章節 | 全民台語聖經漢羅經文 | 註釋 |
4:1 | 聖殿ê器具(王上7:23-51)伊koh造一座銅壇,長二十肘,闊二十肘,高十肘。 | 註釋 串珠 字典 原文 典藏 |
4:2 | Koh鑄一个銅海,款式是圓ê,koân五肘,tùi chit pêng到hit-pêng ê距離十肘,圓環三十肘。 | C註釋 註釋 串珠 字典 原文 典藏 |
4:3 | 它ê下面有瓠á ê款圍teh,每肘十粒,來圍hitê銅海,瓠á有兩chōa,鑄銅海ê時順續鑄ê。 | 註釋 串珠 字典 原文 典藏 |
4:4 | 銅海掛tī十二隻銅牛ê頂面,三隻ǹg北,三隻ǹg西,三隻ǹg南,三隻ǹg東;銅海hē tī牛ê頂面,牛尾ǹg內面。 | 註釋 串珠 字典 原文 典藏 |
4:5 | 銅海厚一巴掌,它ê墘親像杯á ê墘,ná親像百合花ê款式,thang貯三千罷特。 | 註釋 串珠 字典 原文 典藏 |
4:6 | Koh造十個盆,hē五個tī正pêng,五個tī倒pêng,thang tī hit內面洗獻燒祭所用ê物;獨獨銅海是hō͘祭司thang洗。 | 註釋 串珠 字典 原文 典藏 |
4:7 | Koh照in ê體式造十個金ê燈台,hē tī殿內,五個tī正pêng,五個tī倒pêng。 | 註釋 串珠 字典 原文 典藏 |
4:8 | Koh造十塊桌hē tī殿內,五塊tī正pêng,五塊tī倒pêng,koh創一百塊金碗; | 註釋 串珠 字典 原文 典藏 |
4:9 | Koh起造祭司ê院kah大院,以及院門,用銅安裝hiahê門。 | 註釋 串珠 字典 原文 典藏 |
4:10 | 用銅海hē tī殿ê正pêng,to̍h是東南pêng。 | 註釋 串珠 字典 原文 典藏 |
4:11 | 希南koh造盤、托á kah碗。Án-ne,希南為所羅門王tī上帝ê殿所做ê工lóng完成。 | 註釋 串珠 字典 原文 典藏 |
4:12 | to̍h是兩支柱kah hiahê盤,kah柱頂兩 个柱斗,kah蓋柱頂兩 个柱斗ê盤ê網, | 註釋 串珠 字典 原文 典藏 |
4:13 | koh有石榴四百粒,安置tī兩 个網;每ê網有石榴兩chōa,蓋tī柱頂兩 个柱斗ê盤。 | 註釋 串珠 字典 原文 典藏 |
4:14 | Koh造hiahê座kah座頂ê盆, | 註釋 串珠 字典 原文 典藏 |
4:15 | 銅海一个kah它下面ê牛十二隻。 | 註釋 串珠 字典 原文 典藏 |
4:16 | 伊ê老父希南用光iāⁿ-iāⁿ ê銅,kā所羅門王為上主ê殿做盤、托á、肉叉kah ta̍k種ê器具。 | 註釋 串珠 字典 原文 典藏 |
4:17 | 王tī約旦河ê平原,疏割kah Cha-le-thàn ê中間,tī黏土ê地鑄成ê。 | 註釋 串珠 原文 典藏 |
4:18 | Án-ne,所羅門做hiahê一切ê器具真chē,銅ê輕重bē tàng算。 | 註釋 串珠 原文 典藏 |
4:19 | 所羅門mā造上主殿內所有ê器具kah金ê壇,kah排列餅hiahê桌, | 註釋 串珠 字典 原文 典藏 |
4:20 | 以及純金ê燈台kah它ê燈,thang照例點tī後殿ê頭前。 | 註釋 串珠 字典 原文 典藏 |
4:21 | 它ê花、它ê燈kah鉗lóng是金ê,koh是足成ê金; | 註釋 串珠 字典 原文 典藏 |
4:22 | koh用純金做剪刀、盤、匙kah火鼎。講tio̍h厝ê門路,伊ê內面ê至聖所ê門kah厝ê門,to̍h是殿ê門,lóng是金ê。 | 註釋 串珠 字典 原文 典藏 |