章節 | 全民台語聖經漢羅經文 | 註釋 |
19:1 | 掃羅迫害大衛掃羅對伊ê kiáⁿ約拿單kah眾人臣講,tioh8thâi死大衛;總是,掃羅ê kiáⁿ約拿單不止kah意大衛。 | 註釋 串珠 盧俊義 原文 典藏 |
19:2 | 約拿單kā大衛講:「我ê老父掃羅想behthâi你,所以,明á早起你tio̍h小心,到一个偏僻ê所在,kakī bih起來。 | 註釋 串珠 盧俊義 原文 典藏 |
19:3 | 我ē去你所bih ê田,khiā tī我ê老父身邊。我kah我ê老父議論你ê tāichì,我所看tio̍h ê我ē kā你講。」 | 註釋 串珠 盧俊義 原文 典藏 |
19:4 | 約拿單對伊ê老父掃羅論大衛,替伊講好話,講:「王m̄ thang得罪你ê奴僕—大衛,因為伊m̄ bat得罪你,伊對你所行ê lóng是好。 | 註釋 串珠 盧俊義 原文 典藏 |
19:5 | 因為伊bat拚命thâi死hitê腓利士人,上主為以色列人民大行拯救。Hit時,你看tio̍h,不止歡喜,taⁿ ná ē無緣無故behthâi死大衛,流無罪ê人ê血來犯罪?」 | 註釋 串珠 盧俊義 原文 典藏 |
19:6 | 掃羅聽約拿單ê話,掃羅kí上主ê活命來chiùchōa講:「我無beh hō͘伊死。」 | 註釋 串珠 盧俊義 原文 典藏 |
19:7 | 約拿單叫大衛來,約拿單kā所有ê話對伊講。約拿單chhōa大衛去見掃羅,伊猶原khiā tī掃羅ê面前。 | 註釋 串珠 盧俊義 原文 典藏 |
19:8 | 以後koh有交戰,大衛出去kah腓利士人交戰,大大kā inthâi死,in to̍hti7伊ê面前逃走。 | 註釋 串珠 盧俊義 原文 典藏 |
19:9 | 掃羅坐tī厝內,手gia̍h鎗。Hit時,tùi上主hia來ê pháiⁿ神koh臨到伊,大衛to̍h用手彈琴。 | 註釋 串珠 盧俊義 字典 原文 典藏 |
19:10 | 掃羅beh用鎗鑿大衛,kā伊釘tī壁裡;伊to̍htui3掃羅ê面前閃開,hit支鎗鑿入去壁裡。Hit暝,大衛to̍h走,來閃避伊。 | 註釋 串珠 盧俊義 字典 原文 典藏 |
19:11 | 掃羅差人到大衛ê厝顧守伊,thèng候天光beh kā伊thâi。大衛ê bó͘米甲對伊講:「你今暝若無逃命,明á載你ē受thâi。」 | 註釋 串珠 盧俊義 原文 典藏 |
19:12 | 米甲to̍h tùi窗á kā大衛墜落去,伊to̍h走去,來閃避掃羅。 | 註釋 串珠 盧俊義 原文 典藏 |
19:13 | 米甲用厝內ê偶像hē tī眠床,頭殼掛tī山羊毛ê枕頭,用被蓋teh。 | 註釋 串珠 盧俊義 字典 原文 典藏 |
19:14 | 掃羅差人去掠大衛,米甲講:「伊破病。」 | 註釋 串珠 盧俊義 原文 典藏 |
19:15 | 掃羅koh差人去看大衛,講:「連眠床扛來我chia,我thang kā伊thâi死。」 | 註釋 串珠 盧俊義 字典 原文 典藏 |
19:16 | 使者入去,看tio̍h床裡有偶像,頭殼掛tī山羊毛ê枕頭。 | 註釋 串珠 盧俊義 字典 原文 典藏 |
19:17 | 掃羅對米甲講:「你ná ē ánne騙我,放我ê對敵逃走?」米甲應講:「伊kā我講:『你放我去,若無,kám tio̍h我來thâi死你?』」 | 註釋 串珠 盧俊義 原文 典藏 |
19:18 | 大衛走去,逃閃去到拉瑪,見撒母耳,kā掃羅對伊所行ê tāichì,lóng kā伊講。伊kah撒母耳to̍h去拿約tòa。 | 註釋 串珠 盧俊義 原文 典藏 |
19:19 | 有人kā掃羅講,你看,大衛tī拉瑪ê拿約。 | 註釋 串珠 盧俊義 原文 典藏 |
19:20 | 掃羅差使者去掠大衛,in看tio̍h一陣先知teh講先知話,koh有撒母耳khiā tī in中間監督in;上帝ê聖神臨到掃羅ê使者,in mā講先知話。 | 註釋 串珠 盧俊義 原文 典藏 |
19:21 | 有人kā chitê tāichì對掃羅講,伊to̍h差別个使者去,in mā講先知話。掃羅第三pái差使者去,in mā講先知話。 | 註釋 串珠 盧俊義 原文 典藏 |
19:22 | 後來,伊本身mā去拉瑪,到Se-ko͘ ê大井hia,問人講:「撒母耳kah大衛tī tó位?」有人kā伊講:「你看,tī拉瑪ê拿約。」 | 註釋 串珠 盧俊義 字典 原文 典藏 |
19:23 | 伊to̍h去拉瑪ê拿約,上帝ê聖神mā koh臨到伊,伊ná行ná講先知話,一直到拉瑪ê拿約。 | 註釋 串珠 盧俊義 原文 典藏 |
19:24 | 伊to̍hthng3衫,tī撒母耳ê面前講先知話,kui日kui暝thǹgpaktheh倒teh。就ánne人teh講:「掃羅kám mā列tī先知中?」 | 註釋 串珠 盧俊義 字典 原文 典藏 |