章節 | 全民台語聖經漢羅經文 | 註釋 |
1:1 | 約拿違背上主上主ê話臨到A-mit-thài ê kiáⁿ約拿,講: | |
1:2 | 「你起來,去尼尼微hitê大城,出聲kā in警戒,因為in ê罪惡透到我ê面前。」 | |
1:3 | M̄ koh,約拿起來,ài走去他施,來閃避上主;落去約帕,tú tio̍h一隻船beh去他施。伊to̍hhou7伊船票錢,搭hit隻船beh kah in去他施,來閃避上主。 | |
1:4 | 總是,上主hō͘海起大風,海中風湧真大,致使船強beh破去。 | |
1:5 | 水手真驚,ta̍k人哀求伊kakī ê神明。In kā船內ê貨物hiat落海,因為beh hō͘船khah輕。獨獨約拿已經落去到船底,tī hia倒teh好睏。 | |
1:6 | 船長來到伊hia,對伊講:「你chitê好睏ê人,ná ē ánne?起來,求叫你ê上帝,kiámchhái上帝會看顧咱,hō͘咱免滅亡。」 | |
1:7 | In做伙講:「來,咱來拈鬮(liam-khau),看咱tú tio̍h chitê災禍,是因為啥人ê緣故。」 | |
1:8 | In就ánne拈鬮,就拈tio̍h約拿。In對伊講:「請你kā阮講:咱tú tio̍h chitê災禍,是因為啥人ê緣故;你做啥物事業?你tùi tó位來?你ê本所在tī tó位?你屬啥物族?」 | |
1:9 | 約拿應講:「我是希伯來人。我敬畏天頂ê上帝—上主,創造大海kah乾地ê。」 | |
1:10 | Hiahê人to̍h大驚,對伊講:「你所做ê是啥物tāichì ?」因為hiahê人知伊teh閃避上主,是伊已經kā in講à。 | |
1:11 | In kā伊講:「阮tio̍h án怎款待你,chiah ē tàng hō͘海平定?因為海湧ná來ná大。」 | |
1:12 | 約拿kā in講:「Lín kā我掠起來hiat落海,海to̍h ē平定;因為我知lín tú tio̍h chitê大風是為tio̍h我ê緣故。」 | |
1:13 | M̄ koh,hiahê人盡力划槳,ài beh óa近山;總是,in bē tàng,因為海湧ná來ná大。 | |
1:14 | 就ánne,in求叫上主講:「上主ah,阮迫切求祢,m̄ thang因為chitê人ê性命hō͘阮死亡,m̄ thang用無罪ê血歸tī阮;因為上主—祢是照kakī ê意思來行。」 | |
1:15 | Into̍h kā約拿掠起來hiat落海,海ê大湧就平定。 | |
1:16 | Hiahê人to̍h大大敬畏上主,獻祭hō͘上主,koh下願。 | |
1:17 | 上主準備大魚來吞約拿;,約拿tī魚ê腹肚內三日三暝。 |