章節 | 全民台語聖經漢羅經文 | 註釋 |
80:1 | 為復國祈禱(亞撒ê詩,交hō͘樂官;調用「做見證ê百合花。」)Chhōa約瑟親像teh chhōa羊群ê以色列ê牧者ah,求祢àⁿ耳孔聽;坐tī ki-lō͘-peng ê頂面ê主ah,求祢發出祢ê光。 | 註釋 串珠 字典 原文 典藏 |
80:2 | Tī以法連、便雅憫kah瑪拿西ê面前,求祢施展祢ê權能來救阮。 | 註釋 串珠 字典 原文 典藏 |
80:3 | 上帝ah,求祢hō͘阮倒tńg來,hō͘祢ê面發出光,阮to̍h ē得救。 | 註釋 串珠 原文 典藏 |
80:4 | 萬軍ê上帝—上主ah,祢對祢子民ê祈禱發出受氣ē koh gōa久? | 註釋 串珠 原文 典藏 |
80:5 | 祢用目屎做食物hō͘ in食,koh用真chē目屎hō͘ in lim。 | 註釋 串珠 原文 典藏 |
80:6 | 祢hō͘隔壁國因為阮來相爭,阮ê對敵做伙teh笑阮。 | 註釋 串珠 字典 原文 典藏 |
80:7 | 萬軍ê上帝ah,求祢hō͘阮倒tńg來,hō͘祢ê面發出光,阮to̍h得救。 | 註釋 串珠 原文 典藏 |
80:8 | 祢tùi埃及徙出一欉葡萄樹,趕出列邦來kā它栽種。 | 註釋 串珠 原文 典藏 |
80:9 | 祢tī它ê頭前piàⁿ空土地,它ê根釘深,to̍h生湠滿地。 | 註釋 串珠 字典 原文 典藏 |
80:10 | 它ê影遮密chiahê山,它ê枝親像真好ê柏香樹。 | 註釋 串珠 原文 典藏 |
80:11 | 它發出它ê枝,伸到大海,它ê籐湠到大河。 | 註釋 串珠 字典 原文 典藏 |
80:12 | 祢ná ē拆毀它ê籬笆,chhut-chāi所有過路ê人來挽? | 註釋 串珠 原文 典藏 |
80:13 | 樹林內出來ê山豬kā它蹧躂;曠野ê走獸來kā它食。 | 註釋 串珠 字典 原文 典藏 |
80:14 | 萬軍ê上帝ah,求祢倒tńg來!求祢tùi天àⁿ落來看,照顧chit欉葡萄樹, | 註釋 串珠 字典 原文 典藏 |
80:15 | 保護祢正手所栽ê樹,kah祢為kakī 所堅固ê枝。 | 註釋 串珠 字典 原文 典藏 |
80:16 | 葡萄樹已經受火燒,受刀剉;求祢對in發受氣,in to̍h滅亡。 | 註釋 串珠 原文 典藏 |
80:17 | 願祢ê手hōaⁿ tī祢正pêng ê人,to̍h是祢為kakī 所堅固ê人子。 | 註釋 串珠 原文 典藏 |
80:18 | Án-ne,阮to̍h無倒退離開祢;求祢hō͘阮得tio̍h活,阮to̍h beh求叫祢ê名。 | 註釋 串珠 原文 典藏 |
80:19 | 萬軍ê上帝—上主ah,求祢hō͘阮倒tńg來,hō͘祢ê面發出光,阮to̍h得救! | 註釋 串珠 原文 典藏 |