章節 | 全民台語聖經漢羅經文 | 註釋 |
13:1 | 抵抗腓利士人掃羅tú-á坐位ê時XX歲,做以色列王X2年ê時,(註:XX kah X2:學者認為chit兩 个數字tī希伯來文抄本中受損或遺失,無法度復原;因為原文照字面讀分別只有「一歲」kah「兩年」。), | 註釋 串珠 盧俊義 原文 典藏 |
13:2 | 伊to̍h為kakī tùi以色列中揀三千人,二千人跟tòe掃羅tī密抹kah伯特利山,一千跟tòe約拿單tī便雅憫ê基比亞;其他ê人,伊差in tńg去ta̍k人ê布棚。 | 註釋 串珠 盧俊義 原文 典藏 |
13:3 | 約拿單phah迦巴腓利士人ê軍營,腓利士人聽tio̍h。掃羅就pûn哨角tī全地,意思是叫希伯來人lóng tio̍h聽。 | 註釋 串珠 盧俊義 字典 原文 典藏 |
13:4 | 以色列人民聽tio̍h掃羅phah腓利士人ê軍營,koh聽tio̍h以色列人hō͘腓利士人討厭,人民to̍h來跟tòe掃羅,聚集tī吉甲。 | 註釋 串珠 盧俊義 原文 典藏 |
13:5 | 腓利士人聚集beh kah以色列人交戰,有車三萬台,馬兵六千,步兵親像海邊ê沙hiah chē,to̍h起來tī伯亞文東pêng ê密抹紮營。 | 註釋 串珠 盧俊義 字典 原文 典藏 |
13:6 | 以色列人看tio̍h kakī 危急,因為人民受窘迫,kakī 就bih tī山洞、樹林、石穴,險要ê所在kah深坑。 | 註釋 串珠 盧俊義 字典 原文 典藏 |
13:7 | Mā有希伯來人過約旦河來到迦特kah基列地。掃羅iáu koh tī吉甲,人民lóng phi̍h-phi̍h chhoah來跟tòe伊。 | 註釋 串珠 盧俊義 原文 典藏 |
13:8 | 掃羅照撒母耳所定tio̍h ê日期,thèng候七日。撒母耳iáu未來吉甲,人民to̍h離開伊四散去。 | 註釋 串珠 盧俊義 原文 典藏 |
13:9 | 掃羅講:「Kā燒祭kah謝恩祭帶來我chia。」伊to̍h獻燒祭。 | 註釋 串珠 盧俊義 原文 典藏 |
13:10 | 伊獻燒祭tú-á了後,你看,撒母耳到à,掃羅出去kā伊迎接,beh kā伊請安。 | 註釋 串珠 盧俊義 原文 典藏 |
13:11 | 撒母耳講:「你做啥物tāichì?」掃羅講:「因為我看tio̍h人民四散離開我,你mā無照所定tio̍h ê日期到,而且腓利士人已經聚集tī密抹。 | 註釋 串珠 盧俊義 原文 典藏 |
13:12 | 所以,我講:腓利士人ē到吉甲來攻擊我,我koh iáu未求上主施恩,我to̍h勉強獻燒祭。」 | 註釋 串珠 盧俊義 原文 典藏 |
13:13 | 撒母耳對掃羅講:「你做戇事à,因為你無遵守上主—你ê上帝所命令你ê誡命。若是有守,上主to̍h ētī以色列中堅固你ê王位到永遠。 | 註釋 串珠 盧俊義 原文 典藏 |
13:14 | Taⁿ你ê王位無久長,上主已經chhōe tio̍h合祂ê心意ê一个人,而且上主mā定tio̍h伊來做祂ê子民ê頭,因為你無遵守上主所命令你ê。」 | 註釋 串珠 盧俊義 原文 典藏 |
13:15 | 撒母耳to̍h起來,tùi吉甲上去便雅憫ê基比亞。掃羅點算tòe伊ê人,差不多有六百人。 | 註釋 串珠 盧俊義 原文 典藏 |
13:16 | 掃羅kah伊ê kiáⁿ約拿單,以及tòe in ê人,lóng tòa tī便雅憫ê 迦巴;總是,腓利士人紮營tī密抹。 | 註釋 串珠 盧俊義 原文 典藏 |
13:17 | 有搶劫ê tùi腓利士ê軍營中出來,分做三隊:一隊oat tùi俄弗拉ê路,到書亞ê地去, | 註釋 串珠 盧俊義 字典 原文 典藏 |
13:18 | koh一隊oat tùi Pek-hô-lûn ê路去;koh一隊oat tùi Che-pho-im ê山谷對面地界ê路,ǹg曠野去。 | 註釋 串珠 盧俊義 字典 原文 典藏 |
13:19 | Hit時,以色列全地無一个phah鐵師傅,因為腓利士人講,恐驚希伯來人製造劍kah鎗。 | 註釋 串珠 盧俊義 字典 原文 典藏 |
13:20 | 以色列人ē kā伊ê犁、耙、斧頭kah鋤頭磨利,ta̍k人tio̍h落去腓利士人hia。 | 註釋 串珠 盧俊義 字典 原文 典藏 |
13:21 | 若beh鑢(lè)鋤頭、犁、三齒ê叉、斧頭kah趕牛ê鐵刺,tio̍h一pim ê工錢。 | 註釋 串珠 盧俊義 字典 原文 典藏 |
13:22 | 所以,到交戰ê日,tòe掃羅kah約拿單ê人無kah一个人手裡有劍有鎗ê,kantaⁿ掃羅kah伊ê kiáⁿ約拿單有。 | 註釋 串珠 盧俊義 字典 原文 典藏 |
13:23 | 腓利士防守ê兵出去到密抹ê關口。 | 註釋 串珠 盧俊義 原文 典藏 |