章節 | 全民台語聖經漢羅經文 | 註釋 |
6:1 | 耶穌tī家鄉Hông拒絕(太13:53-58;路4:16-30)耶穌離開hia,tńg去祂ê故鄉,門徒mā tòe祂去。 | 註釋 串珠 康來昌 原文 典藏 |
6:2 | 到安息日,祂to̍h tī會堂教示人。真chē人聽tio̍h就奇怪,講:「Chitê人ê本事是tùi tó位來?是啥人賞賜hō͘祂chit款ê智慧?祂án怎有權能行神跡? | 註釋 串珠 康來昌 異文 字典 原文 典藏 |
6:3 | 祂kám m̄是木匠師ê kiáⁿ?Kám m̄是馬利亞ê kiáⁿ,雅各、約西、偤大kah西門ê兄弟?祂ê姊妹kám m̄是kah咱tī chia?」In soah對耶穌起反感。 | 註釋 串珠 康來昌 異文 原文 典藏 |
6:4 | 耶穌to̍h kā in講:「先知tī kakī ê故鄉、kakī ê宗族、kakī ê家庭以外,去到tó位lóngē受人尊重。」 | 註釋 串珠 康來昌 原文 典藏 |
6:5 | 祂tī故鄉bē tàng行啥物神跡,只不過用手hōaⁿ幾個á病人來kā in醫好。 | 註釋 串珠 康來昌 原文 典藏 |
6:6 | 耶穌對in ê m̄信感覺奇怪。耶穌差派十二個使徒(太10:5-15;路9:1-6)祂to̍h去四箍圍ê庄頭行透透來教示人。 | 註釋 串珠 康來昌 原文 典藏 |
6:7 | 耶穌召集十二使徒來,to̍h差in一對一對出去,koh賞賜hō͘ in有權能來制壓hiahê邪神。 | 註釋 串珠 康來昌 原文 典藏 |
6:8 | 祂koh kā in吩咐:m̄ thang帶路費,只有帶一支柺á;m̄ thang帶乾糧;m̄ thang帶行李袋;m̄ thang khǹg錢tī腰帶; | 註釋 串珠 康來昌 字典 原文 典藏 |
6:9 | tio̍h穿涼鞋,mā m̄ thang加帶內衫。 | 註釋 串珠 康來昌 字典 原文 典藏 |
6:10 | 耶穌koh kā in講:「Lín無論去到啥物所在,tio̍h tòa tī歡迎lín ê人ê厝,一直到離開hitê所在。 | 註釋 串珠 康來昌 原文 典藏 |
6:11 | 無論tī啥物所在,人若m̄接納lín,m̄聽lín ê教示,lín離開hia ê時,tio̍h kā腳裡ê土沙粉pōaⁿ清氣,來對in警告。」 | 註釋 串珠 康來昌 原文 典藏 |
6:12 | 門徒to̍h出去傳道,講人tio̍h悔改。 | 註釋 串珠 康來昌 原文 典藏 |
6:13 | In mā趕出真chē鬼,用油抹真chē病人,kā in醫好。 | 註釋 串珠 康來昌 字典 原文 典藏 |
6:14 | 行洗禮約翰ê死亡(太4:1-12;路9:7-9)希律王有聽tio̍h耶穌ê tāichì,因為祂ê名聲已經傳到ta̍k所在。有人講:「祂是行洗禮約翰tùi死人中koh活,所以,有權能行chiahê神跡。」 | 註釋 串珠 康來昌 異文 原文 典藏 |
6:15 | M̄ koh,mā有別人講:「祂是以利亞。」Koh有人講:「祂是先知,親像古早ê一个先知。」 | 註釋 串珠 康來昌 原文 典藏 |
6:16 | 希律聽tioh8to̍h講:「伊是我kā伊斬頭ê約翰,伊已經koh活起來。」 | 註釋 串珠 康來昌 原文 典藏 |
6:17 | 希律有派人去掠約翰來關監,原因是希律侵佔小弟腓力ê bó͘希羅底。 | 註釋 串珠 康來昌 字典 原文 典藏 |
6:18 | 約翰tiāⁿ-tiāⁿ 對希律講:「你無應該佔兄弟ê bó͘。」 | 註釋 串珠 康來昌 原文 典藏 |
