章節 | 全民台語聖經漢羅經文 | 註釋 |
28:1 | 雅各去投靠拉班以撒叫雅各來,kā伊祝福,mā吩咐伊講:「你m̄ thang 娶迦南ê chabó͘ gín-á做bó͘。 | |
28:2 | 你起來,去巴旦亞南,到你ê外公彼土利ê家,tī你ê母舅拉班ê chabó͘ kiáⁿ中間,娶一个來做bó͘。 | |
28:3 | 願全能上帝kā你賜福,hō͘你生湠真chē,成做真chē族。 | |
28:4 | Koh kā所應允hō͘亞伯拉罕ê福氣hō͘你kah你ê kiáⁿ孫,hō͘你承接你所寄腳ê地,to̍h是上主所hō͘亞伯拉罕ê。」 | |
28:5 | 以撒差雅各去,伊to̍h去巴旦亞南;到亞南人彼土利 ê kiáⁿ拉班hia;伊是雅各kah以掃ê母舅。 | |
28:6 | 以掃另外娶一个Bó͘以掃看tio̍h以撒kā雅各祝福,koh差伊去巴旦亞南,beh tùi hia娶bó͘,mā看tio̍h祝福伊ê時,吩咐伊講:m̄ thang娶迦南ê chabó͘ gín-á做bó͘, | |
28:7 | koh看tio̍h雅各聽父母ê話,去巴旦亞南。 | |
28:8 | 以掃to̍h知伊ê老父以撒無kah意迦南ê chabó͘ gín-á,。 | |
28:9 | 以掃to̍h去以實瑪利hia,tī伊hiahê bó͘以外,koh娶Ma-ha-la̍t做bó͘。她是亞伯拉罕ê kiáⁿ以實瑪利ê chabó͘ kiáⁿ,Ne-bá-iot ê小妹。 | |
28:10 | 雅各tī伯特利眠夢雅各離開別是巴,ǹg哈蘭去。 | |
28:11 | 伊行到一个所在,因為日落,to̍h tī hia歇暝。伊tùi hiahê石頭中間,the̍h一塊來做枕頭,tī hia睏。 | |
28:12 | 伊夢見有一个梯khiā tī地裡,梯頂抵天,有上帝ê使者tī梯裡teh起落。 | |
28:13 | 上主khiā tī梯頂,講:「我是上主—你ê祖先亞伯拉罕ê上帝,mā是以撒ê上帝。我beh kā你現在所睏ê地賞賜hō͘你kah你ê kiáⁿ孫。 | |
28:14 | 你ê kiáⁿ孫ē親像地chiūⁿê土沙hiah chē,你ētùi東西南北來發展,地chiūⁿ萬族ē因為你kah你ê kiáⁿ孫來得tio̍h福氣。 | |
28:15 | 我kah你同在,你無論去tó位,我ē保護你,mā ēchhōa你tńg來chit所在。我lóng無beh放sak你,一直到我完成我對你所答應ê。」 | |
28:16 | 雅各睏醒,講:「上主真正kah我同在,我竟然m̄知。」 | |
28:17 | 伊to̍h tio̍h驚講:「Chit所在到chiah thang驚!這m̄是別項,這是上主ê殿,這是天ê門。」 | |
28:18 | 雅各早早起來,kā伊做枕頭ê石khiā做柱,倒油tī頂面。 | |
28:19 | 伊to̍hka7 hit所在號名叫做伯特利;chitê城ê本名是路斯。 | |
28:20 | 雅各下願講:「上帝若kah我同在,tī我所行ê路保護我,koh hō͘我有物thang食,有衫thang穿, | |
28:21 | hō͘我安然tńg來我ê父ê厝,ánne,上主一定成做我ê上帝, | |
28:22 | 我所khiā做柱ê石beh做上主ê殿,見若祢所賞賜我ê,我beh kā十分之一獻hō͘祢。」 |