章節 | 全民台語聖經漢羅經文 | 註釋 |
106:1 | 用仁慈對待祂ê子民Lín tio̍h oló上主!Lín tio̍h感謝上主,因為祂是好;祂ê慈愛永遠存在。 | 註釋 串珠 原文 典藏 |
106:2 | 啥人ē曉講起上主ê大權能?啥人ē tàng講出祂一切ê名聲? | 註釋 串珠 原文 典藏 |
106:3 | 見若遵守公平,tiāⁿ-tiāⁿ 行公義ê,chit種人to̍hē有福氣! | 註釋 串珠 原文 典藏 |
106:4 | 上主ah,祢用恩惠款待祢ê子民;求祢mā用這記念我,求祢hō͘救恩臨到我, | 註釋 串珠 原文 典藏 |
106:5 | hō͘我看tio̍h祢揀選ê子民ê福氣,kah祢ê國做伙歡喜快樂,kah祢ê子民做伙榮光。 | 註釋 串珠 原文 典藏 |
106:6 | 阮kah阮ê祖先仝款犯罪,阮作孽、行pháiⁿ。 | 註釋 串珠 原文 典藏 |
106:7 | 阮ê祖先tī埃及無明白祢所做ê奇事,bē記得祢豐盛ê慈愛,反tńg tī紅海行悖逆。 | 註釋 串珠 原文 典藏 |
106:8 | M̄ koh,祂為tio̍h kakī ê名kā in拯救,來顯明祂ê大權能。 | 註釋 串珠 原文 典藏 |
106:9 | Koh hoah紅海,海就乾;祂chhōa in經過深ê所在,ná親像teh經過曠野。 | 註釋 串珠 原文 典藏 |
106:10 | 祂救in脫離怨恨in ê人ê手,tùi對敵ê手中kā in救贖。 | 註釋 串珠 原文 典藏 |
106:11 | 水淹死in ê對敵,無留kah半個。 | 註釋 串珠 原文 典藏 |
106:12 | Hit時,in chiah信祂ê話,唱歌oló祂。 | 註釋 串珠 原文 典藏 |
106:13 | In真緊to̍h bē記得祂ê所做,無thèng候祂ê指示。 | 註釋 串珠 原文 典藏 |
106:14 | 反tńg tī曠野大起貪慾,tī拋荒ê所在試探上帝。 | 註釋 串珠 原文 典藏 |
106:15 | 祂kā in所求ê lóng hō͘ in,M̄ koh,hō͘ in ê神魂衰lám。 | 註釋 串珠 原文 典藏 |
106:16 | In koh tī營中怨妒摩西kah上主聖別个亞倫。 | 註釋 串珠 原文 典藏 |
106:17 | 地to̍h裂開,吞滅大坍,掩密亞比蘭hit陣人。 | 註釋 串珠 原文 典藏 |
106:18 | 有火tī hit陣人中間發起;有火焰燒滅hiahê pháiⁿ人。 | 註釋 串珠 原文 典藏 |
106:19 | In tī何烈山造牛á,仆拜in所鑄ê偶像。 | 註釋 串珠 字典 原文 典藏 |
106:20 | Án-ne,kā in ê榮光換做食草ê牛á像。 | 註釋 串珠 字典 原文 典藏 |
106:21 | In bē記得拯救in ê上帝;祂bat tī埃及對in做大tāichì, | 註釋 串珠 原文 典藏 |
106:22 | tī含ê地行奇事,tī紅海行thang驚ê tāichì。 | 註釋 串珠 原文 典藏 |
106:23 | 所以,祂講beh kā in消滅;若m̄是有祂所揀選ê摩西khiā tī祂ê面前來挽回祂ê受氣,祂早to̍h kā in滅亡à。 | 註釋 串珠 原文 典藏 |
106:24 | In koh看輕hitê好ê地,m̄信祂ê話。 | 註釋 串珠 原文 典藏 |
106:25 | In tī in布棚內發出怨恨ê話,m̄聽thàn上主ê話。 | 註釋 串珠 原文 典藏 |
