章節 | 全民台語聖經漢羅經文 | 註釋 |
1:1 | 寫hō͘提阿非羅敬愛ê提阿非羅大人,有真chē人已經kā 阮中間所發生ê tāichì整理記錄落來。 | C註釋 註釋 串珠 原文 典藏 |
1:2 | In照hiahê傳道理ê人tùi起頭親目看tio̍h ê tāichì, 來記錄傳hō͘阮。 | 註釋 串珠 原文 典藏 |
1:3 | 我有tùi起頭詳細查考全部ê tāichì,所以想beh照順序寫出來寄hō͘你, | 註釋 串珠 原文 典藏 |
1:4 | hō͘你thang明白你所領受ê道理是確實ê。 | 註釋 串珠 原文 典藏 |
1:5 | 預告行洗禮約翰ê出世希律做偤太王ê時,有一个名叫做撒迦利亞ê A-mí-a班ê祭司,伊ê bó͘是亞倫ê kiáⁿ孫,名叫做以利沙白。 | 註釋 串珠 原文 典藏 |
1:6 | In兩翁á-bó͘ hō͘上帝看做是義人,因為in遵守上帝一切ê誡命kah禮儀來行。 | 註釋 串珠 原文 典藏 |
1:7 | 總是,in無kiáⁿ,因為以利沙白bē懷孕,兩人ê年歲又koh老à。 | 註釋 串珠 原文 典藏 |
1:8 | 有一日,撒迦利亞照伊ê輪班tī上帝ê面前teh執行祭司ê職務, | 註釋 串珠 原文 典藏 |
1:9 | 照祭司職份ê例,伊抽鬮得tio̍h入去主ê聖殿燒香。 | 註釋 串珠 字典 原文 典藏 |
1:10 | 當伊teh燒香ê時,會眾kui大陣tī外面teh祈禱。 | 註釋 串珠 字典 原文 典藏 |
1:11 | 有一个主ê天使對伊顯現,khiā tī香壇ê正pêng。 | 註釋 串珠 字典 原文 典藏 |
1:12 | 撒迦利亞看tio̍h,to̍h tio̍h驚kah gāng去,非常不安。 | 註釋 串珠 原文 典藏 |
1:13 | 天使對伊講:「撒迦利亞,m̄免驚,因為上帝已經聽tio̍h你ê祈禱。你ê bó͘以利沙白beh生kiáⁿ,你tio̍h kā伊號名叫做約翰。 | 註釋 串珠 原文 典藏 |
1:14 | 你ē歡喜koh快樂;真chē人mā ē為tio̍h伊ê出世來歡喜。 | 註釋 串珠 原文 典藏 |
1:15 | 因為伊tī主ê面前beh做大人物,葡萄酒kah一切ê酒lóng m̄ thang hō͘伊lim。伊tī母身to̍h hō͘聖神充滿。 | 註釋 串珠 字典 原文 典藏 |
1:16 | 伊ēhō͘以色列kiáⁿ孫真chē人oa̍t tńg來歸向主,to̍h是in ê上帝。 | 註釋 串珠 原文 典藏 |
1:17 | 伊ē用以利亞ê精神kah才能做主ê先鋒,hō͘父母kah kiáⁿ兒和好,hō͘悖逆ê人回心轉意來跟tòe義人ê智慧,hō͘人民準備心來迎接主。」 | 註釋 串珠 原文 典藏 |
1:18 | 撒迦利亞對天使講:「Kám chiâⁿ實ē ánne?因為我已經老à,我ê bó͘年歲mā真大à。」 | 註釋 串珠 原文 典藏 |
1:19 | 天使應講:「我是teh服事上帝ê Ga-bu-li-el,奉差派來kah你講話,對你報告chitê好消息。 | 註釋 串珠 原文 典藏 |
1:20 | 因為你m̄相信我ê話,to̍h是到時會應驗ê話,你ē變成啞口bē講話,一直到chiahê tāichì得tio̍h應驗ê日。」 | 註釋 串珠 原文 典藏 |
1:21 | 會眾teh thèng候撒迦利亞,in感覺奇怪伊ná ē tī聖殿內hiahni̍h久。 | 註釋 串珠 字典 原文 典藏 |
1:22 | 伊出來ê時soah bē tàng kah in講話,in to̍h知伊tī聖殿裡有看tio̍h異象。伊對in一直比手語,竟然是啞口。 | 註釋 串珠 字典 原文 典藏 |
1:23 | 撒迦利亞服事ê日期滿,to̍h tńg去in厝。 | 註釋 串珠 原文 典藏 |
