章節 | 全民台語聖經漢羅經文 | 註釋 |
13:1 | 探á去探迦南地(申1:19-33)上主吩咐摩西講: | 註釋 串珠 康來昌 原文 典藏 |
13:2 | 「你tio̍h差人去探看我所賜hō͘以色列人ê迦南地,tio̍h tùi in祖先ta̍k支族中間各差一个人,lóng是tī in中間做首領ê。」 | 註釋 串珠 康來昌 原文 典藏 |
13:3 | 摩西就照上主ê命令,tùi巴蘭ê曠野差in去,in lóng是以色列人ê族長。 | 註釋 串珠 康來昌 原文 典藏 |
13:4 | In ê名記tī下底:屬流便ê支族,撒刻ê kiáⁿ沙母亞 。 | 註釋 串珠 康來昌 原文 典藏 |
13:5 | 屬西緬ê支族,何利ê kiáⁿ 沙法。 | 註釋 串珠 康來昌 原文 典藏 |
13:6 | 屬偤大ê支族,耶孚尼ê kiáⁿ迦勒。 | 註釋 串珠 康來昌 原文 典藏 |
13:7 | 屬以薩迦ê支族,約瑟ê kiáⁿ Í-ka。 | 註釋 串珠 康來昌 原文 典藏 |
13:8 | 屬以法連ê支族,嫩ê kiáⁿ何西阿。 | 註釋 串珠 康來昌 原文 典藏 |
13:9 | 屬便雅憫ê支族,La̍h-hu ê kiáⁿ Phàⁿ-thê。 | 註釋 串珠 康來昌 原文 典藏 |
13:10 | 屬西布倫ê支族,So-tí ê kiáⁿ Ka-tia̍p。 | 註釋 串珠 康來昌 原文 典藏 |
13:11 | 屬瑪拿西ê支族,Chu-ji ê kiáⁿ Ga̍t-tí。 | 註釋 串珠 康來昌 原文 典藏 |
13:12 | 屬但ê支族,基瑪利ê kiáⁿ亞米利。 | 註釋 串珠 康來昌 原文 典藏 |
13:13 | 屬亞設ê支族,米迦勒ê kiáⁿ Se-thiap。 | 註釋 串珠 康來昌 原文 典藏 |
13:14 | 屬拿弗他利ê支族,Po̍k-se ê kiáⁿ Ná-pí。 | 註釋 串珠 康來昌 原文 典藏 |
13:15 | 屬迦得ê支族,Má-ki ê kiáⁿ Kiū-lī。 | 註釋 串珠 康來昌 原文 典藏 |
13:16 | Chiahê to̍h是摩西所差去探看hitê地ê人ê名。摩西就稱嫩ê kiáⁿ何西阿做約書亞。 | 註釋 串珠 康來昌 原文 典藏 |
13:17 | 摩西差in去探看迦南地,對in講:「Lín tùi chitê南方上去,續peh上in ê山, | 註釋 串珠 康來昌 原文 典藏 |
13:18 | 看hitê地án怎,其中所tòa ê人民是強á是弱,是少á是chē。 | 註釋 串珠 康來昌 原文 典藏 |
13:19 | 所tòa ê地是啥物款,是好á是pháiⁿ;所tòa ê所在啥物款,是營房á是堅固ê城。 | 註釋 串珠 康來昌 原文 典藏 |
13:20 | Koh看hitê土地án怎,是肥á是瘦,hit中間有樹木á無。Lín tio̍h好膽,kā hit所在ê果子帶kóa-á tńg來。」(Hit時,tú-á是葡萄起頭熟ê時。) | 註釋 串珠 康來昌 字典 原文 典藏 |
13:21 | Into̍h去探看hitê地,tùi尋ê曠野到利合,到入哈馬ê路口。 | 註釋 串珠 康來昌 原文 典藏 |
13:22 | In tùi南方上去,到希伯崙;tī hia有亞納族ê人A-hi-mān、Sī-su、That-mái。(希伯崙城起造比埃及ê瑣安城khah早七年。) | 註釋 串珠 康來昌 原文 典藏 |
13:23 | In來到以實各ê山谷,tùi hia剉葡萄樹一支,頂面有一葩葡萄,兩人用槓á來扛,koh帶kóa-á石榴kah無花果來。 | 註釋 串珠 康來昌 字典 原文 典藏 |
13:24 | 因為以色列人tùi hia剉一葩葡萄,hit所在chiah號做以實各ê山谷。 | 註釋 串珠 康來昌 原文 典藏 |
13:25 | In探看hitê地四十工chiah tńg來。 | 註釋 串珠 康來昌 原文 典藏 |
13:26 | 到巴蘭ê曠野ê加低斯,見tio̍h摩西、亞倫kah以色列ê會眾,回覆in kah全會眾,koh用hit所在ê果子hō͘ in看。 | 註釋 串珠 康來昌 原文 典藏 |
13:27 | Koh kā伊講:「阮到你所差阮去ê地,果然是流奶kah蜜ê地,這to̍h是hitê地ê果子。 | 註釋 串珠 康來昌 原文 典藏 |
13:28 | 總是,hit所在ê人民勇壯,城mā堅固koh闊大,阮tī hia mā看tio̍h亞納族。 | 註釋 串珠 康來昌 原文 典藏 |
13:29 | 亞瑪力人tòa tī南方,赫人、耶布斯人kah亞摩利人、tòa tī山地,迦南人tòa tī海邊kah約旦河邊。」 | 註釋 串珠 康來昌 原文 典藏 |
13:30 | 迦勒tī摩西ê面前安慰人民,講:「咱tio̍h即時去,thang來得tio̍h hit所在,咱有夠額ê力,會khah贏in。」 | 註釋 串珠 原文 典藏 |
13:31 | 獨獨hiahê kah伊上去ê人講:「咱bē tàng上去攻擊hiahê人民,因為in比咱khah勇壯。」 | 註釋 串珠 原文 典藏 |
13:32 | In hiahê人論所探看ê地,對以色列人報pháiⁿ消息,講:「阮所經過探看ê地,是吞食hiahê tòa tī hia ê人民ê地,阮tī hia所看tio̍h ê人民lóng真大漢。 | 註釋 串珠 原文 典藏 |
13:33 | 阮tī hia看tio̍h亞納族人,to̍h是大漢人,in是大漢人ê kiáⁿ孫。照阮看kakī ná親像草蜢,照in看阮mā是ánne。」 | 註釋 串珠 字典 原文 典藏 |