章節 | 全民台語聖經漢羅經文 | 註釋 |
15:1 | 無求滿足kakī 咱chiahê有能力ê人,應該kā軟弱ê人tàu擔(taⁿ)重擔,m̄ thang求kakī ê滿足。 | 註釋 串珠 樹狀圖 原文 典藏 |
15:2 | 咱ta̍k人tio̍h hō͘厝邊歡喜,hō͘ in得tio̍h利益來建立信心。 | 註釋 串珠 樹狀圖 原文 典藏 |
15:3 | 因為基督mā無求kakī ê歡喜,顛倒照記載:侮辱你ê侮辱lóng歸tī我。(註:詩69:9) | 註釋 串珠 樹狀圖 原文 典藏 |
15:4 | 早前所記載ê lóng是為tio̍h beh教示咱chiah來寫ê,是beh hō͘咱tùi忍耐kah經典ê安慰來得tio̍h ǹg望。 | 註釋 串珠 樹狀圖 原文 典藏 |
15:5 | 願賜忍耐kah安慰ê上帝,hō͘ lín大家同心來學習基督耶穌ê模樣, | 註釋 串珠 樹狀圖 原文 典藏 |
15:6 | thang同心同聲榮耀上帝—咱ê主耶穌基督ê天父。 | 註釋 串珠 樹狀圖 原文 典藏 |
15:7 | 萬民ê福音所以,為tio̍h榮耀上帝,咱tio̍h互相接納,親像基督有接納咱。 | 註釋 串珠 樹狀圖 原文 典藏 |
15:8 | 我kā lín講,基督做受割禮ê人ê差用,是beh顯示上帝ê信實,來證明上帝對in祖先ê應允有實現, | 註釋 串珠 樹狀圖 原文 典藏 |
15:9 | 而且mā beh hō͘外邦人因為上帝ê憐憫來歸榮光hō͘上帝。照經典所記載:所以,我beh tī外邦人ê中間oló祢,唱歌oló祢ê名。(註:詩18:49) | 註釋 串珠 樹狀圖 原文 典藏 |
15:10 | Koh講:「外邦人,lín tio̍h kah上帝ê子民做伙歡喜。」(註:申32:43) | 註釋 串珠 樹狀圖 原文 典藏 |
15:11 | 又koh講:所有ê外邦人tio̍h oló主,萬民lóng tio̍h oló祂。(註:詩117:1) | 註釋 串珠 樹狀圖 原文 典藏 |
15:12 | 以賽亞koh再講:耶西ê根會puh-íⁿ,祂ē興起來統治外邦,外邦人ē kā ǹg望khǹg tī祂ê身上。(註:賽11:1,10) | 註釋 串珠 樹狀圖 原文 典藏 |
15:13 | 願賜ǹg望ê上帝,hō͘ lín tùi信來充滿ta̍k種ê歡喜kah平安,koh hō͘ lín tùi聖神ê權能充滿ǹg望! | 註釋 串珠 樹狀圖 原文 典藏 |
15:14 | 保羅對外邦人ê宣教親愛ê兄弟姊妹,我確信lín非常善良,充滿ta̍k款ê智識,koh ē曉互相勸勉。 | 註釋 串珠 樹狀圖 原文 典藏 |
15:15 | 總是,我好膽寫phoe hō͘ lín,beh kā lín提醒幾點,因為上帝有賜我特別ê恩典, | 註釋 串珠 樹狀圖 原文 典藏 |
15:16 | thang tī外邦人ê中間服事基督耶穌,宣講上帝ê福音,thang hō͘外邦人成做上帝所接納,聖神所聖化ê祭物。 | 註釋 串珠 樹狀圖 原文 典藏 |
15:17 | 因為我有kah基督耶穌結聯,所以,我看服事上帝做榮光。 | 註釋 串珠 樹狀圖 原文 典藏 |
15:18 | 別項tāichì我m̄敢講,只有講一項,to̍h是基督通過我ê言語kah行為, | 註釋 串珠 樹狀圖 原文 典藏 |
15:19 | 用神跡、奇事kah聖神ê權能,hō͘外邦人順服上帝。我ánne tùi耶路撒冷一直到Í-lū-lī-kóng ê地區,ta̍k所在去傳基督ê福音。 | 註釋 串珠 樹狀圖 原文 典藏 |
15:20 | 我立志beh去iáu m̄ bat聽tio̍h基督ê名ê所在傳福音,chiah bē kah別人ê工作重複。 | 註釋 串珠 樹狀圖 原文 典藏 |
15:21 | 照經典所記載:M̄-bat聽過祂ê信息ê人ē看tio̍h祂;m̄ bat聽tio̍h祂ê人ē明白祂。(註:賽52:15) | 註釋 串珠 樹狀圖 原文 典藏 |
15:22 | 保羅計畫訪問羅馬因為ánne,我不時tú tio̍h阻擋,bē tàng去lín hia。 | 註釋 串珠 樹狀圖 原文 典藏 |
15:23 | 既然tī chiahê地區我已經完成我ê工作,koh因為幾nā年來我一直ǹg望ē tàng去lín hia, | 註釋 串珠 樹狀圖 原文 典藏 |
15:24 | 所以,chit遍我beh去西班牙ê時,ǹg望會順路tùi lín hia去,先kah lín有幾日á ê交陪了後,chiah hō͘ lín歡送去西班牙。 | 註釋 串珠 樹狀圖 原文 典藏 |
15:25 | 總是,我chitmá tio̍h去耶路撒冷,供給hia ê信徒ê需要。 | 註釋 串珠 樹狀圖 原文 典藏 |
15:26 | 因為馬其頓kah 亞該亞 ê教會,歡喜獻一筆錢來幫贊耶路撒冷一kóa sànchhiah ê信徒。 | 註釋 串珠 樹狀圖 原文 典藏 |
15:27 | 這是in歡喜做ê tāichì,其實mā是in所欠ê債。因為既然偤太信徒有kah外邦人做伙分享in屬靈ê福氣,外邦ê信徒mā tio̍h應該tī物質上kā in幫贊。 | 註釋 串珠 樹狀圖 原文 典藏 |
15:28 | 等我chit項tāichì辦好勢,kā chit筆募款交hō͘ in了後,我chiah經過lín hia去西班牙。 | 註釋 串珠 樹狀圖 原文 典藏 |
15:29 | 我知我去lín hia ê時,ē kā基督豐盛ê祝福帶去hō͘ lín。 | 註釋 串珠 樹狀圖 原文 典藏 |
15:30 | 兄弟姊妹,通過咱ê主耶穌基督kah聖神ê疼,我請lín盡力kah我做伙祈求上帝, | 註釋 串珠 樹狀圖 原文 典藏 |
15:31 | 救我脫離偤太地區hiahê m̄信ê人ê陷害,koh hō͘我為tio̍h供給耶路撒冷所做ê tāichì,得tio̍h信徒接納。 | 註釋 串珠 樹狀圖 原文 典藏 |
15:32 | Án-ne,我to̍h ē tàng照上帝ê旨意,歡歡喜喜去lín hia,kah lín做伙享受安歇。 | 註釋 串珠 樹狀圖 原文 典藏 |
15:33 | 願賞賜平安ê上帝kah lín同在。阿們! | 註釋 串珠 樹狀圖 原文 典藏 |