章節 | 全民台語聖經漢羅經文 | 註釋 |
12:1 | 保羅ê異象kah上帝ê啟示雖然無利益,我一定tio̍h誇口;我beh講起主hō͘我ê異象kah啟示。 | 註釋 串珠 原文 典藏 |
12:2 | 我知有一个基督徒,十四年前hō͘主chhōa到第三層天。我m̄知伊ê身軀是m̄是有上天,á是伊kantaⁿ看見異象,只有上帝知。 | 註釋 串珠 原文 典藏 |
12:3 | 我koh講一pái,chitê人hông chhōa去到樂園,伊是身軀受接上天á是kantaⁿ看見異象,我m̄知,只有上帝知。 | 註釋 串珠 原文 典藏 |
12:4 | Tī樂園,伊聽tio̍h bē得thang講ê話,to̍h是人所m̄ thang講ê tāichì。 | 註釋 串珠 原文 典藏 |
12:5 | 我beh為tio̍h chitê人來誇口;m̄ koh,除了我ê軟弱以外,我bē為tio̍h kakī 誇口。 | 註釋 串珠 原文 典藏 |
12:6 | 其實我若beh誇口,mā無算是khong-khám,因為我beh講ê是事實;總是,我kakī 約束,chiah免hō͘人對我ê批評,超過伊所看tio̍h kah所聽tio̍h ê。 | 註釋 串珠 原文 典藏 |
12:7 | 為tio̍h beh hō͘我bē因為得tio̍h真chē特別ê啟示,來過頭驕傲,tī我ê身軀有一支刺,親像撒旦ê使者teh kā我phah,免得我過頭驕傲。 | 註釋 串珠 原文 典藏 |
12:8 | 為tio̍h chit項tāichì,我bat三pái懇求主,hō͘ hit支刺離開我。 | 註釋 串珠 原文 典藏 |
12:9 | 上帝應講:「我ê恩典夠額你用,因為你軟弱ê時,我ê氣力ē tàng完全發揮。」所以,我真歡喜,khah ài誇口我chiahê軟弱,thang hō͘基督ê氣力tiàm tī我ê身上。 | 註釋 串珠 原文 典藏 |
12:10 | 為tio̍h基督ê緣故,我歡喜忍受軟弱、侮辱、迫害、困苦,因為我軟弱ê時,顛倒有氣力。 | 註釋 串珠 原文 典藏 |
12:11 | 我一直成做戇人,這是lín kā我逼ê。我應該hō͘ lín oló chiah tio̍h。我雖然無啥物了不起,實在mā無khah輸hiahê「特別ê使徒」。 | 註釋 串珠 原文 典藏 |
12:12 | 我tī lín中間,有用種種ê忍耐,koh行神跡、奇事kah權能,來證明我是使徒。 | 註釋 串珠 原文 典藏 |
12:13 | 除了我無麻煩lín幫贊我以外,我對待lín有tó一項比其他ê教會khah無夠額?請lín原諒我「無公道」ê所在。 | 註釋 串珠 原文 典藏 |
12:14 | 保羅ê訪問計畫kah警告Taⁿ我第三pái準備beh去lín hia,我bē成做lín ê負擔,我對lín無啥物要求。我所意愛ê是lín,m̄是lín ê金錢。其實kiáⁿ兒無應該為tio̍h父母積聚,應該是父母為tio̍h kiáⁿ兒積聚財物。 | 註釋 串珠 原文 典藏 |
12:15 | 我真歡喜付出一切來幫贊lín,甚至付出我kakī ê性命。Kám講我jú疼lín,得tio̍h lín ê疼to̍hju2少? | 註釋 串珠 原文 典藏 |
12:16 | Án-ne,lín tio̍h承認我m̄ bat kā lín拖累。有人講我奇巧,用詭詐ê步數來kā lín纏tiâu-tiâu。 | 註釋 串珠 原文 典藏 |
12:17 | 我kám有派啥人去kā lín phiⁿ? | 註釋 串珠 原文 典藏 |
12:18 | 我有勸提多去lín hia,mā差派一个兄弟kah伊做伙去。提多kám bat kā lín phiⁿ?阮kám m̄是仝一个心神teh做?仝一个腳步teh行? | 註釋 串珠 原文 典藏 |
12:19 | Lín一直想講阮向lín teh為kakī 辯解,其實m̄是!阮tī上帝ê面前,講基督ài阮講ê話。親愛ê兄弟姊妹,阮一切所做ê,lóng是為tio̍h beh kā lín造就。 | 註釋 串珠 原文 典藏 |
12:20 | 我恐驚去lín hia ê時,kiámchhái會看見lín kah我所期待ê無仝款,lín mā看見我kah lín所期待ê無仝款。我koh恐驚lín有紛爭、怨妒、受氣、結黨、譭謗、講尻脊後話、膨風、紛亂。 | 註釋 串珠 原文 典藏 |
12:21 | 我mā恐驚我後遍koh去lín hia ê時,我ê上帝ē hō͘我tī lín ê面前見笑,我mā ē為tio̍h真chē人啼哭,因為in對以前所犯ê罪、污穢、姦淫kah放蕩,到taⁿ iáu未悔改。 | 註釋 串珠 原文 典藏 |