章節 | 全民台語聖經漢羅經文 | 註釋 |
2:1 | 偤太人無Thang藉口所以,你chitê ài批判別人ê,無論你是啥物人,lóng bē tàng辯解。因為你批判別人做ê tāichì,kakī mā ta̍k項lóng teh做,ánne,你批判別人,to̍h是teh定kakī ê罪。 | 註釋 串珠 樹狀圖 原文 典藏 |
2:2 | 咱知,做chit款tāichì ê人,上帝會公正kā伊審判。 | 註釋 串珠 樹狀圖 原文 典藏 |
2:3 | 你chitê批判別人,kakī mā去做仝款tāichì ê人,你想講lín ē tàng閃避上帝ê審判,是無? | 註釋 串珠 樹狀圖 原文 典藏 |
2:4 | Á是你看輕上帝極大ê仁慈、寬容kah忍耐?你kám m̄知,上帝對你仁慈是beh引chhōa你悔改? | 註釋 串珠 樹狀圖 原文 典藏 |
2:5 | 你ê心固執m̄悔改,是teh加添上帝ê受氣。Chitê受氣ē tī祂公義審判hit日顯明。 | 註釋 串珠 樹狀圖 原文 典藏 |
2:6 | 上帝beh照ta̍k人ê行為kā in報應。(註:詩66:12;箴24:12) | 註釋 串珠 樹狀圖 原文 典藏 |
2:7 | Hiahê堅持做好事,追求榮光、尊貴kah bē敗壞ê性命ê人,上帝會賞賜hō͘ in永遠ê活命。 | 註釋 串珠 樹狀圖 原文 典藏 |
2:8 | Hiahê自私,悖逆真理,koh顛倒tńg去順從不義ê人,上帝ē用受氣kah刑罰,來kā in報應。 | 註釋 串珠 樹狀圖 原文 典藏 |
2:9 | 所有做pháiⁿ ê人lóng ētú tio̍h患難kah困苦,偤太人ē先tú tio̍h,後來,chiah續到希臘人。 | 註釋 串珠 樹狀圖 原文 典藏 |
2:10 | 所有做好事ê人ē得tio̍h榮光、尊貴kah平安,偤太人ē先得tio̍h,後來,chiah續到希臘人。 | 註釋 串珠 樹狀圖 原文 典藏 |
2:11 | 因為上帝對任何人lóng無偏心。 | 註釋 串珠 樹狀圖 原文 典藏 |
2:12 | 外邦人無受摩西ê律法管轄,in若犯罪,ē受律法以外ê審判來滅亡;若是受摩西ê律法管轄ê人,in若犯罪,to̍h ē照律法受審判。 | 註釋 串珠 樹狀圖 原文 典藏 |
2:13 | 因為kantaⁿ聽律法ê人,tī上帝ê面前m̄是義人,只有遵行律法ê人chiah ēhō͘上帝認定做義人。 | 註釋 串珠 樹狀圖 原文 典藏 |
2:14 | 無摩西律法ê外邦人若照本性遵行律法ê規定,in本身to̍h是kakī ê律法。 | 註釋 串珠 樹狀圖 原文 典藏 |
2:15 | In ê行為是teh表示律法ê要求有刻tī in ê心內;in ê良心mā ē證實,因為in ê內心時時teh責備kakī ,有時teh為kakī 辯護。 | 註釋 串珠 樹狀圖 原文 典藏 |
2:16 | 所以,照我所傳ê福音,tī審判hit日,上帝ē通過基督耶穌,來審判人心內隱密ê tāichì。 | 註釋 串珠 樹狀圖 原文 典藏 |
2:17 | 偤太人Mā Tio̍h受審判Án-ne,你leh?你kakī 自稱是偤太人,óa靠律法,koh誇口你ê上帝。 | 註釋 串珠 樹狀圖 原文 典藏 |
2:18 | 你有學習律法,知影上帝ê旨意,mā ē曉分別是非。 | 註釋 串珠 樹狀圖 原文 典藏 |
2:19 | 你深信kakī 是teh kā失明ê人chhōa路ê,是tī烏暗中ê人ê光, | 註釋 串珠 樹狀圖 原文 典藏 |
2:20 | 是戇人ê指導者,是少年人ê老師。你想講既然有律法,對智識kah真理to̍h有把握。 | 註釋 串珠 樹狀圖 原文 典藏 |
2:21 | 你教示別人,是án怎無教示kakī ?你教人m̄ thang偷the̍h,你kakī 有偷the̍h無? | 註釋 串珠 樹狀圖 原文 典藏 |
2:22 | 你講m̄ thang犯姦淫,你kakī 有犯tio̍h無?你討厭偶像,你kakī 有去偷the̍h廟寺ê物無? | 註釋 串珠 樹狀圖 字典 原文 典藏 |
2:23 | 你誇口講有律法,你kakī 有違背律法來侮辱上帝á無? | 註釋 串珠 樹狀圖 原文 典藏 |
2:24 | 經典有記載:因為lín ê緣故,上帝ê名tī外邦人ê中間受褻瀆。(註:賽52:5 LXX) | 註釋 串珠 樹狀圖 原文 典藏 |
2:25 | 你若遵守律法,割禮to̍h有價值;你若犯法,有割禮to̍h kah無割禮仝款。 | C註釋 註釋 串珠 樹狀圖 原文 典藏 |
2:26 | 無受割禮ê人若遵守律法ê規定,kám bē tàng算做有受割禮? | 註釋 串珠 樹狀圖 原文 典藏 |
2:27 | 肉體無受割禮,m̄ koh有遵守律法ê人kám無beh kā你定罪?因為你有律法ê條文koh有受割禮,顛倒無遵守律法。 | 註釋 串珠 樹狀圖 原文 典藏 |
2:28 | 其實外表是偤太人ê人,並m̄是真正ê偤太人;肉體受割禮mā m̄是真正ê割禮。 | 註釋 串珠 樹狀圖 原文 典藏 |
2:29 | 內在ê偤太人chiah是真正ê偤太人;內心接受ê割禮chiah是真正ê割禮,m̄是靠律法ê條文ê割禮。Chit款人所受ê oló m̄是tùi人來ê,是tùi上帝。 | 註釋 串珠 樹狀圖 原文 典藏 |