章節 | 全民台語聖經漢羅經文 | 註釋 |
7:1 | 「我ài醫治以色列ê時,以法連ê罪過kah撒馬利亞ê罪惡就露現。因為in做tāichì虛假,內面有賊入來,外面有kui陣ê搶劫。 | |
7:2 | In心內無想講,我ē記得in所有ê pháiⁿ;taⁿ in所做ê teh kā in圍困,是tī我面前。 | |
7:3 | 宮廷內亂上主講:「In用行pháiⁿ來hō͘君王歡喜,用白賊來hō͘首領快樂。 | |
7:4 | In lóng是行姦淫ê,親像煏餅ê,起熱ê火爐,伊tùi chhiau麵到發酵ê時,chiah無koh tī火灰中ngiáu火。 | |
7:5 | 「Tī咱ê王宴樂ê日,chiahê首領因為烈酒來破病;伊kah侮慢ê人牽手。 | |
7:6 | 「In埋伏ê時chūn,親像火爐teh準備in ê心;in煏餅ê人kui暝 teh睏,到早起時,伊to̍h親像火焰焰。 | |
7:7 | 「In熱kah親像火爐,吞滅in ê士師。In ê君王lóng倒落去;in中間lóng無人求叫我。」 | |
7:8 | 以色列kah列邦上主講:「以法連kakī 參插tī列邦;以法連是無過péng ê餅。 | |
7:9 | 外邦人已經吞食伊ê能力,伊mā m̄知;頭毛已經參白,伊mā m̄知。 | |
7:10 | 以色列ê驕傲當面kā in見證,雖然tú tio̍h這一切,in猶原無歸向上主—in ê上帝,mā無走chhōe祂。 | |
7:11 | 以法連親像粉鳥戇戇無知;in求叫埃及,來見亞述。 | |
7:12 | In去ê時,我beh kā我ê網拋tī in ê頂面;我beh hō͘伊墮落,親像空中ê鳥。我beh照in ê會眾所聽tio̍h ê來kā in譴責。 | |
7:13 | 「In有災禍ah!因為in離開我去;in ētú tio̍h敗壞,因為in得罪我。我beh救贖in,in iáu koh講白賊來攻擊我。 | |
7:14 | In無用心來求叫我,是tī眠床teh大聲hoah;in為tio̍h五穀kah新酒來kakī 聚集,in lóng悖逆我。 | |
7:15 | 我教督in,hō͘ in ê手骨有力,in iáu koh圖謀pháiⁿ事來攻擊我。 | |
7:16 | In有歸向,總是,m̄是歸向至koân ·ê;in親像péng liàn-tńg ê弓。In ê首領因為舌ê放縱,ē倒tī刀下;chitê ētī埃及地成做笑柄。」 |