1:24 | 無gōa久了後,伊ê bó͘以利沙白有娠,五月日無出門。 | 註釋 串珠 原文 典藏 |
1:25 | 以利沙白講:「主hiahni̍h看顧我,hō͘我m̄免koh hō͘人恥笑bē生kiáⁿ。」 | 註釋 串珠 原文 典藏 |
1:26 | 預告耶穌ê出世以利沙白有娠六月日ê時,天使Ga-bu-li-el奉上帝ê差派來到加利利省一个城,叫做拿撒勒, | 註釋 串珠 原文 典藏 |
1:27 | 來chhōe一个在室女,名叫做馬利亞。她已經kah一个大衛ê kiáⁿ孫名叫做約瑟ê定婚。 | 註釋 串珠 原文 典藏 |
1:28 | 天使去到馬利亞hia,對她講:「平安,你是siōng有福氣ê人。上帝kah你同在。」 | C註釋 註釋 串珠 原文 典藏 |
1:29 | 馬利亞對chiahê話tio̍h驚kah gāng去,心內一直teh想chitê請安是啥物意思。 | 註釋 串珠 原文 典藏 |
1:30 | 天使kā她講:「馬利亞ah,m̄免驚,因為你得tio̍h上帝ê恩典。 | 註釋 串珠 原文 典藏 |
1:31 | Taⁿ你ē懷孕生一个後生,tio̍h kā祂號名叫做耶穌。 | 註釋 串珠 原文 典藏 |
1:32 | 祂ē做大人物,人ē稱呼祂至koân上帝ê Kiáⁿ。主,上帝ē kā祂祖先大衛ê王位賞賜祂。 | 註釋 串珠 字典 原文 典藏 |
1:33 | 祂ē做王,永遠統治雅各ê kiáⁿ孫,祂ê國mā ē無窮盡。」 | 註釋 串珠 原文 典藏 |
1:34 | 馬利亞對天使講:「我iáu未出嫁,ná ē有chit款tāichì?」 | 註釋 串珠 原文 典藏 |
1:35 | 天使應講:「聖神會臨到你,至koân上帝ê權能ē致蔭你,所以,hitê teh beh出世ê嬰á是聖ê,人ē稱呼祂做上帝ê Kiáⁿ。 | 註釋 串珠 原文 典藏 |
1:36 | 你看!你ê親chiâⁿ以利沙白,她雖然年老,mā已經懷孕。人講她bē生,她已經有娠六月日ā。 | 註釋 串珠 原文 典藏 |
1:37 | 因為上帝無一項tāichì做bē到。」 | 註釋 串珠 原文 典藏 |
1:38 | 馬利亞講:「我是主ê女婢;願照你ê話來kā我成全。」天使to̍h離開她。 | 註釋 串珠 原文 典藏 |
1:39 | 馬利亞訪問以利沙白過無幾日,馬利亞出發,趕緊去到偤太山地ê一个城。 | 註釋 串珠 原文 典藏 |
1:40 | 她入去撒迦利亞ê厝,kā以利沙白請安。 | 註釋 串珠 原文 典藏 |
1:41 | 以利沙白一下聽tio̍h馬利亞請安,腹肚內ê胎兒就tiô跳。以利沙白hō͘聖神充滿, | 註釋 串珠 原文 典藏 |
1:42 | 她to̍h大聲講:「眾婦人人ê中間你得tio̍h福氣,你所懷孕ê胎兒mā得tio̍h福氣。 | 註釋 串珠 原文 典藏 |
1:43 | 我ê主ê老母來訪問我,我ná ē堪得? | 註釋 串珠 原文 典藏 |
1:44 | 因為我一下聽tio̍h你請安ê聲,我腹肚內ê胎兒to̍h歡喜tiô跳。 | 註釋 串珠 原文 典藏 |
1:45 | 你chitê婦人人真有福氣!因為主所kā你講ê話會實現。」 | 註釋 串珠 原文 典藏 |
1:46 | 馬利亞ê讚美詩馬利亞講:我ê心神尊敬主做大, | 註釋 串珠 原文 典藏 |
1:47 | 我ê心神因為救我ê上帝來歡喜。 | 註釋 串珠 原文 典藏 |
1:48 | 因為祂看顧女婢ê卑微。Tùi taⁿ以後,萬世代ê人lóng ē講我有福氣。 | 註釋 串珠 原文 典藏 |
1:49 | 因為全能上帝有為tio̍h我做偉大ê tāichì, 祂ê名是聖。 | 註釋 串珠 原文 典藏 |
1:50 | 敬畏祂ê人,祂憐憫in,到萬世代。 | 註釋 串珠 原文 典藏 |
1:51 | 祂伸出權能ê手,kā心志驕傲ê人趕散。 | 註釋 串珠 原文 典藏 |