6:19 | 希羅底就怨恨約翰,ài beh kā伊thâi,m̄ koh無法度實現。 | 註釋 串珠 康來昌 原文 典藏 |
6:20 | 因為希律知約翰ê做人公義koh聖潔,所以驚伊,mā有teh kā伊保護。希律每pái聽tio̍h約翰ê話,心就操煩不安,m̄ koh伊iáu是歡喜ài聽。 | 註釋 串珠 康來昌 異文 原文 典藏 |
6:21 | 希羅底有tn̄g tio̍h好機會ê日,to̍h是希律做生日辦桌,請hiahê文武百官kah加利利省民間ê頭人。 | 註釋 串珠 康來昌 原文 典藏 |
6:22 | 希羅底 ê chabó͘ kiáⁿ入來跳舞,hō͘希律kah同桌ê來賓lóng歡喜。希律王kā chabó͘ gín-á講:「看你ài啥物,做你求,我lóng beh hō͘你。」 | 註釋 串珠 康來昌 異文 原文 典藏 |
6:23 | 希律koh對她chiùchōa講:「無論你kā我討啥物,連我ê國ê一半,我mā beh hō͘你。」 | 註釋 串珠 康來昌 異文 原文 典藏 |
6:24 | Cha-bó͘ gín-á出去問她ê老母,講:「我tio̍h求啥物?」老母應講:「行洗禮約翰ê頭殼。」 | 註釋 串珠 康來昌 原文 典藏 |
6:25 | Cha-bó͘ gín-á隨時tńg來對王要求講:「我ài你隨時kā行洗禮約翰ê頭殼貯tī盤裡hō͘我。」 | 註釋 串珠 康來昌 字典 原文 典藏 |
6:26 | 王ê心to̍h大憂悶;總是,伊bē tàng kā她拒絕,因為伊有tī眾人ê面前chiùchōa。 | 註釋 串珠 康來昌 原文 典藏 |
6:27 | 王隨時差派一个侍衛兵去監裡the̍h約翰ê頭殼來。侍衛兵to̍h去監裡斬約翰ê頭, | 註釋 串珠 康來昌 字典 原文 典藏 |
6:28 | kā頭殼貯tī盤裡,phâng來hō͘ chabó͘ gín-á。Cha-bó͘ gín-á就the̍h去hō͘ in老母。 | 註釋 串珠 康來昌 字典 原文 典藏 |
6:29 | 約翰ê門徒聽tio̍h,to̍h來收伊ê身屍,kā伊埋葬tī墓裡。 | 註釋 串珠 康來昌 字典 原文 典藏 |
6:30 | 耶穌hō͘五千人食飽(太14:13-21;路9:10-17;約6:1-14)使徒lóng tńg來聚集tī耶穌ê面前,kā in所做kah所教示ê lóng kā祂報告。 | 註釋 串珠 康來昌 原文 典藏 |
6:31 | 因為hit時出入ê人真chē,連食飯ê時間都無。耶穌kā in講:「Án-ne, lín mā tio̍h kah我來去偏僻khah無人ê所在小歇睏一下。」 | 註釋 串珠 康來昌 原文 典藏 |
6:32 | In就閃開群眾,坐船去偏僻ê所在tòa。 | 註釋 串珠 康來昌 字典 原文 典藏 |
6:33 | 真chē人看tio̍h in離開,認出是in,to̍h tùi ta̍k个城市行陸路走進前,比in tāi先到hit所在。 | 註釋 串珠 康來昌 異文 原文 典藏 |
6:34 | 耶穌一下上岸to̍h看tio̍h kui大陣ê人,就憐憫in,因為in親像羊無牧者。祂就教示in真chē項tāichì。 | 註釋 串珠 康來昌 字典 原文 典藏 |
6:35 | 日beh落山ê時,門徒來kā耶穌講:「Chia真偏僻,時間mā真òaⁿ à, | 註釋 串珠 康來昌 原文 典藏 |
