章節 | 全民台語聖經漢羅經文 | 註釋 |
12:1 | Pháiⁿ田佃ê譬喻(太21:33-46;路20:9-19)耶穌koh用譬喻kā in講:有一个人開墾一塊葡萄園,用牆圍á圍起來,挖一个孔來做酒窟,koh起一座守更樓,然後租hō͘田佃,to̍h去別个所在。 | 註釋 串珠 康來昌 字典 原文 典藏 |
12:2 | 到收成ê時,伊to̍h差一个奴僕來chhōe田佃,beh tùi田佃收園租。 | 註釋 串珠 康來昌 字典 原文 典藏 |
12:3 | 佃戶kā hitê奴僕掠來phah,hō͘伊空手tńg去。 | 註釋 串珠 康來昌 原文 典藏 |
12:4 | 園主koh差另外一个奴僕去收租,田佃phah傷伊ê頭殼,koh kā伊凌辱。 | 註釋 串珠 康來昌 原文 典藏 |
12:5 | 後來,園主koh差別个奴僕去,in to̍hka7伊thâi死。伊koh差真chē奴僕去,有ê hō͘ in phah,有ê hō͘ inthâi死。 | 註釋 串珠 康來昌 原文 典藏 |
12:6 | 伊iáu有一个所疼ê kiáⁿ,最後mā差伊去kā田佃收租,想講in ē尊敬伊ê kiáⁿ。 | 註釋 串珠 康來昌 原文 典藏 |
12:7 | M̄ koh,hiahê田佃互相參詳講:『Chitê是伊ê繼承人,咱來kā伊thâi死,伊ê財產to̍h ē歸咱。』 | 註釋 串珠 康來昌 原文 典藏 |
12:8 | 田佃to̍h kā伊掠起來,kā伊thâi死,koh kā伊hiat出去葡萄園外面。 | 註釋 串珠 康來昌 字典 原文 典藏 |
12:9 | Án-ne,園主ē án怎處理?伊ē來剿滅hiahê田佃,kā伊ê園租hō͘別人。 | 註釋 串珠 康來昌 字典 原文 典藏 |
12:10 | 有記載講:起厝師傅所棄sak ê石,soah成做厝角頭ê基石。 | C註釋 註釋 串珠 康來昌 字典 原文 典藏 |
12:11 | 這是上帝ê作為,對咱來講實在真奇妙。(註:詩118:22-23)Lín kám無讀tio̍h?」 | C註釋 註釋 串珠 康來昌 原文 典藏 |
12:12 | Hiahê偤太人ê頭人知影chitê譬喻是teh指in,就ài beh kā祂掠起來,總是,in驚群眾反彈,to̍h離開耶穌。 | 註釋 串珠 康來昌 原文 典藏 |
12:13 | 納稅ê問題(太22:15-22;路20:20-26)In後來,差幾nā个法利賽派kah希律黨ê人來耶穌hia,ài beh chhńg祂所講ê話縫,thang來kā祂陷害。 | 註釋 串珠 康來昌 原文 典藏 |
12:14 | In來到位,to̍h對耶穌講:「老師,阮知祢是一个老實人,對待每一个人lóng無差別,因為祢無看人ê外貌。祢忠實kā上帝ê道理教示人。納稅hō͘羅馬皇帝kám有合律法?阮tio̍h納稅á m̄免?」 | 註釋 串珠 康來昌 字典 原文 典藏 |
12:15 | M̄ koh,耶穌看出in ê詭計,to̍h kā in講:「Lín ná ē beh kā我試探?The̍h一个銀幣來hō͘我看。」 | 註釋 串珠 康來昌 字典 原文 典藏 |
12:16 | In就the̍h一个銀幣來。耶穌問in講:「Chitê像kah字號是啥人ê?」In應講:「是皇帝ê。」 | 註釋 串珠 康來昌 原文 典藏 |
12:17 | 耶穌kā in講:「Lín tio̍h kā皇帝ê納hō͘皇帝;kā上帝ê納hō͘上帝。」In對耶穌ê回答感覺真tio̍h驚。 | 註釋 串珠 康來昌 原文 典藏 |
12:18 | 死人koh活ê問題(太22:23-33;路20:27-40)有一kóa無相信人死了ē koh活ê撒都該派ê人來chhōe耶穌。 | 註釋 串珠 康來昌 原文 典藏 |
12:19 | In問耶穌講:「老師,摩西所寫ê律法指示阮講:『若有人伊ê阿兄死去,留落來伊ê bó͘,m̄ koh,無留kiáⁿ。做小弟ê tio̍h娶兄嫂做bó͘,thang好生kiáⁿ來替伊ê阿兄傳宗接代。』 | 註釋 串珠 康來昌 原文 典藏 |
12:20 | Bat有兄弟七人,大兄娶bó͘無生kiáⁿ to̍h死去。 | 註釋 串珠 康來昌 原文 典藏 |
12:21 | 第二个娶兄嫂做bó͘,mā無生kiáⁿ to̍h死去。第三个mā是ánne。 | 註釋 串珠 康來昌 原文 典藏 |
12:22 | Chit 七个兄弟lóng無生kiáⁿ to̍h死去。到路尾,hitê婦人人mā死去。 | 註釋 串珠 康來昌 原文 典藏 |
