章節 | 全民台語聖經漢羅經文 | 註釋 |
16:1 | 空墓(太28:1-8;路24:1-12;約20:1-10)安息日過了後,抹大拉ê馬利亞、雅各ê老母馬利亞kah Sa-ló-meh,有買芳料beh來抹耶穌ê身屍。 | 註釋 串珠 康來昌 異文 字典 原文 典藏 |
16:2 | 七日ê頭一日透早,日tú-á出ê時,in來到墓地。 | 註釋 串珠 康來昌 異文 字典 原文 典藏 |
16:3 | In沿路行沿路講:「啥人beh替咱kā hit塊墓口ê石頭kō開?」因為hit塊石頭非常大塊。 | 註釋 串珠 康來昌 字典 原文 典藏 |
16:4 | In來到位,gia̍h頭一看,to̍h看tio̍h hit塊石頭已經kō開。 | 註釋 串珠 康來昌 字典 原文 典藏 |
16:5 | In入去墓內,to̍h看tio̍h一个少年人坐tī正pêng,身穿白衫。Into̍h tio̍h驚kah gāng去。 | 註釋 串珠 康來昌 字典 原文 典藏 |
16:6 | 少年人kā in講:「M̄免驚。我知lín是teh chhōe hō͘人釘十字架ê拿撒勒人耶穌。祂已經koh活,無tī chia。你看,chia是祂埋葬ê所在。 | 註釋 串珠 康來昌 字典 原文 典藏 |
16:7 | Taⁿ lín tio̍h去kā祂ê門徒,特別tio̍h kā彼得講:『祂ē比lín tāi先去到加利利省。照祂所kā lín講ê,lín tī hia會看tio̍h祂。』」 | 註釋 串珠 康來昌 原文 典藏 |
16:8 | Hiahê婦人人離開墓就直直走,因為in驚kah phi̍h-phi̍h chhoah soah gāng去。In mā無kā人講啥物,因為in真驚。 | 註釋 串珠 康來昌 異文 字典 原文 典藏 |
16:9 | (短結尾):(註:有ê古卷tī 16:8 ê後壁附加chitê稱做「短結尾」ê經文)9 In kā一切ê指示簡要對彼得周圍ê人講。了後,耶穌to̍h通過in,tùi東到西傳送hitê神聖、bē毀壞ê、ē永遠拯救ê信息。(長結尾):(註:有ê古卷tī 16:8 ê後壁附加chitê稱做「長結尾」ê經文)耶穌對抹大拉ê馬利亞顯現(太28:9-10;約20:11-18)七日ê頭一日透早,耶穌koh活了後,tāi先對抹大拉ê馬利亞顯現。耶穌前bat kā她趕出七个鬼。 | 註釋 串珠 康來昌 原文 典藏 |
16:10 | 馬利亞去kā平時跟tòe耶穌ê人報告;hit時hiahê人當teh憂悶啼哭。 | 註釋 串珠 康來昌 原文 典藏 |
16:11 | In聽tio̍h耶穌koh活,koh有hō͘馬利亞看tio̍h,竟然iáu m̄相信。 | 註釋 串珠 康來昌 原文 典藏 |
16:12 | 耶穌對兩 个門徒顯現(路24:13-35)後來,in中間兩 个門徒去庄腳,teh行ê時,耶穌用無仝款ê形像對in顯現。 | 註釋 串珠 康來昌 原文 典藏 |
16:13 | In tńg去kā其他ê人報告;總是,in hiahê人mā m̄相信。 | 註釋 串珠 康來昌 原文 典藏 |
16:14 | 耶穌對十一个門徒顯現(太28:16-20;路24:36-49;約20:19-23;徒1:6-8)後來,十一个門徒坐teh食飯ê時,耶穌對in顯現,責備in ê m̄信kah心硬,因為in m̄相信hiahê看tio̍h耶穌koh活ê人kā in講ê話。 | 註釋 串珠 康來昌 異文 原文 典藏 |
16:15 | 耶穌koh kā in講:「Lín tio̍h去普天下傳福音hō͘萬民聽。 | 註釋 串珠 康來昌 異文 原文 典藏 |
16:16 | 有信來領受洗禮ê人ē得tio̍h救;m̄信ê人ē受定罪。 | 註釋 串珠 康來昌 原文 典藏 |
16:17 | 有信ê人ē tàng奉我ê名趕鬼,koh ē講新ê言語。 | 註釋 串珠 康來昌 異文 原文 典藏 |
16:18 | In掠蛇á是lim tio̍h啥物毒,mā lóng bē受傷害。In kā病人hōaⁿ手,病人ē得tio̍h醫好。」 | 註釋 串珠 康來昌 異文 字典 原文 典藏 |
16:19 | 耶穌上天(路24:50-53;徒1:9-11)主耶穌kā in講chiahê話了後,就受接上天,坐tī上帝ê正pêng。 | 註釋 串珠 康來昌 異文 原文 典藏 |
16:20 | 門徒出去,tī ta̍k所在傳福音。主kah in同工,用in所行ê神跡來證明in所傳ê道理是真實ê。 | 註釋 串珠 康來昌 異文 原文 典藏 |