6:36 | 請kā群眾解散,hō͘ in thang去附近ê庄頭,kakī 買物件食。」 | 註釋 串珠 康來昌 原文 典藏 |
6:37 | 耶穌應講:「Lín hō͘ in食。」門徒應講:「總無阮tio̍h用兩百個銀á去買餅來hō͘ in食?」 | 註釋 串珠 康來昌 字典 原文 典藏 |
6:38 | 耶穌問in講:「Lín有gōa chē餅,去看māi lè。」In看了,to̍h講:「有五塊餅,mā有兩尾魚。」 | 註釋 串珠 康來昌 字典 原文 典藏 |
6:39 | 耶穌to̍h吩咐門徒kā群眾分組,坐tòa 青翠ê草埔。 | 註釋 串珠 康來昌 原文 典藏 |
6:40 | 群眾就分組來坐,有ê一百人,有ê五十人。 | 註釋 串珠 康來昌 原文 典藏 |
6:41 | 耶穌the̍h起hit五塊餅kah兩尾魚,ǹg天感謝了後,kā餅peh開,hō͘門徒去分hō͘群眾,mā kā hit兩尾魚分hō͘群眾。 | 註釋 串珠 康來昌 異文 字典 原文 典藏 |
6:42 | 大家lóng食kah真飽。 | 註釋 串珠 康來昌 原文 典藏 |
6:43 | 後來,門徒拾hiahê食chhun落來ê餅碎kah魚屑á,貯滿十二籃。 | 註釋 串珠 康來昌 字典 原文 典藏 |
6:44 | 食餅ê chapo͘人to̍h有五千。 | 註釋 串珠 康來昌 異文 字典 原文 典藏 |
6:45 | 耶穌tī湖ê水面行(太14:22-33;約6:15-21)耶穌隨時叫門徒緊上船,tāi先過去hit-pêng岸,到伯賽大。祂kakī 留teh,來解散群眾。 | 註釋 串珠 康來昌 異文 字典 原文 典藏 |
6:46 | 群眾離開了後,耶穌to̍h去山裡祈禱。 | 註釋 串珠 康來昌 原文 典藏 |
6:47 | 天已經暗à,船行到湖中,kantaⁿ耶穌kakī tī岸頂。 | 註釋 串珠 康來昌 異文 字典 原文 典藏 |
6:48 | 耶穌看tio̍h門徒chìⁿ風划槳真艱苦。暗時差不多四更,耶穌tùi湖ê水面行來in hia,ài beh tùi in ê邊á過去。 | 註釋 串珠 康來昌 原文 典藏 |
6:49 | 門徒看tio̍h祂行tī水面,掠做是鬼,to̍h大聲hoah。 | 註釋 串珠 康來昌 原文 典藏 |
6:50 | 因為大家lóng有看tio̍h祂,to̍h tio̍h驚。耶穌隨時kā in講:「安lín ê心,是我,m̄免驚。」 | 註釋 串珠 康來昌 原文 典藏 |
6:51 | 耶穌to̍h chiūⁿ船去kah in做伙,風to̍h恬去。門徒不止á tio̍h驚,soah gāng去。 | 註釋 串珠 康來昌 異文 字典 原文 典藏 |
6:52 | 因為in iáu未了解hit五塊餅ê神跡;in ê心真鈍。 | 註釋 串珠 康來昌 字典 原文 典藏 |
6:53 | 耶穌tī革尼撒勒醫好病人(太14:34-36)耶穌kah門徒過湖了後,來到革尼撒勒上岸,kā船拋tòa岸邊。 | 註釋 串珠 康來昌 原文 典藏 |
6:54 | In一下落船,眾人隨時認出耶穌。 | 註釋 串珠 康來昌 字典 原文 典藏 |
6:55 | 眾人tī hit地方行透透,群眾聽tio̍h耶穌tī啥物所在,to̍h用舖á扛病人去hia。 | C註釋 註釋 串珠 康來昌 字典 原文 典藏 |
6:56 | 耶穌無論入去啥物庄頭、城市、鄉村,人to̍h kā病人khǹg tòa街路,求耶穌至少hō͘ in摸祂ê衫á裾ê鬚。所有摸tio̍h ê人lóng得tio̍h醫好。 | 註釋 串珠 康來昌 字典 原文 典藏 |