| 章節 | 全民台語聖經漢羅經文 | 註釋 |
| 38:1 | 上帝回答約伯Hit時，上帝tùi大風ê中間應約伯講： | 註釋 串珠 原文 典藏 |
| 38:2 | Taⁿ一个用無知ê話hō͘所議論ê無明，伊是啥人？ | 註釋 串珠 原文 典藏 |
| 38:3 | 你tio̍h縖腰親像大丈夫，我問你，你應我。 | 註釋 串珠 原文 典藏 |
| 38:4 | 我hē地ê地基，hit時你tī tó位？你若知影to̍h講出來。 | 註釋 串珠 原文 典藏 |
| 38:5 | 啥人定tio̍h它ê寸尺，啥人牽繩索tī它ê頂面，你kám知？ | 註釋 串珠 字典 原文 典藏 |
| 38:6 | 它ê地基chhāi tī啥物ê頂面？Á是它角頭ê石是啥人安置？ | 註釋 串珠 字典 原文 典藏 |
| 38:7 | Hit當時，天光早起ê星做伙唱歌；上帝ê眾kiáⁿ兒mā lóng出歡喜ê聲。 | 註釋 串珠 原文 典藏 |
| 38:8 | 大海沖出，親像tùi胎裡出來，hit時，啥人ē tàng用門kā它關起來？ | 註釋 串珠 原文 典藏 |
| 38:9 | Hit時，我用雲做它ê衫，用烏暗做布kā它包起來； | 註釋 串珠 字典 原文 典藏 |
| 38:10 | Kā它定tio̍h我所立ê界限，koh kā它設門閂kah門。 | 註釋 串珠 字典 原文 典藏 |
| 38:11 | koh講：你thang到chia，m̄ thang pôaⁿ過，你驕傲ê湧到chia為止。 | 註釋 串珠 原文 典藏 |
| 38:12 | Tùi你出世ê日以來，你bat命令早起時，hō͘天光早起知它ê所在； | 註釋 串珠 原文 典藏 |
| 38:13 | 你kám有法度hō͘光khiú地ê四極，thang kā pháiⁿ人趕出去？ | 註釋 串珠 原文 典藏 |
| 38:14 | 地面就ánne變換親像蓋印ê土，萬物顯現親像衫褲ê彩色。 | 註釋 串珠 字典 原文 典藏 |
| 38:15 | Pháiⁿ人所算做in ê光，taⁿ tùi in收倒tńg來，gia̍h koân ê手ē受at斷。 | 註釋 串珠 原文 典藏 |
| 38:16 | 你kám bat入去海ê水源？Á是bat行tī深淵祕密ê所在？ | 註釋 串珠 原文 典藏 |
| 38:17 | 死亡ê門有kā你開？死蔭ê門你kám bat看tio̍h？ | 註釋 串珠 原文 典藏 |
| 38:18 | 地ê闊大，你kám看有透？你若全部lóng知，做你講出來。 | 註釋 串珠 原文 典藏 |
| 38:19 | 光明tòa ê所在，hit條路tùi tó位去？烏暗ê所在tī tó位， | 註釋 串珠 字典 原文 典藏 |
| 38:20 | 你kám知án怎chhōa它tńg去它ê境界？你kám ē知影透到它ê厝ê路？ | 註釋 串珠 字典 原文 典藏 |
| 38:21 | 你知lah，因為hit時你已經出世，你ê年歲mā已經chē。 | 註釋 串珠 原文 典藏 |
| 38:22 | 你bat入去雪ê庫房，á是看tio̍h雹ê金庫， | 註釋 串珠 字典 原文 典藏 |
| 38:23 | Kám to̍h是我所收藏來thèng候患難ê期，thèng候相thâi交戰ê日？ | 註釋 串珠 原文 典藏 |
| 38:24 | 光tùi啥物路分開？東風tùi啥物路四界吹tī地chiūⁿ？ | 註釋 串珠 字典 原文 典藏 |
| 38:25 | 啥人kā大雨水開路；á是準備雷電ê路？ | 註釋 串珠 字典 原文 典藏 |
| 38:26 | 啥人落雨tī無人ê地，tī無人tòa ê曠野？ | 註釋 串珠 原文 典藏 |
| 38:27 | 啥人hō͘拋荒ê地得tio̍h夠額ê水，hō͘青草發起來？ | 註釋 串珠 原文 典藏 |
| 38:28 | 雨水kám有老父？露水一點一滴是啥人生ê？ | 註釋 串珠 原文 典藏 |
| 38:29 | 冰tùi啥物ê胎出來？天ê霜是啥人生ê？ | 註釋 串珠 原文 典藏 |
| 38:30 | Chiahê水結冰親像石頭，深淵ê面結kui塊。 | 註釋 串珠 原文 典藏 |
| 38:31 | 昴星kui簇，kám是你縛ê？參星ê帶kám是你tháu開ê？ | 註釋 串珠 字典 原文 典藏 |
| 38:32 | 你kám有法度hō͘十二宮照它ê時候出來？Koh引chhōa北斗星kah它所屬ê星？ | 註釋 串珠 原文 典藏 |
| 38:33 | 你kám知天ê定例？Á是設伊ê權來管轄地？ | 註釋 串珠 原文 典藏 |
| 38:34 | 你kámē出聲叫雲，hō͘雨水真chē遮蓋你？ | 註釋 串珠 原文 典藏 |
| 38:35 | 你kám ē發出sihnà，in to̍h去，koh對你講：阮tī chia。 | 註釋 串珠 原文 典藏 |
| 38:36 | 啥人kā智慧hē tī心懷？啥人賞賜聰明tī心內？ | 註釋 串珠 字典 原文 典藏 |
| 38:37 | 啥人ē用智慧算雲ê數額？啥人ēpiàⁿ天ê盆？ | 註釋 串珠 字典 原文 典藏 |
| 38:38 | Hit時，塵埃成做土糜，土kám就結kui團？ | 註釋 串珠 原文 典藏 |
| 38:39 | 你kám有kā母獅la̍k tio̍h食物，hō͘獅á豚 thang食飽？ | 註釋 串珠 字典 原文 典藏 |
| 38:40 | to̍h是牠tī穴內撐腳，tī隱密ê所在bih ·leh ê時。 | 註釋 串珠 字典 原文 典藏 |
| 38:41 | 烏鴉kiáⁿ ǹg上帝哀求；無thang食飛來飛去ê時，啥人為烏鴉準備食物？ | 註釋 串珠 字典 原文 典藏 |