章節 | 全民台語聖經漢羅經文 | 註釋 |
6:1 | 敵人來圍攻耶路撒冷便雅憫人,lín tio̍h走出耶路撒冷,tī提哥亞pûn哨角,tī Bia̍t-ha-ke-lém放煙火;因為有災禍kah大ê毀滅tùi北方落來。 | 註釋 串珠 字典 原文 典藏 |
6:2 | 我beh剿滅錫安ê chabó͘ gín-á,to̍h是hitê súi koh幼秀ê。 | 註釋 串珠 原文 典藏 |
6:3 | 牧者kah伊ê羊群ē到伊hia,tī伊ê四箍圍搭布棚,ta̍k个tī伊所佔ê地,hō͘羊食草。 | 註釋 串珠 字典 原文 典藏 |
6:4 | In會命令講:「Lín tio̍h準備交戰攻城;起來!咱tio̍h趁中晝ê時上去。」後來,in koh講:「慘ah!日已經斜西,beh暗ê影已經拖長。 | 註釋 串珠 原文 典藏 |
6:5 | 起來!咱tio̍h透暝上去,毀壞伊ê宮殿。 | 註釋 串珠 原文 典藏 |
6:6 | 因為萬軍ê上主ánne講:「Lín tio̍h剉樹á,起土堆,攻擊耶路撒冷。這是hitê應該受刑罰ê城,in中間全部是暴虐。 | 註釋 串珠 字典 原文 典藏 |
6:7 | 井án怎chhèng出水,chitê城mā ánne chhèng出pháiⁿ;tī in中間tiāⁿ-tiāⁿ 聽tio̍h有強暴、毀滅ê tāichì,病疼、損傷mā tiāⁿ-tiāⁿ tī我ê面前。 | 註釋 串珠 字典 原文 典藏 |
6:8 | 耶路撒冷人,lín tio̍h受教示。免得我ê心kah你疏遠,免得我hō͘你拋荒,成做無人tòa ê所在。」 | 註釋 串珠 原文 典藏 |
6:9 | 悖逆ê以色列萬軍ê上主ánne講:「敵人ē掠以色列全部所chhun落來ê人民,親像teh挽葡萄。你tio̍h親像挽葡萄ê,手koh伸入去樹枝。」 | 註釋 串珠 字典 原文 典藏 |
6:10 | 我應講:「Taⁿ我beh對啥人講話做見證hō͘ in聽?你看,in ê耳á 無受割禮,bē tàng聽。你看,上主ê話,in掠做見笑,無歡喜聽。 | 註釋 串珠 原文 典藏 |
6:11 | 因為ánne,我hō͘上主ê受氣充滿,忍bē tiâu。所以,上主講:「我beh做一下piàⁿ落去tī街路ê gín-á kah聚會ê少年人,連丈夫kah伊ê bó͘,老人kah日子滿足ê,lóngē受掠。 | 註釋 串珠 原文 典藏 |
6:12 | In ê厝宅、田園kah bó͘ lóngē變做別人ê;因為上帝會伸手攻擊tòa tī chit所在ê人民。這是上主講ê。 | 註釋 串珠 原文 典藏 |
6:13 | 因為in tùi siōng細到siōng大ê lóng一味貪心,tùi先知到祭司lóng行奸詐。 | 註釋 串珠 原文 典藏 |
6:14 | In chhìn-chhìn chhái-chhái醫治我ê人民ê傷,講:『平安à!平安à!」,其實無平安。』 | 註釋 串珠 原文 典藏 |
6:15 | In行可惡ê tāichì,kám知見笑?無,in lóng無見笑,面mā bē紅。因為ánne,inē tī跋倒ê人ê中間跋倒;我辦in ê時,in ē顛顛倒倒。這是上主講ê。」 | 註釋 串珠 原文 典藏 |
6:16 | 以色列拒絕上主ê道路上主ánne講:「Lín tio̍h khiā tī路裡看,查問舊ê路,hit條好路tī tó位,to̍h tio̍h行hit條路;ánne,lín ê心to̍h ē得tio̍h安息。」總是,in應講:「阮m̄行hit條路。」 | 註釋 串珠 字典 原文 典藏 |
6:17 | 我kā lín設守望ê人,講:「Tio̍h聽哨角ê聲。」總是,in講:「阮m̄聽。」 | 註釋 串珠 字典 原文 典藏 |
6:18 | 所以,上主講:「列國,因為ánne lín tio̍h聽!會眾,lín tio̍h知in中間有啥物事。 | 註釋 串珠 原文 典藏 |
6:19 | 地,你tio̍h聽!你看,我beh hō͘災禍臨到chiahê人民,to̍h是in圖謀ê結果;因為in m̄遵thàn我ê話,我ê律法,in mā棄絕。 | 註釋 串珠 原文 典藏 |
6:20 | Tùi示巴出ê乳香,tùi遠遠ê所在出ê菖蒲,帶來hō͘我,有啥物路用?Lín ê燒祭無得tio̍h接納;lín ê禮物,我mā無歡喜。 | 註釋 串珠 字典 原文 典藏 |
6:21 | 所以,我—上主ánne宣布:你看,我beh hē阻礙ê石tī chiahê人民ê面前。父kah kiáⁿ會做一下跋tī hit頂面;厝邊kah朋友mā lóng ē滅亡。」 | 註釋 串珠 原文 典藏 |
6:22 | 北方來ê侵略者上主ánne講:「你看,有一種人民tùi北方來,mā有一个大國興起,tùi地極來。 | 註釋 串珠 原文 典藏 |
6:23 | In gia̍h弓kah鎗,in殘忍無憐憫;in ê聲親像海hōa-hōa哮。錫安ê chabó͘ gín-á,in lóng騎馬列陣,親像戰士beh攻擊你。」 | 註釋 串珠 字典 原文 典藏 |
6:24 | 耶路撒冷人講:「阮聽tio̍h in ê風聲,手就軟落去;痛苦kā阮擒tiâu ·leh,痛疼親像teh生kiáⁿ ê chabó͘人。 | 註釋 串珠 原文 典藏 |
6:25 | Lín m̄ thang出去田裡,mā m̄ thang行tī路裡;因為tī hia有對敵ê刀劍,四箍圍有驚惶。 | 註釋 串珠 字典 原文 典藏 |
6:26 | 我ê人民,tio̍h縖麻布,kō tī火灰中。Tio̍h悲傷,親像喪失獨生kiáⁿ,痛心啼哭,因為殘殺ê會忽然來到咱中間。」 | 註釋 串珠 字典 原文 典藏 |
6:27 | 上主對耶利米講:「我設立你tī我ê人民中,做試煉ê kah城堡,hō͘你知來kā in試煉ê行為。 | 註釋 串珠 字典 原文 典藏 |
6:28 | In lóng是大悖逆ê人,四界kā人譭謗。In是銅,是鐵,lóng是行毀壞ê。 | 註釋 串珠 原文 典藏 |
6:29 | 風櫃吹火teh to̍h,鉛已經熔tī火內;in直直鍛鍊,到尾mā是空空;因為pháiⁿ ê滓iáu未除去。 | 註釋 串珠 字典 原文 典藏 |
6:30 | 人ē kā in稱做受棄sak ê銀,因為上主已經kā in棄sak。」 | 註釋 串珠 原文 典藏 |