章節 | 全民台語聖經漢羅經文 | 註釋 |
48:1 | 各支族分配土地支族ê名照下底所記ê:tùi極北ê界,tùi Hiat-lông ê路,到哈馬出入ê所在,tī大馬士革境界Ha-chal-e-nán ǹg北近óa 哈馬 ê地,tùi東到西,但支族一份。 | |
48:2 | Óa近但族ê地界,tùi東到西,亞設支族一份。 | |
48:3 | Óa近亞設ê地界,tùi東到西,拿弗他利支族一份。 | |
48:4 | Óa近拿弗他利ê地界,tùi東到西,瑪拿西支族一份。 | |
48:5 | Óa近瑪拿西ê地界,tùi東到西,以法連支族一份。 | |
48:6 | Óa近以法連ê地界,tùi東到西,流便支族一份。 | |
48:7 | Óa近流便ê地界,tùi東到西,偤大支族一份。 | |
48:8 | 中部地區Óa近偤大ê地界,tùi東到西,是lín所獻ê地,闊二萬五千篙尺,tùi東到西,長kah hiahê份ê一个相仝,聖所tī hit中間。 | |
48:9 | Lín所獻hō͘上主ê地tio̍h長二萬五千篙尺,闊一萬。 | |
48:10 | 所獻ê聖地tio̍h歸hō͘祭司,北pêng長二萬五千,西pêng闊一萬,東pêng闊一萬,南pêng長二萬五千。上主ê聖所tī hit中央。 | |
48:11 | Tio̍h歸hō͘撒督ê kiáⁿ孫中成做聖ê祭司,to̍h是顧守我所交帶ê。當以色列人行迷路ê時,in無親像利未人行迷路ánne teh行迷路。 | |
48:12 | Chitê tio̍h歸hō͘ in,to̍h是tùi所獻ê全地中間獻hō͘ in做至聖ê,óa近利未人ê地界。 | |
48:13 | 利未人所得tio̍h ê地tio̍h長二萬五千,闊一萬,kah祭司ê地界仝款,所有lóng是長二萬五千,闊一萬。 | |
48:14 | Chitê地m̄ thang賣,m̄ thang對換,起頭熟ê物m̄ thang歸hō͘別人,因為是歸tī上主做聖ê。 | |
48:15 | 所chhun落來五千肘闊ê地,是tī hitê二萬五千肘ê頭前,tio̍h做平常ê路用,thang起城、起厝kah做郊野ê地。城tio̍h tī hit中央。 | |
48:16 | 它ê寸尺to̍h是ánne:北面四千五百,南面四千五百,東面四千五百,西面四千五百。 | |
48:17 | 城tio̍h有郊野,ǹg北兩百五十,ǹg南兩百五十,ǹg東兩百五十,ǹg西兩百五十。 | |
48:18 | 以外所chhun落來ê長kah所獻ê聖地相仝,ǹg東一萬,ǹg西一萬,koh kah所獻ê聖地相仝;其中所出產beh hō͘城內做工ê人做食物。 | |
48:19 | Tùi以色列眾支族ê中間,tī城內做工êē tī hia種作。 | |
48:20 | Lín所獻ê全地,長二萬五千,闊二萬五千。Lín所獻ê聖地kah屬tī城ê地是四角形ê。 | |
48:21 | 所獻ê聖地以及屬tī城ê地,雙pêng chhun落來ê地tio̍h歸tī君王。所獻ê地tī hit二萬五千ê頭前到東pêng ê界,koh ǹg西tī hit二萬五千ê頭前到西pêng ê界,kah hiahê份ê地相仝,lóng歸tī君王。所獻ê聖地kah殿ê聖地lóng tī hit內面。 | |
48:22 | Koh tùi利未人ê產業,tùi屬tī城ê產業,是屬君王ê ê中間,tī偤大ê界kah便雅憫ê界ê中間,lóng歸tī君王ê。 | |
48:23 | 其他支族ê土地講tio̍h其他ê支族,tùi東到西;便雅憫一份。 | |
48:24 | Óa近便雅憫ê地界,tùi東到西,西緬一份。 | |
48:25 | Óa近西緬ê地界,tùi東到西,以薩迦一份。 | |
48:26 | Óa近以薩迦ê地界,tùi東到西,西布倫一份。 | |
48:27 | Óa近西布倫ê地界,tùi東到西,迦得一份。 | |
48:28 | Óa近迦得ê地界,南pêng ǹg南,hitê地界tùi他瑪到Me-lí-bah-ka-te-sih ê水,到埃及ê溪,thàng到大海。 | |
48:29 | 這是lín tio̍h拈鬮分hō͘以色列ê支族做產業ê地,in ta̍k个所得tio̍h ê產業to̍h是ánne。這是至koân上主所講ê。 | |
48:30 | 耶路撒冷ê城門Tùi城出去ê路是照下面所記ê:tī北面照所量ê,四千五百篙尺。 | |
48:31 | 城hiahê門tio̍h照以色列支族ê名。北面有三个門:流便ê門一个,偤大ê門一个,利未ê門一个。 | |
48:32 | 東面四千五百,有三个門:約瑟ê門一个,便雅憫ê門一个,但ê門一个。 | |
48:33 | 南面四千五百,有三个門:西緬ê門一个,以薩迦ê門一个,西布倫ê門一个。 | |
48:34 | 西緬四千五百,有三个門:迦得ê門一个,亞設ê門一个,拿弗他利ê門一个。 | |
48:35 | 城四箍圍總共一萬八千。Tùi hit日以後,城ê名叫做「上主tī hia」。 |