| 章節 | 全民台語聖經漢羅經文 | 註釋 |
| 3:1 | 哈曼圖謀滅偤大人Chiahê tāichì以後，亞哈隨魯王舉起亞甲族哈米大他ê kiáⁿ哈曼，kā伊高升，hō͘伊ê位比所有同僚ê人臣khah koân。 | 註釋 串珠 字典 原文 典藏 |
| 3:2 | 王ê人臣tiàm tī王宮門內ê人lóng跪teh拜哈曼，因為王mā bat命令tio̍h ánne kā伊款待；獨獨末底改m̄跪、m̄拜。 | 註釋 串珠 字典 原文 典藏 |
| 3:3 | Hit時，tiàm tī王宮門內ê王ê人臣kā末底改講：「你ná ē違背王ê命令？」 | 註釋 串珠 字典 原文 典藏 |
| 3:4 | In ta̍k日ánne kā伊講，伊mā m̄聽話，in to̍hka7哈曼講，beh看末底改ê tāichì khiāē tiâu á-bē，因為末底改有kā in講伊是偤大人。 | 註釋 串珠 原文 典藏 |
| 3:5 | 哈曼看tio̍h末底改m̄跪，m̄ kā伊拜，哈曼to̍h滿腹受氣。 | 註釋 串珠 原文 典藏 |
| 3:6 | In已經用末底改ê本族kā哈曼講；哈曼掠做下手害末底改一个人是小khóa tāichì，就計謀beh滅亞哈隨魯全國ê偤大人，to̍h是末底改ê本族。 | 註釋 串珠 原文 典藏 |
| 3:7 | 當亞哈隨魯王第十二年正月，to̍h是Ni-san月，人tī哈曼 ê面前，kā hiahê日日月月來博普珥，to̍h是抽籤，博tio̍h十二月，to̍h是亞達月。 | 註釋 串珠 字典 原文 典藏 |
| 3:8 | 哈曼對亞哈隨魯王講：「有一族ê人民，散開tī你ê國ta̍k省ê人民中間，in ê律例kah萬民ê律例khah無仝，in mā無守王ê律例，所以，若容允in，對王實在不利。 | 註釋 串珠 原文 典藏 |
| 3:9 | 王若掠做是好，tio̍h出命令來kā in消滅；我to̍h用銀一萬他連得交tī管理chitê tāichì ê人ê手，thang收入去王ê庫房。」 | 註釋 串珠 字典 原文 典藏 |
| 3:10 | 王就剝伊kakī ê手指hō͘偤大人ê對敵，to̍h是亞甲族哈米大他ê kiáⁿ哈曼。 | 註釋 串珠 字典 原文 典藏 |
| 3:11 | 王kā哈曼講：「Chitê銀hō͘你，hitê人民mā hō͘你，照你所看做是好ê kā in處置。 | 註釋 串珠 字典 原文 典藏 |
| 3:12 | 正月十三，哈曼就召王ê書記來，照哈曼一切所命令ê行文hō͘王ê人臣kah ta̍k省ê總督，以及人民ê首領，到ta̍k省照in ê文字，到人民照in ê腔口，用亞哈隨魯王ê名寫詔文，koh用王ê手指蓋印。 | 註釋 串珠 字典 原文 典藏 |
| 3:13 | Hitê詔文是tùi王ê走文書ê傳到王ê ta̍k省，命令kā偤大人，tùi少年到老，嬰á kah chabó͘人，tī亞達月ê一日內，to̍h是十二月十三，全部kā伊滅掉，kā伊thâi死，hō͘伊死亡，koh搶in ê財物來做戰利品。 | 註釋 串珠 字典 原文 典藏 |
| 3:14 | Hitê諭旨ê稿，抄來寄hō͘ ta̍k省，對眾人宣布，hō͘ in預備thèng候hit日。 | 註釋 串珠 原文 典藏 |
| 3:15 | 走文書ê遵thàn王ê命令，趕緊出發，chitê諭旨tī書珊宮傳出。王kah哈曼坐teh lim酒，總是，書珊城起大紛亂。 | 註釋 串珠 原文 典藏 |