit時，所羅門kah以色列人民，to̍h是tùi哈馬ê路口到埃及ê溪，lóng kah伊聚集成做大會，tī上主—咱ê上帝ê面前守節筵七日koh七日，共十四日。 | 註釋 串珠 原文 典藏 |
| 8:66 | 第八日，王差人民散去；in to̍hka7王祝福；因為上主對祂ê奴僕—大衛kah祂ê子民—以色列所施出一切ê恩惠，in to̍h歡喜，心內快樂，ta̍k个tńg去in ê布棚。 | 註釋 串珠 原文 典藏 |