章節 | 全民台語聖經漢羅經文 | 註釋 |
11:1 | 保羅對抗假使徒請lín寬容我小khóa ê愚戇,我相信línē kā我寬容。 | 註釋 串珠 原文 典藏 |
11:2 | 我疼lín,親像上帝疼lín疼kah會起嫉妒,因為lín親像純潔ê在室女,我kā lín匹配hō͘一个丈夫,to̍h是基督。 | 註釋 串珠 原文 典藏 |
11:3 | 親像夏娃hō͘蛇ê花言巧語騙去,我恐驚lín ê心思mā ē受迷惑,soah棄sak對基督ê純潔kah真誠。 | 註釋 串珠 字典 原文 典藏 |
11:4 | 若有人去lín hia傳kah阮所傳無仝ê耶穌,lín to̍h隨便接受;lín mā接受kah以前阮所傳無仝ê聖神kah福音。 | 註釋 串珠 原文 典藏 |
11:5 | kah lín hiahê「特別使徒」比起來,我想我一屑á都無khah輸。 | 註釋 串珠 原文 典藏 |
11:6 | Kiám-chhái我講話khah頇顢,m̄ koh,我ê智識bē比人khah輸;chit點,阮已經有用ta̍k種方法,利用ta̍k種機會對lín表明ā。 | 註釋 串珠 原文 典藏 |
11:7 | 我免費對lín傳上帝ê福音;為tio̍h beh hō͘ lín高升,我tio̍h屈低kakī 。我ánne做kám有m̄ tio̍h? | 註釋 串珠 原文 典藏 |
11:8 | 我tī lín hia teh工作ê時,是別个教會teh kā我供給一切ê費用;講起來我是teh the̍h別个教會ê謝禮來服事lín。 | 註釋 串珠 原文 典藏 |
11:9 | 我tī lín hia ê時,若無夠用,mā m̄ bat求lín幫贊,來kā lín加添麻煩。一切ê費用lóng是馬其頓來ê兄弟kā我供給;過去是ánne,將來mā是ánne,我絕對bē kā lín拖累。 | 註釋 串珠 原文 典藏 |
11:10 | 我敢指我所信ê基督真理chiùchōa,tī 亞該亞省ê地區,我lóng ē tàng ánne誇口。 | 註釋 串珠 原文 典藏 |
11:11 | 是án怎講lè?Kám講我無疼lín?我有疼lín,上帝知! | 註釋 串珠 原文 典藏 |
11:12 | 我beh繼續ánne做,thang hō͘ hiahê自稱「使徒」ê人無機會誇口,講in所做ê工作kah阮仝款。 | 註釋 串珠 原文 典藏 |
11:13 | Hit款人是假使徒,in做tāichì奸詐,假做是基督ê使徒。 | 註釋 串珠 原文 典藏 |
11:14 | 這無奇怪!連撒旦mā ē假做光明ê天使! | 註釋 串珠 原文 典藏 |
11:15 | 所以,撒旦ê奴僕假做是義ê奴僕,mā m̄是啥物大tāichì。最後inē照in ê行為受tio̍h應得ê報應。 | 註釋 串珠 原文 典藏 |
11:16 | 保羅為kakī 辯護我koh講一pái:M̄-thang kā我看做戇人。總是,lín若是ánne想,to̍h是kā我當做戇人teh接納,hō͘我有淡薄á thang誇口。 | 註釋 串珠 原文 典藏 |
11:17 | 我chitmá teh講ê m̄是主ê意思,是我做一个戇人teh誇口。 | 註釋 串珠 原文 典藏 |
11:18 | 既然有hiah chē人teh展屬世ê tāichì,我mā beh誇口一下。 | 註釋 串珠 原文 典藏 |
11:19 | Lín既然hiahni̍h巧,應該會歡喜寬容我chitê戇人chiah tio̍h。 | 註釋 串珠 原文 典藏 |
11:20 | 若有人kā lín當做奴僕,kā lín phiⁿ,kā lín陷害,對lín驕傲,siàn lín ê嘴phóe,lín lóng ē寬容忍受。 | 註釋 串珠 原文 典藏 |
11:21 | 講起來真見笑,阮過去m̄敢做chit款tāichì。總是,若有人敢誇口啥物,準做是一个戇人teh講話,我mā敢。 | 註釋 串珠 原文 典藏 |
11:22 | In kám是希伯來人?我mā是;in kám是以色列人?我mā是;in kám是亞伯拉罕ê kiáⁿ孫?我mā是。 | 註釋 串珠 原文 典藏 |
11:23 | In kám是基督ê奴僕?準做是戇人teh講話,我koh khah是。我受koh khah chē ê勞苦,hông關落監比in khah chē pái,koh受算bē了ê鞭phah,真chē pái險險á死去。 | 註釋 串珠 字典 原文 典藏 |
11:24 | 我hō͘偤太人掠去用鞭phah五pái,ta̍k pái phah四十下減一下,lóng phah-kah險險á死去! | 註釋 串珠 原文 典藏 |
11:25 | 三pái hō͘羅馬人用柺á phah,一pái hō͘人用石頭tìm,三pái tú tio̍h船破,一pái tī海裡漂流一日一暝。 | 註釋 串珠 字典 原文 典藏 |
11:26 | 我tiāⁿ-tiāⁿ tī旅行中tú tio̍h江河ê危險、搶劫ê危險、偤太同胞kah外邦人ê危險、城內ê危險、曠野ê危險、海上ê危險kah假信徒造成ê危險。 | 註釋 串珠 原文 典藏 |
11:27 | 我勞苦拖磨,tiāⁿ-tiāⁿ 無睏,iau餓嘴乾,無thang食,無thang tòa,無thang穿。 | 註釋 串珠 原文 典藏 |
11:28 | 其他ê tāichì免講,kantaⁿ ta̍k日替所有ê教會teh操煩to̍h夠額。 | 註釋 串珠 原文 典藏 |
11:29 | 若有人軟弱,我kám bē感覺軟弱?若有人犯罪,我ê心火kám bē to̍h起來? | 註釋 串珠 原文 典藏 |
11:30 | 我若tio̍h誇口,to̍h beh誇口hiahê關係我軟弱ê tāichì。 | 註釋 串珠 原文 典藏 |
11:31 | 主耶穌ê天父上帝,to̍h是hit位永遠thang oló ê,祂知我無講白賊。 | 註釋 串珠 原文 典藏 |
11:32 | 我tī大馬士革ê時,A-lí-ta̍t王手下ê總督布置衛兵顧守城門beh kā我掠。 | 註釋 串珠 原文 典藏 |
11:33 | M̄ koh,有人用米籮á tùi城牆ê窗á kā我lūi落去,hō͘我脫離伊ê手。 | 註釋 串珠 字典 原文 典藏 |