章節 | 全民台語聖經漢羅經文 | 註釋 |
4:1 | 對提摩太ê吩咐Tī上帝kah teh beh審判活人kah死人ê基督耶穌ê面前,koh因為基督beh顯現再臨,我迫切吩咐你: | 註釋 串珠 原文 典藏 |
4:2 | tio̍h傳福音;無論tio̍h時á是無tio̍h時,lóng tio̍h專心來進行;用各種ê寬容kah教示,來勸勉、警戒kah鼓勵。 | 註釋 串珠 原文 典藏 |
4:3 | 因為hitê時日beh到,人ēm̄聽端正ê教示,顛倒耳孔癢koh照kakī ê私慾,聘請一个koh一个in kah意聽ê老師。 | 註釋 串珠 原文 典藏 |
4:4 | In oa̍t頭m̄聽真理,顛倒ài聽無影無跡ê傳說。 | 註釋 串珠 原文 典藏 |
4:5 | 總是,你無論tī啥物環境lóng tio̍h節制,忍受艱苦,做傳福音ê工,來盡你ê職份。 | 註釋 串珠 原文 典藏 |
4:6 | Taⁿ我犧牲獻hō͘上帝ê期已經到à,chit chūn是我離開世間ê時刻。 | 註釋 串珠 原文 典藏 |
4:7 | 我已經經歷hitê好ê爭戰,已經完成tio̍h跑走ê路程,已經堅守tio̍h持守ê信仰。 | 註釋 串珠 原文 典藏 |
4:8 | Taⁿ公義ê冠冕已經kā我準備好勢,to̍h是主做公義ê審判者,tī hit日beh hō͘我。M̄-nā hō͘我ê,mā beh hō͘所有欣慕基督再臨顯現ê人。 | 註釋 串珠 字典 原文 典藏 |
4:9 | 私人ê交帶你tio̍h盡量趕緊來我chia。 | 註釋 串珠 原文 典藏 |
4:10 | 因為Tê-má貪戀chitê世間,to̍h離開我去帖撒羅尼迦。Ku-lé-su-ke mā去加拉太,提多mā去Ta̍h-má-tia, | 註釋 串珠 原文 典藏 |
4:11 | 只有路加kah我tī chia。你tio̍h chhōa馬可kah你做伙來,因為伊對我ê工作真有幫贊。 | 註釋 串珠 原文 典藏 |
4:12 | 我已經差派推基古去以弗所。 | 註釋 串珠 原文 典藏 |
4:13 | 我tī特羅亞ê時留tī Ka-pò͘ in tau ê外衫,你來ê時tio̍h續帶來,mā tio̍h kā hiahê冊帶來,尤其是hiahê羊皮ê冊。 | 註釋 串珠 字典 原文 典藏 |
4:14 | Phah銅師傅亞力山大kā我害kah真慘,主ē照伊ê所做來kā伊報應。 | 註釋 串珠 原文 典藏 |
4:15 | 你kakī mā tio̍h提防,因為伊不止極力反對咱所傳ê道理。 | 註釋 串珠 原文 典藏 |
4:16 | 我頭一pái為kakī 辯解ê時,無人tī我ê身邊支持我,眾人lóng kā我放sak。願上帝無kā chitê罪歸tī in。 | 註釋 串珠 原文 典藏 |
4:17 | M̄ koh,主kah我同在,hō͘我有氣力thang充分宣揚信息,hō͘所有ê外邦人lóng聽tio̍h。最後我mā tùi獅ê嘴hō͘人救出來。 | 註釋 串珠 字典 原文 典藏 |
4:18 | 主ē救我脫離所有ê邪惡,mā ēchhōa我安全進入祂tī天頂ê國度。願榮光歸祂,一直到永遠無盡。阿們! | 註釋 串珠 原文 典藏 |
4:19 | 結尾ê請安請替我kā百基拉、亞居拉kah O͘-ne-sí-ho͘h全家請安。 | 註釋 串珠 原文 典藏 |
4:20 | Ê-lá-su-toh繼續tiàm tī哥林多。To-lô-hui-mô͘因為破病,我kā伊留tī米利都。 | 註釋 串珠 原文 典藏 |
4:21 | 你tio̍h盡量tī寒天以前來。Iû-bú-lō͘、Pò͘-tē、Lí-nò͘、Ku-láu-tia kah眾兄弟姊妹,lóng beh kā你請安。 | 註釋 串珠 原文 典藏 |
4:22 | 願主kah你ê心神同在!願上帝ê恩典kah lín同在! | 註釋 串珠 原文 典藏 |