章節 | 全民台語聖經漢羅經文 | 註釋 |
3:1 | 耶穌kah尼哥底摩有一个法利賽派ê人,名叫做尼哥底摩,是偤太人ê官。 | 註釋 串珠 盧俊義 原文 典藏 |
3:2 | 有一暗,伊來對耶穌講:「老師,阮知祢是上帝差來ê教師,因為若m̄是有上帝同在,無人ē tàng行祢所行ê神跡。」 | 註釋 串珠 盧俊義 原文 典藏 |
3:3 | 耶穌應講:「我實在kā你講,人若無重頭生,to̍h bē tàng看tio̍h上帝國度。」 | 註釋 串珠 盧俊義 原文 典藏 |
3:4 | 尼哥底摩問講:「人已經老ā,ná ē重頭生?Kám ē tàng koh入去老母ê腹肚來重頭生?」 | 註釋 串珠 盧俊義 原文 典藏 |
3:5 | 耶穌應講:「我實在kā你講,人若無tùi水kah聖神來重頭生,to̍h bē tàng入去上帝國度。 | 註釋 串珠 盧俊義 原文 典藏 |
3:6 | Tùi肉體生ê是肉體;tùi聖神生ê是聖神。 | 註釋 串珠 盧俊義 原文 典藏 |
3:7 | M̄-thang因為我講:『Lín tio̍h重頭生』來感覺奇怪。 | 註釋 串珠 盧俊義 原文 典藏 |
3:8 | 風beh吹去tó位就吹去tó位,你有聽tio̍h聲,m̄知它tùi tó位來,beh tùi tó位去。Ta̍k個 tùi聖神來出世ê人mā是ánne。」 | 註釋 串珠 盧俊義 原文 典藏 |
3:9 | 尼哥底摩問講:「Náē發生chit款tāichì?」 | 註釋 串珠 盧俊義 原文 典藏 |
3:10 | 耶穌應講:「你做以色列ê教師,連這都m̄知,是無? | 註釋 串珠 盧俊義 原文 典藏 |
3:11 | 我實在kā你講,阮講阮所知ê,見證阮所看tio̍h ê,m̄ koh,lín m̄接納阮ê見證。 | 註釋 串珠 盧俊義 原文 典藏 |
3:12 | 我kā lín講chit世間ê tāichì,lín都m̄信;我若kā lín講天頂ê tāichì,lín ná ē beh信? | 註釋 串珠 盧俊義 原文 典藏 |
3:13 | Tùi天降臨ê人子以外,無人bat上天。 | 註釋 串珠 盧俊義 原文 典藏 |
3:14 | 親像摩西tī曠野舉起銅蛇,人子mā一定tio̍h ánne受舉起, | 註釋 串珠 盧俊義 字典 原文 典藏 |
3:15 | thang hō͘每一个信祂ê人得tio̍h永遠ê活命。 | 註釋 串珠 盧俊義 原文 典藏 |
3:16 | 上帝chiahni̍h疼世間,甚至賞賜獨生Kiáⁿ,hō͘所有信祂ê人bē沉淪,反tńgē得tio̍h永遠ê活命。 | 註釋 串珠 盧俊義 原文 典藏 |
3:17 | 因為上帝差祂ê Kiáⁿ來世間,m̄是beh審判世間,是beh通過祂來拯救世間。 | 註釋 串珠 盧俊義 原文 典藏 |
3:18 | 信祂ê人bē受審判,m̄信祂ê人已經受定罪,因為伊m̄信上帝ê獨生Kiáⁿ。 | 註釋 串珠 盧俊義 原文 典藏 |
3:19 | 上帝kā in定罪是因為:光進入世間,世間khah ài烏暗,khah無ài光明,因為in ê行為邪惡。 | 註釋 串珠 盧俊義 原文 典藏 |
3:20 | 做pháiⁿ ê人怨恨光,mā m̄接近光,ánne,伊ê pháiⁿ行為chiah bē露現出來。 | 註釋 串珠 盧俊義 原文 典藏 |
3:21 | 獨獨遵照真理ê人來就近光,是beh顯明伊ê行為是遵照上帝ê旨意。」 | 註釋 串珠 盧俊義 原文 典藏 |
3:22 | 行洗禮約翰ê最後見證Chiahê tāichì以後,耶穌kah門徒到偤太地區,kah in做伙tòa hia,kā人洗禮。 | 註釋 串珠 盧俊義 原文 典藏 |
3:23 | 約翰mā tī撒冷附近ê Ai-nóng teh kā人洗禮,因為tī hia有真chē水,眾人來hia hō͘伊洗禮。 | 註釋 串珠 盧俊義 原文 典藏 |
3:24 | Hit時,約翰iáu未hō͘人關落監。 | 註釋 串珠 盧俊義 字典 原文 典藏 |
3:25 | 有一kóa約翰ê門徒kah一个偤太人,為tio̍h潔淨ê禮儀teh辯論。 | 註釋 串珠 盧俊義 原文 典藏 |
3:26 | In來kā約翰講:「老師,你看,早前tī約旦河東岸kah你做伙,你為祂做證ê hit位,chitmá祂teh kā人洗禮,群眾lóng去祂hia。」 | 註釋 串珠 盧俊義 原文 典藏 |
3:27 | 約翰應講:「若m̄是天賞賜,人bē tàng做啥物。 | 註釋 串珠 盧俊義 原文 典藏 |
3:28 | 我bat講,我m̄是基督,只不過是受派來做祂ê先鋒。Chitê tāichì,lín本身是我ê見證。 | 註釋 串珠 盧俊義 原文 典藏 |
3:29 | 娶新娘ê是新郎,新郎ê朋友khiā tī邊á聽tio̍h新郎ê聲to̍h非常歡喜,所以,我滿心大歡喜。 | 註釋 串珠 盧俊義 原文 典藏 |
3:30 | 祂一定ēná興旺,我一定ēná衰微。」 | 註釋 串珠 盧俊義 原文 典藏 |
3:31 | Tùi天頂來ê「Tùi頂面來ê,是tī萬物ê頂面;tùi地chiūⁿ來ê是屬地chiūⁿ,mā lóng講地chiūⁿê tāichì。Tùi天頂來ê,是tī萬物ê頂面。 | 註釋 串珠 盧俊義 原文 典藏 |
3:32 | 祂為tio̍h所聽tio̍h kah所看tio̍h ê來做見證,mā無人接納祂ê見證。 | 註釋 串珠 盧俊義 原文 典藏 |
3:33 | 接納祂ê見證ê人,見證上帝是真實ê。 | 註釋 串珠 盧俊義 字典 原文 典藏 |
3:34 | 上帝所差遣ê hit位講上帝ê話,因為上帝無限量賞賜聖神hō͘祂。 | 註釋 串珠 盧俊義 原文 典藏 |
3:35 | 父疼Kiáⁿ,已經kā 一切交tī祂ê手頭。 | 註釋 串珠 盧俊義 原文 典藏 |
3:36 | 信Kiáⁿ ê人有永遠ê活命;m̄順服Kiáⁿ ê人,m̄ nā bē tàng得tio̍h活命,反tńgē hō͘上帝tiāⁿ-tiāⁿ 受氣。」 | 註釋 串珠 盧俊義 原文 典藏 |