| 章節 | 全民台語聖經漢羅經文 | 註釋 |
| 13:1 | 上主吩咐摩西kah亞倫講： | 註釋 串珠 康來昌 原文 典藏 |
| 13:2 | 關係皮膚病ê規定人ê皮膚若腫，kiámchhái生癬á是生火斑，tī伊ê皮膚變做癩ko ê症頭，tio̍h chhōa伊到祭司亞倫，á是到伊ê kiáⁿ孫ê一个祭司面前。 | 註釋 串珠 康來昌 字典 原文 典藏 |
| 13:3 | 祭司tio̍h驗皮膚ê症頭，若是tio̍h症頭ê所在hitê毛已經變白，症頭ê款式深入去tī皮膚內，這to̍h是癩ko ê症頭。祭司tio̍h kā伊驗，kā伊斷定做無清氣。 | 註釋 串珠 康來昌 字典 原文 典藏 |
| 13:4 | 若火斑tī伊ê皮膚是白ê，款式無深入tī皮膚內，伊ê毛mā無變白，祭司to̍h tio̍h kā有症頭ê人關禁七日。 | 註釋 串珠 康來昌 字典 原文 典藏 |
| 13:5 | 到第七日，祭司tio̍h kā伊驗，你看，若看tio̍h症頭已經停止，伊ê症頭無湠入去皮膚，祭司tio̍h koh kā伊關禁七日。 | 註釋 串珠 康來昌 字典 原文 典藏 |
| 13:6 | 到第七日，祭司tio̍h koh kā伊驗，你看，若症頭khah消，koh症頭無湠入去皮膚，祭司tio̍h斷定伊做清氣，是生癬niā-niā；hitê人to̍h tio̍h洗衫褲，chiah得tio̍h做清氣。 | 註釋 串珠 康來昌 字典 原文 典藏 |
| 13:7 | 總是，伊為tio̍h清氣，kā身軀hō͘祭司驗了，癬若湠tī皮膚，伊tio̍h koh去hō͘祭司驗。 | 註釋 串珠 康來昌 字典 原文 典藏 |
| 13:8 | 祭司tio̍h kā伊驗，你看，癬若湠tī皮膚，祭司tio̍h斷定伊做無清氣，he是癩ko。 | 註釋 串珠 康來昌 字典 原文 典藏 |
| 13:9 | 「人已經有癩ko ê症頭，to̍h tio̍h chhōa伊去見祭司。 | 註釋 串珠 康來昌 原文 典藏 |
| 13:10 | 祭司tio̍h kā伊驗，你看，皮膚若有所在腫kah白白，致使伊ê毛變白，tī腫ê所在看tio̍h赤肉， | 註釋 串珠 康來昌 字典 原文 典藏 |
| 13:11 | 這是皮肉舊ê癩ko，祭司tio̍h斷定伊做無清氣，m̄免koh kā伊關禁，因為伊是無清氣。 | 註釋 串珠 康來昌 字典 原文 典藏 |
| 13:12 | 癩ko若生湠tī皮膚ê四箍圍，tī患症頭ê人ê皮膚起kah滿滿，照祭司kā伊驗，tùi頭到腳無一个所在無， | 註釋 串珠 康來昌 字典 原文 典藏 |
| 13:13 | 祭司to̍h tio̍h kā伊驗，你看，癩ko若已經起tī全身，to̍h tio̍h斷定hitê患tio̍h症頭ê做清氣；全身軀lóng變白，伊是清氣。 | 註釋 串珠 康來昌 原文 典藏 |
| 13:14 | 總是，伊ê身軀tang時koh看tio̍h赤肉，hit時伊to̍h無清氣。 | 註釋 串珠 康來昌 原文 典藏 |
| 13:15 | 祭司tio̍h驗hitê赤肉，to̍h斷定伊是無清氣。赤肉本來to̍h是無清氣，是癩ko。 | 註釋 串珠 康來昌 原文 典藏 |
| 13:16 | 赤肉若復原koh變白，伊tio̍h來見祭司。 | 註釋 串珠 康來昌 原文 典藏 |
| 13:17 | 祭司tio̍h kā伊驗，你看，症頭若變白，祭司to̍h tio̍h斷定hitê患症頭ê做清氣，伊to̍h清氣。 | 註釋 串珠 康來昌 原文 典藏 |
| 13:18 | 「人若tī皮膚生粒á，mā有醫好， | 註釋 串珠 康來昌 字典 原文 典藏 |
| 13:19 | tī生粒á ê所在koh腫白白á是粉紅色ê火斑，to̍h tio̍h去 hō͘祭司驗。 | 註釋 串珠 康來昌 原文 典藏 |
| 13:20 | 祭司tio̍h kā伊驗，你看，若款式透入去皮膚內，伊ê毛mā變白，祭司tio̍h斷定伊做無清氣，是癩ko ê症頭，發tī粒á內底。 | 註釋 串珠 康來昌 字典 原文 典藏 |