1:52 | 祂kā掌權ê人,tùi伊ê王位拖落來,kā卑微ê人高升。 | 註釋 串珠 字典 原文 典藏 |
1:53 | 祂用好物hō͘ iau餓ê人食到飽;祂hō͘好額ê人空空tńg去。 | 註釋 串珠 原文 典藏 |
1:54 | 祂扶助祂ê奴僕以色列,ē記得kā in憐憫, | 註釋 串珠 原文 典藏 |
1:55 | 照祂對咱祖先ê應允,來憐憫亞伯拉罕kah伊ê kiáⁿ孫到萬世代。 | 註釋 串珠 原文 典藏 |
1:56 | 馬利亞kah以利沙白做伙tòa差不多有三月日,chiah tńg去in厝。 | 註釋 串珠 原文 典藏 |
1:57 | 行洗禮約翰ê出世以利沙白生產ê期到,to̍h生一个後生。 | 註釋 串珠 原文 典藏 |
1:58 | 厝邊隔壁kah親chiâⁿ,聽tio̍h主對她有大憐憫,to̍h kah她做伙歡喜。 | 註釋 串珠 原文 典藏 |
1:59 | 到嬰á出世第八日,in來beh kā嬰á行割禮,koh照伊ê老父ê名kā伊號做撒迦利亞。 | 註釋 串珠 原文 典藏 |
1:60 | 伊ê老母應講:「M̄-thang ánne,tio̍h kā伊號做約翰。」 | 註釋 串珠 原文 典藏 |
1:61 | 大家to̍h對她講:「你ê親chiâⁿ無人號chitê名。」 | 註釋 串珠 原文 典藏 |
1:62 | In就比手語問嬰á ê老父,ài beh kā伊號啥物名。 | 註釋 串珠 原文 典藏 |
1:63 | 撒迦利亞討一塊寫字ê枋á,寫講:「伊ê名是約翰。」大家感覺奇怪。 | 註釋 串珠 字典 原文 典藏 |
1:64 | Hit時,撒迦利亞隨時開嘴講話,oló上帝。 | 註釋 串珠 原文 典藏 |
1:65 | 厝邊隔壁ê人lóng tio̍h驚;全偤太ê山地lóng teh談論chit項tāichì。 | 註釋 串珠 原文 典藏 |
1:66 | 聽tio̍h ê人lóng想講:「Án-ne,chitê嬰á將來會成做啥物款ê人?因為有主ê權能kah伊同在。」 | 註釋 串珠 原文 典藏 |
1:67 | 撒迦利亞ê預言約翰ê老父撒迦利亞hō͘聖神充滿,就預言講: | 註釋 串珠 原文 典藏 |
1:68 | Tio̍h oló主,以色列ê上帝! 因為祂有看顧koh救贖祂ê子民。 | 註釋 串珠 原文 典藏 |
1:69 | 有tùi祂ê奴僕—大衛ê家,替咱設立有大能ê救主。 | 註釋 串珠 原文 典藏 |
1:70 | 照祂tī古早通過神聖ê先知ê嘴應允講: | 註釋 串珠 原文 典藏 |
1:71 | 祂beh拯救咱脫離對敵kah所有怨恨咱ê人ê手, | 註釋 串珠 原文 典藏 |
1:72 | 祂beh憐憫咱ê祖先,koh記念祂神聖ê約; | 註釋 串珠 原文 典藏 |
1:73 | to̍h是kah咱ê祖先亞伯拉罕所立ê約, | 註釋 串珠 原文 典藏 |
1:74 | hō͘咱ē tàng脫離chiahê對敵ê手, | 註釋 串珠 原文 典藏 |
1:75 | hō͘咱一世人tī祂ê面前,用聖用義,無驚惶來服事祂。 | 註釋 串珠 原文 典藏 |
1:76 | 我ê kiáⁿ,你ē hō͘人叫做至koân上帝ê先知。 因為你beh做主ê先鋒來準備祂ê路, | 註釋 串珠 字典 原文 典藏 |
1:77 | hō͘祂ê子民因為得tio̍h赦罪,來明白上帝ê拯救。 | 註釋 串珠 原文 典藏 |
1:78 | 咱ê上帝充滿憐憫ê心,所以,hō͘早起時ê日tùi天頂來照咱, | 註釋 串珠 原文 典藏 |
1:79 | 來照咱chiahê tiàm tī烏暗kah死蔭中ê人, 引chhōa咱ê腳行入平安ê路。 | 註釋 串珠 字典 原文 典藏 |
1:80 | 嬰á漸漸大漢,心神mā日日勇壯;伊tiàm tī曠野,一直到伊tī以色列中間公開出現hit日。 | 註釋 串珠 原文 典藏 |