12:23 | 到koh活ê時,chitê婦人人beh做in中間tó一人ê bó͘?因為chit七个人lóng有娶過她做bó͘。」 | 註釋 串珠 康來昌 異文 原文 典藏 |
12:24 | 耶穌kā in講:「Lín想m̄ tio̍h去à。Lín m̄ bat經典,mā m̄ bat上帝ê權能。 | 註釋 串珠 康來昌 原文 典藏 |
12:25 | 因為tùi死人中koh活ê時,in kah天頂ê天使仝款,無嫁mā無娶。 | 註釋 串珠 康來昌 原文 典藏 |
12:26 | 關係死人koh活,lín kám無讀tio̍h摩西ê冊,『Teh to̍h ê刺phè』hit篇所記載ê?上帝kā摩西講:『我是亞伯拉罕ê上帝、以撒ê上帝、雅各ê上帝。』(註:出3:6,15-16) | 註釋 串珠 康來昌 異文 字典 原文 典藏 |
12:27 | 祂m̄是死人ê上帝,是活人ê上帝。Lín犯tio̍h真大ê錯誤!」 | 註釋 串珠 康來昌 原文 典藏 |
12:28 | Siōng重要ê誡命(太22:34-40;路10:25-28)有一个經學教師來,聽tio̍h in teh辯論,看耶穌應了真好,to̍h問祂講:「Chiahê誡命中tó一條siōng要緊?」 | 註釋 串珠 康來昌 原文 典藏 |
12:29 | 耶穌應講:「Siōng要緊ê是:以色列人,lín tio̍h聽!主—咱ê上帝是獨一ê主。 | 註釋 串珠 康來昌 原文 典藏 |
12:30 | 你tio̍h盡心,盡性,盡意,盡力疼主,to̍h是你ê上帝。(註:申6:4-5) | 註釋 串珠 康來昌 原文 典藏 |
12:31 | 第二是:Tio̍h疼你ê厝邊親像kakī 。(註:利19:18)無別个誡命比chit兩條khah重要。」 | 註釋 串珠 康來昌 原文 典藏 |
12:32 | Hitê經學教師對耶穌講:「老師,祢講了真tio̍h,上帝只有一位,祂以外無別个。」 | 註釋 串珠 康來昌 原文 典藏 |
12:33 | 伊koh講:「Tio̍h盡心、盡意、盡力疼上帝,koh tio̍h疼厝邊親像kakī ,這比獻kui隻chengseⁿ ê燒祭kah祭物khah要緊。」 | 註釋 串珠 康來昌 原文 典藏 |
12:34 | 耶穌看tio̍h伊應了真適當,to̍h kā伊講:「你離上帝國度無遠à。」Tùi hit時起,無人敢koh問耶穌啥物問題。 | 註釋 串珠 康來昌 異文 原文 典藏 |
12:35 | 大衛ê Kiáⁿ孫ê問題(太22:41-46;路20:41-44)耶穌tī聖殿教示ê時,問in講:「Chiahê經學教師ná ē講基督是大衛ê kiáⁿ孫? | 註釋 串珠 康來昌 字典 原文 典藏 |
12:36 | 大衛hō͘聖神感動講:主kā我ê主講:祢坐我ê大pêng,thèng候我kā祢ê對敵屈服tī祢ê腳下。(註:詩110:1) | 註釋 串珠 康來昌 異文 原文 典藏 |
12:37 | 大衛既然kakī 稱基督做主,ánne基督ná ē做大衛ê kiáⁿ孫?」譴責經學教師(太23:1-36;Lk20:45-47)群眾lóng ài聽耶穌ê教示。 | 註釋 串珠 康來昌 原文 典藏 |
12:38 | 耶穌教示講:「Tio̍h提防hiahê經學教師,in ài穿長衫四界行,ài tī大路口hō͘人請安, | 註釋 串珠 康來昌 字典 原文 典藏 |
12:39 | koh tī會堂內ài坐高位,tī宴席坐大位。 | 註釋 串珠 康來昌 字典 原文 典藏 |
12:40 | In侵佔寡婦ê家伙,thiau故意祈禱真長。Inē受koh khah重ê刑罰。」 | 註釋 串珠 康來昌 原文 典藏 |
12:41 | 寡婦ê奉獻(路21:1-4)耶穌坐tī奉獻箱ê對面teh看眾人hiat錢落去,有真chē好額人hiat真chē錢。 | 註釋 串珠 康來昌 異文 字典 原文 典藏 |
12:42 | 有一个sànchhiah ê寡婦來hiat兩 个銅錢á,to̍h是一角銀。 | 註釋 串珠 康來昌 字典 原文 典藏 |
12:43 | 耶穌to̍h叫門徒來,kā in講:「我實在kā lín講,chitê sànchhiah ê寡婦所hiat-ê比眾人khah chē。 | 註釋 串珠 康來昌 字典 原文 典藏 |
12:44 | 因為hiahê群眾是tùi in有chhun落來ê來hiat,m̄ koh,chitê婦人人雖然真sànchhiah,iáu koh kā全部ê生活費lóng hiat落去。」 | 註釋 串珠 康來昌 原文 典藏 |