章節 | 全民台語聖經漢羅經文 | 註釋 |
3:1 | 上帝ê Kiáⁿ兒Lín想看天父是gōa-ni̍h疼咱,祂hō͘咱thang叫做上帝ê kiáⁿ兒;事實上,咱確實是祂ê kiáⁿ兒。所以,世間人m̄ bat咱,是因為in m̄ bat上帝。 | |
3:2 | 親愛ê兄弟姊妹,chitmá咱做上帝ê kiáⁿ兒,將來ē變án怎,iáu未顯明。咱知,祂若再臨,咱to̍h ē親像祂,因為咱ē看tio̍h祂ê真像。 | |
3:3 | 基督是純潔,所以,對基督有chit款ǹg望ê人ēkakī 保持純潔。 | |
3:4 | 人若犯罪,to̍h是違背上帝ê律法,因為罪to̍h是違背律法。 | |
3:5 | Lín知,基督顯現是beh除去人ê罪,m̄ koh,祂本身無罪。 | |
3:6 | kah基督結聯ê人,bē繼續犯罪;繼續犯罪ê人,m̄ bat看tio̍h基督,mā lóng m̄ bat祂。 | |
3:7 | 犯罪á是稱義細kiáⁿ,m̄ thang hō͘人kā lín迷惑。遵照公義ê人chiah是義人,tú親像基督是義人。 | |
3:8 | 繼續犯罪ê人是屬魔鬼,因為魔鬼tùi起頭to̍h犯罪;上帝ê Kiáⁿ顯現ê目的是beh毀壞魔鬼ê工作。 | |
3:9 | 上帝ê kiáⁿ兒bē繼續犯罪,因為有上帝ê活命tī in內面;既然上帝是in ê天父,in bē繼續犯罪。 | |
3:10 | 上帝ê kiáⁿ兒kah魔鬼ê kiáⁿ兒區別kah真清楚;無遵照公義kah無疼兄弟姊妹ê人,to̍h m̄是上帝ê kiáⁿ兒。 | |
3:11 | Tio̍h相疼咱tio̍h相疼,這是lín tùi起頭to̍h聽tio̍h ê信息。 | |
3:12 | 咱m̄ thang親像該隱,伊屬邪惡,thâi死kakī ê小弟。伊啥物緣故thâi死kakī ê小弟?因為伊ê行為邪惡,m̄ koh,小弟ê行為正直。 | |
3:13 | 兄弟姊妹,世間人若怨恨lín,m̄ thang感覺奇怪。 | |
3:14 | 咱知咱已經出死入活,因為咱有疼兄弟姊妹;無疼心ê人,iáu受死亡ê管轄。 | |
3:15 | 怨恨兄弟á是姊妹ê人to̍h是殺人犯。Lín mā知殺人犯無永遠ê活命tī伊ê心內。 | |
3:16 | 基督為咱犧牲性命,咱to̍h tùi ánne知影啥物是疼心。咱mā應該為tio̍h兄弟á是姊妹犧牲性命。 | |
3:17 | 若有好額人看tio̍h伊ê兄弟á是姊妹有欠缺,m̄ koh,無同情憐憫ê心,ná ē tàng講伊疼上帝? | |
3:18 | 細kiáⁿ,相疼m̄ thang kantaⁿ用話á是用嘴講,tio̍h用行動來證明。 | |
3:19 | Tī上帝ê面前有自信就ánne,咱知咱是屬真理ê人。咱若受良心責備,tī上帝ê面前咱ē tàng安穩自在。 | |
3:20 | 因為上帝比咱ê心khah大,mā ta̍k項lóng知。 | |
3:21 | 親愛ê兄弟姊妹,咱ê良心若無kā咱責備,咱tī上帝ê面前,to̍h thang安然自在。 | |
3:22 | 咱無論對上帝求啥物,lóngē得tio̍h,因為咱有遵守祂ê命令,tī祂ê面前,做祂所歡喜ê tāichì。 | |
3:23 | 祂ê誡命是ánne:咱tio̍h信祂ê Kiáⁿ耶穌基督ê名,mā tio̍h照祂hō͘咱ê命令相疼。 | |
3:24 | 遵守上帝ê誡命ê人to̍h是kah祂結聯;tùi上帝賞賜hō͘咱ê聖神,咱知上帝有kah咱結聯。 |