章節 | 全民台語聖經漢羅經文 | 註釋 |
16:1 | 為耶路撒冷ê信徒募款關係募款幫贊信徒ê tāichì,lín mā tio̍h照我以前吩咐加拉太hiahê教會ê辦法去做。 | 註釋 串珠 原文 典藏 |
16:2 | 每七日ê頭一日,lín ta̍k人tio̍h照kakī ê收入撥一kóa錢起來khǹg,免得我去lín hia ê時chiah開始募款。 | 註釋 串珠 原文 典藏 |
16:3 | 我到位ê時,ē kā紹介ê phoe kah lín ê捐款交hō͘ lín所推薦ê人,然後差派in帶去耶路撒冷。 | 註釋 串珠 原文 典藏 |
16:4 | 若是我mā tio̍h去,in mā thang kah我做伙去。 | 註釋 串珠 原文 典藏 |
16:5 | 保羅ê訪問計畫我chitmá經過馬其頓了後,to̍h beh去lín hia。 | 註釋 串珠 原文 典藏 |
16:6 | 我大概ē kah lín tòa一暫á,kiámchháiē kah lín做伙過寒天。Án-ne,無論續落去我beh去tó位,lóng thang hō͘ lín送我出發。 | 註釋 串珠 原文 典藏 |
16:7 | Chit pái我無ài kantaⁿ過路ê時順續去lín hia;主若允准,我ǹg望kah lín tòa khah久。 | 註釋 串珠 原文 典藏 |
16:8 | 總是,我mā beh tī以弗所tòa到五旬節。 | 註釋 串珠 原文 典藏 |
16:9 | 雖然tī hia有真chē對敵,m̄ koh,上帝為我開一个闊koh大ê門,thang做有功效ê工作。 | 註釋 串珠 字典 原文 典藏 |
16:10 | 提摩太若到位,lín tio̍h kā伊接待,hō͘伊ē tàng安心做工,因為伊kah阮仝款teh做主ê工。 | 註釋 串珠 原文 典藏 |
16:11 | Lín lóng m̄ thang kā伊看輕,tio̍h送伊平安出發來我chia,因為我teh thèng候伊kah hiahê兄弟做伙來。 | 註釋 串珠 原文 典藏 |
16:12 | 關係咱ê兄弟亞波羅,我再三勸伊kah hiahê兄弟去lín hia;總是,伊到taⁿ lóng無按算beh去。若有tú好ê機會,伊to̍h ē去。 | 註釋 串珠 原文 典藏 |
16:13 | 結尾ê請安Lín tio̍h警醒,tī信仰上khiā hō͘在,tio̍h勇敢、堅強。 | 註釋 串珠 原文 典藏 |
16:14 | 一切ê tāichì tio̍h用疼心來做。 | 註釋 串珠 原文 典藏 |
16:15 | 兄弟姊妹,lín bat Su-tê-hoa-nah ê一家人,in是亞該亞省頭一家歸信主ê,koh熱心服務信徒。 | 註釋 串珠 原文 典藏 |
16:16 | 我勸lín tio̍h服從chit款人,以及所有kah lín做伙勞苦ê同工。 | 註釋 串珠 原文 典藏 |
16:17 | 我真歡喜Su-tê-hoa-nah、Hok-tu-ná-toh、A-khai-kó͘ ē tàng去lín hia,thang補lín ê不足。 | 註釋 串珠 原文 典藏 |
16:18 | In hō͘我kah lín ê心神得tio̍h鼓舞。Lín tio̍h尊重chit款人。 | 註釋 串珠 原文 典藏 |
16:19 | 亞西亞省ê各教lóng ē kā lín請安。亞居拉、百基拉kah tī in厝內teh聚會ê教會,mā tī主ê內面迫切kā lín請安。 | C註釋 註釋 串珠 原文 典藏 |
16:20 | 所有ê兄弟姊妹lóng kā lín請安。Lín tio̍h用聖潔ê禮儀來互相請安。 | 註釋 串珠 原文 典藏 |
16:21 | 我保羅親筆kā lín請安。 | 註釋 串珠 原文 典藏 |
16:22 | 若有人無疼主,tio̍h受咒詛。主ah,求祢降臨! | 註釋 串珠 原文 典藏 |
16:23 | 願主耶穌基督ê恩典kah lín同在。 | 註釋 串珠 原文 典藏 |
16:24 | 我ê疼心kah所有屬基督耶穌ê人同在。阿們! | 註釋 串珠 原文 典藏 |