章節 | 全民台語聖經漢羅經文 | 註釋 |
5:1 | 大衛做以色列kah偤大ê王(代上11:1-9;14:1-7)當時,以色列眾支族來到希伯崙,見大衛講:「你看,阮是你ê骨肉。 | 註釋 串珠 盧俊義 原文 典藏 |
5:2 | 早前掃羅做阮ê王ê時,chhōa以色列出入ê是你;上主mā bat kā你講:『你ē照顧我ê子民—以色列人,mā ē做以色列ê君王。』」 | 註釋 串珠 盧俊義 原文 典藏 |
5:3 | 就ánne,以色列ê長老lóng來希伯崙見王,大衛王tī希伯崙上主ê面前kah in立約,in to̍h用油抹大衛做以色列ê王。 | 註釋 串珠 盧俊義 原文 典藏 |
5:4 | 大衛坐位ê時三十歲,伊坐位四十年。 | 註釋 串珠 盧俊義 原文 典藏 |
5:5 | Tī希伯崙做偤大王七年koh六月日,tī耶路撒冷做全以色列kah偤大ê王三十三年。 | 註釋 串珠 盧俊義 原文 典藏 |
5:6 | 王kah tòe伊ê人來到耶路撒冷beh攻擊tòa tī hit所在ê耶布斯人。In對大衛講:「你若無除chiahê chheⁿmê ·ê kah跛腳ê,to̍h bē tàng入來chit所在。」In想講大衛絕對bē入來chia。 | 註釋 串珠 盧俊義 原文 典藏 |
5:7 | 總是,大衛攻擊錫安ê城堡,這to̍h是大衛ê城。 | 註釋 串珠 盧俊義 字典 原文 典藏 |
5:8 | 當hit日,大衛講:「啥人phah耶布斯人,tio̍h tùi水溝上去phah大衛ê心所怨恨跛腳ê kah chheⁿmê ·ê。」就ánne,有俗語講:「有chheⁿmê ·ê kah跛腳ê bē tàng入去厝裡。」 | 註釋 串珠 盧俊義 字典 原文 典藏 |
5:9 | 大衛tòa tī城堡,稱hit所在叫做大衛ê城。大衛tùi米羅四箍圍起造,mā ǹg內面。 | 註釋 串珠 盧俊義 字典 原文 典藏 |
5:10 | 大衛ná來ná強盛,因為上主—萬軍ê上帝kah伊同在。 | 註釋 串珠 盧俊義 原文 典藏 |
5:11 | 推羅王Hi-lân差使者帶柏香柴kah木匠、石匠來到大衛hia,in kā大衛起厝。 | 註釋 串珠 盧俊義 字典 原文 典藏 |
5:12 | 大衛知影上主定tio̍h會設立伊做以色列王,koh為tio̍h祂ê子民—以色列人來興起祂ê國。 | 註釋 串珠 盧俊義 原文 典藏 |
5:13 | 大衛tùi希伯崙來了後,tùi耶路撒冷koh立后妃,大衛koh生kiáⁿ兒。 | 註釋 串珠 盧俊義 原文 典藏 |
5:14 | Tī耶路撒冷所生ê kiáⁿ to̍h是沙母亞、Sok-pā、拿單kah所羅門、 | 註釋 串珠 盧俊義 原文 典藏 |
5:15 | Ip-hal、E-li-siu-ah、Ne-he̍k、雅非亞、 | 註釋 串珠 盧俊義 原文 典藏 |
5:16 | 以利沙瑪、E-li-a-tah kah以利法列。 | 註釋 串珠 盧俊義 原文 典藏 |
5:17 | thâi贏腓利士人(代上14:8-17)腓利士人聽tio̍h人用油抹大衛做以色列王,腓利士ê群眾to̍h起來siàu想大衛。大衛聽tio̍h,to̍h落去到營寨。 | 註釋 串珠 盧俊義 原文 典藏 |
5:18 | 腓利士人來了後,布置tī利乏音ê山谷。 | 註釋 串珠 盧俊義 原文 典藏 |
5:19 | 大衛問上主講:「我kám thang去攻腓利士人?祢kámē kā in交tī我ê手?」上主kā大衛講:「你thang去,因為我一定ē kā腓利士人交tī你ê手中。」 | 註釋 串珠 盧俊義 原文 典藏 |
5:20 | 大衛來到Ba-al-pe-la-chim,大衛tī hia kā in phah,講:「上主tī我ê面前衝散我ê對敵,親像水teh衝散,所以,kā hit所在ê名叫做Ba-al-pe-la-chim(註:希伯來文ê音讀,意思是「衝散ê主」。)。 | 註釋 串珠 盧俊義 原文 典藏 |
5:21 | In kā in ê偶像棄sak tī hia,大衛kah tòe伊ê人to̍h kā偶像拾走。 | 註釋 串珠 盧俊義 原文 典藏 |
5:22 | 腓利士人koh再來,布置tī利乏音ê山谷。 | 註釋 串珠 盧俊義 原文 典藏 |
5:23 | 大衛問上主,上主講:「M̄-thang直直óa去,tio̍h彎到in ê後面,tùi桑材樹對面去kā in phah。 | 註釋 串珠 盧俊義 字典 原文 典藏 |
5:24 | 你若聽tio̍h tī桑材樹尾有腳步聲,to̍h tio̍h趕緊進行,因為hit時上主已經tùi lín ê頭前出去,攻擊腓利士人ê軍隊。」 | 註釋 串珠 盧俊義 字典 原文 典藏 |
5:25 | 大衛就照上主所吩咐ê去行,攻擊腓利士人,tùi迦巴到基色。 | 註釋 串珠 盧俊義 原文 典藏 |