章節 | 全民台語聖經漢羅經文 | 註釋 |
21:1 | 以撒ê出世上主照祂以前所講ê話照顧撒拉,上主就ánne照祂所講ê來完成對撒拉ê應允。 | |
21:2 | 亞伯拉罕年老ê時,撒拉懷孕;到上帝對伊講ê日期,to̍h kā伊生一个kiáⁿ。 | |
21:3 | 亞伯拉罕kā撒拉所生ê kiáⁿ號名叫做以撒。 | |
21:4 | 以撒出世八日,亞伯拉罕照上帝所吩咐ê kā伊ê kiáⁿ行割禮。 | |
21:5 | 伊ê kiáⁿ以撒出世ê時,亞伯拉罕一百歲。 | |
21:6 | 撒拉講:「上帝hō͘我歡喜笑,見若聽tio̍h chitê tāichì ê人,lóng beh kah我做伙歡喜笑。」 | |
21:7 | 她koh講:「啥人beh tāi先去kā亞伯拉罕講:『撒拉beh hō͘嬰á suh奶』?因為tī伊年老ê時,我kā伊生一个kiáⁿ?」 | |
21:8 | Gín-á漸漸大漢,to̍h斷奶。以撒斷奶ê日,亞伯拉罕排設大宴席。 | |
21:9 | 夏甲kah以實瑪利Hông趕出Hit當時,埃及人夏甲kah亞伯拉罕所生ê kiáⁿ teh sńg笑,hō͘撒拉看tio̍h, | |
21:10 | 撒拉to̍h對亞伯拉罕講:「Τio̍h kā chitê女婢kah她ê kiáⁿ趕出去,因為女婢ê kiáⁿ bē tàng kah我ê kiáⁿ以撒仝款做你ê後嗣。」 | |
21:11 | 亞伯拉罕因為伊ê kiáⁿ ê緣故,不止憂悶。 | |
21:12 | 上帝kā亞伯拉罕講:「你m̄ thang為tio̍h chitê gín-á以及你ê女婢憂悶,見若撒拉對你講ê,你lóng tio̍h聽,因為tùi以撒生ê,chiah beh叫做你ê kiáⁿ孫。 | |
21:13 | 關係女婢ê kiáⁿ,我mā beh hō͘伊成做一國,因為伊mā是你生ê。」 | |
21:14 | 亞伯拉罕早早起來,the̍h餅kah一皮袋ê水hō͘夏甲,hē tī她ê肩胛頭頂,連gín-á mā kah她去。她to̍h離開,來到別是巴ê曠野,to̍h行無路。 | |
21:15 | 皮袋內ê水用了,夏甲to̍h kā gín-á放tī細欉樹腳。 | |
21:16 | kakī 行開,行到差不多射一支箭ê遠,kah gín-á相對面teh坐,講:「我mm̄甘看gín-á死。」to̍h出聲大啼哭。 | |
21:17 | 上帝聽tio̍h gín-á ê聲,上主ê使者tùi天頂叫夏甲講:「夏甲,你有啥物tāichì?M̄免驚!上主已經聽tio̍h gín-á tī hia teh哭ê聲。 | |
21:18 | 起來!Mā hō͘ gín-á起來,用你ê手kā伊牽teh,我beh hō͘伊成做大國。」 | |
21:19 | 上帝開她ê目chiu ,她隨時看tio̍h水井,to̍h kā皮袋貯水貯到滿滿,續hō͘ gín-á lim。 | |
21:20 | 上帝kah gín-á同在,伊to̍h漸漸大漢。伊tiàm tī曠野,成做射箭ê人。 | |
21:21 | 伊tòa tī巴蘭ê曠野,伊ê老母tùi埃及地kā伊娶一个bó͘。 | |
21:22 | 亞伯拉罕kah亞比米勒定約Hit當時,亞比米勒kah伊ê軍長Pi-kol對亞伯拉罕講:「見若你所行ê tāichì,上主kah你同在。 | |
21:23 | Taⁿ你tī chia tio̍h kí上主kah我chiùchōa,m̄ thang欺負我kah我ê kiáⁿ,以及我ê孫。我án怎好款待你,你mā tio̍h照ánne款待我,以及你所寄腳ê所在。」 | |
21:24 | 亞伯拉罕講:「我beh chiùchōa。」 | |
21:25 | 早前亞比米勒ê奴僕霸佔一口水井,亞伯拉罕為tio̍h chitê tāichì對亞比米勒埋怨。 | |
21:26 | 亞比米勒講:「啥人做chitê tāichì我m̄知,你mā無kā我講,到今á日我chiah聽tio̍h。」 | |
21:27 | 亞伯拉罕kā羊kah牛hō͘亞比米勒,兩人to̍h做伙立約。 | |
21:28 | 亞伯拉罕kā七隻母ê羊羔另外放tī一个所在。 | |
21:29 | 亞比米勒問亞伯拉罕講:「你kā七隻母ê羊羔另外放tī一个所在,是啥物意思?」 | |
21:30 | 亞伯拉罕應講:「你tio̍h tùi我ê手收chit七隻母ê羊羔,做我開chit口井ê證據。」 | |
21:31 | 所以,hit所在叫做別是巴,因為in兩人tī hia有chiùchōa。 | |
21:32 | In tī別是巴立約,亞比米勒to̍h kah伊ê軍長Pi-kol出發tńg去腓利士地。 | |
21:33 | 亞伯拉罕tī別是巴栽一欉垂絲柳樹,koh tī hia求叫上主—永遠tī ·leh ê上帝ê名。 | |
21:34 | 亞伯拉罕tī腓利士人ê地寄腳真chē日。 |