| 13:21 | 祭司若kā伊驗，你看，hit頂面無有白ê毛，mā無透入去tī皮膚內，koh有khah消，祭司to̍h tio̍h kā伊關禁七日。 | 註釋 串珠 康來昌 字典 原文 典藏 |
| 13:22 | 若生湠tī皮膚，祭司to̍h tio̍h斷定伊做無清氣，是患tio̍h症頭。 | 註釋 串珠 康來昌 字典 原文 典藏 |
| 13:23 | 火斑若tī原所在停止，無koh生湠，to̍h是粒á ê痕跡，祭司to̍h tio̍h斷定伊做清氣。 | 註釋 串珠 康來昌 原文 典藏 |
| 13:24 | 「人ê皮肉若hō͘火燒tio̍h，燒tio̍h ê所在有看tio̍h赤肉，成做火斑á是粉紅，á是所有白。 | 註釋 串珠 康來昌 字典 原文 典藏 |
| 13:25 | 祭司to̍h tio̍h kā伊驗，你看，火斑中ê毛若變白，款式koh深入去tī皮膚內，是癩ko tī火燒ê中間發起來，祭司to̍h tio̍h斷定伊做無清氣，是癩ko ê症頭。 | 註釋 串珠 康來昌 字典 原文 典藏 |
| 13:26 | 總是，祭司驗了，你看，tī火跡無白毛，mā無透入去皮膚內，koh有khah消，祭司to̍h tio̍h kā伊關禁七日。 | 註釋 串珠 康來昌 字典 原文 典藏 |
| 13:27 | 到第七日，祭司tio̍h kā伊驗，若湠tī皮膚，祭司to̍h tio̍h斷定伊做無清氣，是癩ko ê症頭。 | 註釋 串珠 康來昌 字典 原文 典藏 |
| 13:28 | 火斑若tī原所在停止，無生湠tī皮膚，koh有khah消，是因為火燒tio̍h來腫ê；祭司tio̍h斷定伊做清氣，只不過是火燒tio̍h ê痕跡。 | 註釋 串珠 康來昌 字典 原文 典藏 |
| 13:29 | 「無論男女，若tī頭殼á是嘴鬚有致症頭， | 註釋 串珠 康來昌 原文 典藏 |
| 13:30 | 祭司tio̍h驗hitê症頭，你看，款式若深入去tī皮膚內，hit中間有幼幼ê黃毛，祭司to̍h tio̍h斷定伊做無清氣，這是瘡，to̍h是頭殼á是嘴鬚裡ê癩ko。 | 註釋 串珠 康來昌 字典 原文 典藏 |
| 13:31 | 祭司驗hitê瘡ê症頭，你看，款式若無深入去皮膚內，hit中間mā無烏ê毛，祭司to̍h tio̍h kā患tio̍h瘡ê症頭ê人關禁七日。 | 註釋 串珠 康來昌 字典 原文 典藏 |
| 13:32 | 到第七日，祭司tio̍h驗hitê症頭，你看，瘡若無湠，hit中間mā無黃毛，瘡ê款式mā無深入去皮膚內， | 註釋 串珠 康來昌 字典 原文 典藏 |
| 13:33 | hitê人tio̍h剃伊ê毛，總是，瘡m̄ thang剃，祭司tio̍h koh kā hitê生瘡ê人關禁七日。 | 註釋 串珠 康來昌 原文 典藏 |
| 13:34 | 到第七日，祭司tio̍h驗hitê瘡，你看，瘡若無湠tī皮膚，款式mā無深入去tī皮膚內，祭司to̍h tio̍h斷定伊做清氣，伊tio̍h洗衫褲，to̍h成做清氣。 | 註釋 串珠 康來昌 字典 原文 典藏 |
| 13:35 | 總是，伊清氣以後，瘡若koh湠tī皮膚。 | 註釋 串珠 康來昌 字典 原文 典藏 |
| 13:36 | 祭司tio̍h kā伊驗，你看，伊ê瘡若湠tī皮膚，祭司m̄免koh chhōe黃ê毛，伊是無清氣。 | 註釋 串珠 康來昌 字典 原文 典藏 |
| 13:37 | 若照伊看，瘡已經停止，hit中間若發烏ê毛，瘡既然好，hitê人是清氣，祭司to̍h tio̍h斷定伊做清氣。 | 註釋 串珠 康來昌 原文 典藏 |
| 13:38 | 「無論男女，皮肉若起火斑，to̍h是白色ê火斑， | 註釋 串珠 康來昌 字典 原文 典藏 |
| 13:39 | 祭司tio̍h kā伊驗，你看，in ê皮肉ê火斑，若是火灰色，這是皮膚所發ê白皰，hitê人是清氣ê。 | 註釋 串珠 康來昌 字典 原文 典藏 |
