章節 | 全民台語聖經漢羅經文 | 註釋 |
105:1 | 上帝kah祂ê子民(代上16:8-22)Lín tio̍h感謝上主,求叫祂ê名,tī萬民中間宣揚祂ê作為! | 註釋 串珠 原文 典藏 |
105:2 | Tio̍h ǹg祂吟詩,ǹg祂唱歌oló!談論祂一切奇妙ê所做! | 註釋 串珠 原文 典藏 |
105:3 | Tio̍h因為祂ê聖名來誇口!走chhōe上主ê人,心內tio̍h歡喜! | 註釋 串珠 原文 典藏 |
105:4 | Tio̍h óa靠上主kah祂ê權能,tiāⁿ-tiāⁿ 走chhōe來見祂ê面。 | 註釋 串珠 原文 典藏 |
105:5 | 祂ê奴僕亞伯拉罕ê kiáⁿ孫,kah祂所揀選雅各ê kiáⁿ孫, | C註釋 註釋 串珠 原文 典藏 |
105:6 | lín tio̍h數念祂所做奇妙ê tāichì kah祂ê神跡,以及祂ê嘴所判斷ê話。 | 註釋 串珠 原文 典藏 |
105:7 | 祂是上主—咱ê上帝;全地lóng有祂ê審判。 | 註釋 串珠 原文 典藏 |
105:8 | 祂記念祂ê約一直到永遠;祂所應允ê話一直到萬世代; | 註釋 串珠 原文 典藏 |
105:9 | to̍h是kah亞伯拉罕所立ê約,對以撒所chiù ê chōa。 | 註釋 串珠 原文 典藏 |
105:10 | 祂koh kā chitê約對雅各定tio̍h做律例,對以色列定tio̍h做永遠ê約。 | 註釋 串珠 原文 典藏 |
105:11 | 祂講:我beh kā迦南地賞賜hō͘你,做你產業ê份額。 | 註釋 串珠 原文 典藏 |
105:12 | 當時in ê人丁有限,人數真少,koh tī hia是做出外人。 | 註釋 串珠 原文 典藏 |
105:13 | In tùi chit族行到hit族,tùi chit國行到hit國。 | 註釋 串珠 原文 典藏 |
105:14 | 祂無容允啥人欺負in,為tio̍h in ê緣故祂譴責hiahê君王。 | 註釋 串珠 原文 典藏 |
105:15 | 祂講:M̄-thang kha̍p tio̍h我所抹油ê,mā m̄ thang pháiⁿ款待我ê先知。 | 註釋 串珠 原文 典藏 |
105:16 | 祂命令飢荒降落tī hitê土地,kā in所óa靠ê米糧lóng斷絕。 | 註釋 串珠 字典 原文 典藏 |
105:17 | 祂tī in ê頭前差一个人先去,to̍h是約瑟受賣去做奴隸。 | 註釋 串珠 原文 典藏 |
105:18 | 人用腳鐐手銬傷伊ê腳,伊ê頷頸受鐵鏈綑縛。 | 註釋 串珠 字典 原文 典藏 |
105:19 | 上主ê話kā伊試探,一直到祂所講ê應驗。 | 註釋 串珠 原文 典藏 |
105:20 | 王差人去kā伊tháu開,to̍h是治理人民ê法老kā伊tháu放。 | 註釋 串珠 原文 典藏 |
105:21 | 王設立伊做王家ê宰相,管理伊一切所有ê財物, | 註釋 串珠 原文 典藏 |
105:22 | ē tàng隨意縛伊ê人臣,用智慧教示伊ê長老。 | 註釋 串珠 原文 典藏 |
105:23 | 以色列mā來到埃及;雅各出外去tī含ê地。 | 註釋 串珠 原文 典藏 |
105:24 | 上主hō͘伊ê人民生湠真chē,hō͘ in比對敵khah強。 | 註釋 串珠 原文 典藏 |
105:25 | 祂變換對敵ê心來怨恨祂ê子民,續用詭詐ê計謀款待祂ê奴僕。 | 註釋 串珠 原文 典藏 |
105:26 | 祂差祂ê奴僕摩西,kah祂所揀選ê亞倫。 | 註釋 串珠 原文 典藏 |
105:27 | In tī對敵ê中間行祂ê神跡,tī含ê地行奇事。 | 註釋 串珠 原文 典藏 |
105:28 | 祂命令烏暗,地to̍h有烏暗;lóng無違背祂ê話。 | 註釋 串珠 原文 典藏 |
105:29 | 祂hō͘ in ê水變成血,hō͘ in ê魚lóng死去。 | 註釋 串珠 字典 原文 典藏 |
105:30 | Tī in ê土地田蛤á生湠真chē,連王ê房間mā有。 | 註釋 串珠 字典 原文 典藏 |
105:31 | 祂一下出聲,胡蠅kui陣飛來,Koh有蝨母tī in ê境內滿四界。 | 註釋 串珠 字典 原文 典藏 |
105:32 | 祂落雹hō͘ in做雨;tī in ê土地降落焰火。 | 註釋 串珠 原文 典藏 |
105:33 | 祂mā phah倒in ê葡萄樹kah無花果樹,毀壞in境內ê樹木。 | 註釋 串珠 字典 原文 典藏 |
105:34 | 祂一下出聲,草蜢就飛來,草蜢chē kah算bē了, | 註釋 串珠 字典 原文 典藏 |
105:35 | kā in土地ê菜蔬食了了,koh食in田園所出產ê五穀。 | 註釋 串珠 原文 典藏 |
105:36 | 祂koh phah死國內所有ê大kiáⁿ,to̍h是hiahê teh beh成做in氣力ê起頭。 | 註釋 串珠 原文 典藏 |
105:37 | 祂chhōa in出來,帶銀帶金;祂ê支族中無kah一个軟弱ê人。 | 註釋 串珠 字典 原文 典藏 |
105:38 | In出來ê時,埃及人大歡喜,因為埃及人bat為tio̍h in來驚。 | 註釋 串珠 原文 典藏 |
105:39 | 祂起雲hō͘ in做布帆,暗時用火kā in照光。 | 註釋 串珠 原文 典藏 |
105:40 | In一下懇求,祂to̍h hō͘鵪鶉飛來,koh tùi天降落餅hō͘ in飽足。 | 註釋 串珠 字典 原文 典藏 |
105:41 | 祂phah開石磐,水to̍h chhèng出來;tī乾地水流親像河。 | 註釋 串珠 原文 典藏 |
105:42 | 因為祂記念祂神聖ê應允,mā記念祂ê奴僕—亞伯拉罕。 | 註釋 串珠 原文 典藏 |
105:43 | 祂chhōa祂ê子民歡歡喜喜出來,chhōa祂揀選ê子民唱歡喜ê歌出來。 | 註釋 串珠 原文 典藏 |
105:44 | 祂kā列國ê地賞賜hō͘ in,in to̍h承接hiahê人民勞苦所得tio̍h ê產業; | 註釋 串珠 原文 典藏 |
105:45 | 伊beh hō͘ in遵thàn祂ê律例,遵守祂ê法度。Lín tio̍h oló上主! | 註釋 串珠 原文 典藏 |