106:26 | 所以,祂對in gia̍h手chiùchōa:beh hō͘ in死tī曠野, | 註釋 串珠 原文 典藏 |
106:27 | Hō͘ in ê kiáⁿ孫死tī列國ê中間,四散tī ta̍k所在。 | 註釋 串珠 原文 典藏 |
106:28 | In koh去拜毗珥ê巴力,食祭獻hō͘無活命ê神明ê祭物。 | 註釋 串珠 原文 典藏 |
106:29 | In ánne做惹起祂ê受氣,to̍h有瘟疫tī in中間流行。 | 註釋 串珠 原文 典藏 |
106:30 | Hit時,非尼哈出來為in排解,瘟疫chiah soah。 | 註釋 串珠 原文 典藏 |
106:31 | Chitê tāichì上帝kā它算做是義,世世代代,一直到永遠。 | 註釋 串珠 原文 典藏 |
106:32 | In tī米利巴ê水泉koh hō͘上主受氣,甚至摩西為tio̍h in ê緣故mā受連累; | 註釋 串珠 原文 典藏 |
106:33 | 是因為in忤逆in ê上帝,致使摩西講出躁性倉pōng ê話。 | 註釋 串珠 原文 典藏 |
106:34 | 上主kā in吩咐tio̍h剿滅hiahê人民,in無遵thàn上主, | 註釋 串珠 原文 典藏 |
106:35 | 反tńg kah外邦人混雜通婚,學in ê所做, | 註釋 串珠 原文 典藏 |
106:36 | 服事in ê偶像,結果成做害in ê陷阱。 | 註釋 串珠 字典 原文 典藏 |
106:37 | In kā in ê kiáⁿ兒做祭物,來獻hō͘鬼神, | 註釋 串珠 原文 典藏 |
106:38 | in流無罪ê人ê血,to̍h是in ê kiáⁿ兒ê血,kā in做祭物獻hō͘迦南ê偶像,hitê地to̍h hō͘血òe lahsap。 | 註釋 串珠 原文 典藏 |
106:39 | Án-ne,in hō͘ kakī ê行為òe lahsap,tī in ê所做犯tio̍h淫行。 | 註釋 串珠 原文 典藏 |
106:40 | 所以,上主對祂ê子民發出受氣,討厭祂ê產業—以色列。 | 註釋 串珠 原文 典藏 |
106:41 | 祂kā in交hō͘外邦人ê手;怨恨in ê人to̍h kā in管轄。 | 註釋 串珠 原文 典藏 |
106:42 | In ê對敵mā kā in壓制,in to̍h屈服tī對敵ê手下。 | 註釋 串珠 原文 典藏 |
106:43 | 上主真chē pái kā in拯救,m̄ koh,in tī in ê計謀中悖逆祂;因為kakī ê罪惡soah致到墮落。 | 註釋 串珠 原文 典藏 |
106:44 | 祂聽tio̍h in teh哀叫ê時,iáu koh體貼in ê危急。 | 註釋 串珠 原文 典藏 |
106:45 | 祂為tio̍h in來記念祂ê約,照祂豐盛ê慈愛回心轉意, | 註釋 串珠 原文 典藏 |
106:46 | 祂mā hō͘ in tī所有掠in ê人ê面前得tio̍h憐憫。 | 註釋 串珠 原文 典藏 |
106:47 | 上主—阮ê上帝ah,求祢拯救阮,tùi外邦中kā阮聚集;thang hō͘阮感謝祢ê聖名,掠祢ê受oló做大歡喜。 | 註釋 串珠 原文 典藏 |
106:48 | Tio̍h oló上主—以色列ê上帝,tùi永遠到永遠。願眾人lóng講:阿們!Lín tio̍h oló上主! | 註釋 串珠 原文 典藏 |