| 13:40 | 「人若lut頭毛，伊ê頭殼是光溜溜，iáu是清氣ê。 | 註釋 串珠 康來昌 原文 典藏 |
| 13:41 | 伊ê頭殼前ê頭毛若lut，伊是liù額（hia̍h）ê；iáu koh是清氣ê。 | 註釋 串珠 康來昌 原文 典藏 |
| 13:42 | 頭殼光溜溜 ê所在á是liù額ê所在，若有粉紅色ê症頭，這是癩ko發tī頭光溜溜 ê所在á是liù額ê所在。 | 註釋 串珠 康來昌 原文 典藏 |
| 13:43 | 祭司tio̍h kā伊驗，你看，伊ê症頭若tī頭殼光溜溜 ê所在á是liù額ê所在，有粉紅色腫起來，親像皮肉癩ko ê款式， | 註釋 串珠 康來昌 字典 原文 典藏 |
| 13:44 | hitê人to̍h是起癩ko，無清氣ê，祭司一定tio̍h斷定伊做無清氣，伊ê症頭是tī頭殼。 | 註釋 串珠 康來昌 原文 典藏 |
| 13:45 | 「有癩ko ê症頭ê，伊ê衫褲tio̍h拆裂，伊ê頭毛tio̍h phah散，掩伊ê嘴ê頂唇，大聲hoah：『無清氣，無清氣。』 | 註釋 串珠 康來昌 字典 原文 典藏 |
| 13:46 | 症頭tī伊ê身軀ê日，伊to̍h無清氣；伊既然是無清氣，伊tio̍h kakī tòa，伊tòa ê所在tī營外。」 | 註釋 串珠 康來昌 原文 典藏 |
| 13:47 | 關係染tio̍h癩ko衫褲ê規定「染tio̍h癩ko症ê衫褲，無論是羊毛ê á是苧布ê， | 註釋 串珠 康來昌 字典 原文 典藏 |
| 13:48 | 無論是經、是緯，是苧布ê、是羊毛ê，是皮ê á是皮做ê物， | 註釋 串珠 康來昌 字典 原文 典藏 |
| 13:49 | hitê症頭若是青á是紅ê色，tī衫褲，tī皮，tī 經，tī緯，á是tī皮做ê物，lóng是癩ko ê症頭，tio̍h hō͘祭司驗。 | 註釋 串珠 康來昌 字典 原文 典藏 |
| 13:50 | 祭司tio̍h驗hitê症頭，kā染tio̍h症頭ê物，關禁七日。 | 註釋 串珠 康來昌 原文 典藏 |
| 13:51 | 到第七日，伊tio̍h驗hitê症頭；症頭若湠tī衫褲，tī 經，tī緯，tī皮，chitê皮無論做啥物路用，hitê症頭是惡ê癩ko，lóng是無清氣。 | 註釋 串珠 康來昌 字典 原文 典藏 |
| 13:52 | Hitê染tio̍h症頭ê衫褲，á是經，是緯，是羊毛，是苧布á是皮做ê物，伊lóng tio̍h燒掉，因為這是惡ê癩ko，一定tī火中燒掉。 | 註釋 串珠 康來昌 字典 原文 典藏 |
| 13:53 | 「祭司kā伊驗，你看，症頭若無湠tī衫裡、tī經、tī緯，á是皮做ê物， | 註釋 串珠 康來昌 字典 原文 典藏 |
| 13:54 | 祭司tio̍h kā in吩咐去洗hitê染tio̍h症頭ê物，koh關禁七日。 | 註釋 串珠 康來昌 原文 典藏 |
| 13:55 | 症頭洗了後，祭司tio̍h koh kā伊驗，你看，症頭若無變色，症頭若無koh湠，hitê人to̍h無清氣，是惡毒ê症頭，無論生tī正面á是倒面，lóng tio̍h用火燒。 | 註釋 串珠 康來昌 原文 典藏 |
| 13:56 | 洗了後，祭司kā伊驗，你看，若hitê症頭khah消，伊to̍htioh8 tùi衫á是皮，á是經á是緯為，kā它拆起來。 | 註釋 串珠 康來昌 字典 原文 典藏 |
| 13:57 | 若是iáu koh發現tī衫裡á是經á是緯，á是皮做ê物，這是症頭teh發，tio̍h用火燒hitê染tio̍h症頭ê物。 | 註釋 串珠 康來昌 字典 原文 典藏 |
| 13:58 | 你所洗ê衫，á是經，á是緯，á是皮做ê物，若症頭已經離開，tio̍h koh再洗，就清氣。」 | 註釋 串珠 康來昌 字典 原文 典藏 |
| 13:59 | 「這to̍h是癩ko症頭ê規例，無論是tī羊毛衫、苧布衫，tī經，tī緯，kah皮做ê物，thang斷定做清氣á是斷定做無清氣。」 | 註釋 串珠 康來昌 字典 原文 典藏 |