章節 | 全民台語聖經漢羅經文 | 註釋 |
1:1 | 大衛聽tio̍h掃羅死亡ê消息掃羅死了,大衛ma7thâi死亞瑪力人tńg來ê時,大衛tī洗革拉tòa兩日。 | 註釋 串珠 盧俊義 原文 典藏 |
1:2 | 到第三日,你看,有一个人tùi營房,tùi掃羅hia來,衫褲拆裂,頭殼sám土沙粉,來到大衛hia,to̍h仆tī土腳kā伊拜。 | 註釋 串珠 盧俊義 字典 原文 典藏 |
1:3 | 大衛問伊講:「你tùi tó位來?」伊應講:「我tùi以色列ê軍營來。」 | 註釋 串珠 盧俊義 原文 典藏 |
1:4 | 大衛koh問伊,講:「Tāi-chì án怎?請你kā我講。」伊應講:「人民tùi戰陣逃走,人民真chē倒teh死去;掃羅kah伊ê kiáⁿ約拿單mā死。」 | 註釋 串珠 盧俊義 原文 典藏 |
1:5 | 大衛kā對伊講ê少年人講:「你án怎知影掃羅kah伊ê kiáⁿ約拿單死去?」 | 註釋 串珠 盧俊義 原文 典藏 |
1:6 | Kā伊講ê少年人講:「我偶然到基利波山,看tio̍h掃羅óa tī伊ê鎗,有戰車kah馬兵jiok óa伊。 | 註釋 串珠 盧俊義 字典 原文 典藏 |
1:7 | 伊oa̍t頭看我,to̍h叫我。我應講:『我tī chia。』 | 註釋 串珠 盧俊義 原文 典藏 |
1:8 | 伊問我講:『你是啥人?』我應講:『我是亞瑪力人。』 | 註釋 串珠 盧俊義 原文 典藏 |
1:9 | 伊koh kā我講:『請你近óa我來kā我thâi死,因為我真痛苦,我ê性命iáu好好。』 | 註釋 串珠 盧俊義 原文 典藏 |
1:10 | 我to̍h近óa伊,來kā伊thâi死,因為我知伊倒落去了後,一定bē活,我to̍htheh8伊頭殼裡ê冕旒kah伊ê手環,帶到我ê主chia。」 | 註釋 串珠 盧俊義 字典 原文 典藏 |
1:11 | 大衛to̍h拆裂衫,跟tòe伊ê人mā是ánne。 | 註釋 串珠 盧俊義 字典 原文 典藏 |
1:12 | 為tio̍h掃羅kah伊ê kiáⁿ約拿單,kah上主ê子民,以及以色列ê子民,悲哀、啼哭、禁食到日暗,因為in倒tī刀下。 | 註釋 串珠 盧俊義 字典 原文 典藏 |
1:13 | 大衛kā對伊講ê少年人講:「你tùi tó位來?」伊應講:「我是出外人ê kiáⁿ,亞瑪力人。」 | 註釋 串珠 盧俊義 原文 典藏 |
1:14 | 大衛對伊講:「你伸手thâi死上主所抹油ê,ná ē無驚?」 | 註釋 串珠 盧俊義 原文 典藏 |
1:15 | 大衛叫一个少年人,講:「你óa去kā伊thâi死。」伊to̍h去kā伊phah死。 | C註釋 註釋 串珠 盧俊義 原文 典藏 |
1:16 | 大衛kā伊講:「你ê血歸tī你ê頭殼,因為你ê嘴kakī 見證講:『我thâi死上主所抹油ê。』」 | C註釋 註釋 串珠 盧俊義 原文 典藏 |
1:17 | 大衛為掃羅kah約拿單做哀歌大衛做哀歌,追悼掃羅kah伊ê kiáⁿ約拿單。 | 註釋 串珠 盧俊義 原文 典藏 |
1:18 | Koh講:「Kā chitê哀歌教示偤大人,chitê哀歌名叫做「弓歌」,寫tī正直人詩歌集。歌ánne寫: | 註釋 串珠 盧俊義 字典 原文 典藏 |
1:19 | 以色列,你ê榮顯ê受殺害tī山頭!害ah!英雄ê死致到ánne ah! | 註釋 串珠 盧俊義 原文 典藏 |
1:20 | M̄-thang tī迦特報告,m̄ thang tī亞實基倫ê街路宣揚,恐驚腓利士ê chabó͘ gín-á歡喜;恐驚無受割禮ê人ê chabó͘ gín-á大歡喜。 | 註釋 串珠 盧俊義 字典 原文 典藏 |
1:21 | 基利波山ah,願無露水,無雨,tī你hia,mā無出禮物ê田!因為tī hia勇士ê藤牌受hiat-ka̍k,掃羅ê藤牌,親像無受抹油ê。 | 註釋 串珠 盧俊義 字典 原文 典藏 |
1:22 | Tùi受thâiê ê血,tùi勇士ê油, 約拿單ê弓無倒退,掃羅ê刀無空空倒tńg來。 | 註釋 串珠 盧俊義 字典 原文 典藏 |
1:23 | 掃羅kah約拿單—活leh ê時thang疼,thang歡喜ê,死ê時mā無分離—in比鷹鳥khah緊,比獅khah強。 | 註釋 串珠 盧俊義 字典 原文 典藏 |
1:24 | 以色列ê chabó͘ kiáⁿ,tio̍h為tio̍h掃羅啼哭!伊 bat hō͘ lín穿朱紅色來歡喜,hō͘ lín ê衫褲有黃金ê打扮。 | 註釋 串珠 盧俊義 字典 原文 典藏 |
1:25 | 勇士ná ē倒tī戰陣!約拿單受thâi tī你ê山頭。 | 註釋 串珠 盧俊義 原文 典藏 |
1:26 | 我ê阿兄約拿單,我為你傷心!我非常kah意你!你ê疼我真奇妙,贏過chabó͘人ê疼。 | 註釋 串珠 盧俊義 原文 典藏 |
1:27 | 勇士死kah ánne,戰器毀滅kah ánne! | 註釋 串珠 盧俊義 字典 原文 典藏 |