章節 | 全民台語聖經漢羅經文 | 註釋 |
29:1 | 為tio̍h起聖殿來獻ê禮物大衛王對會眾講:「我ê kiáⁿ所羅門是上主特別揀選ê,iáu koh少年幼chíⁿ;chitê工程真大,因為chitê殿m̄是為tio̍h人,to̍h是為tio̍h上主—上帝起ê。 | 註釋 串珠 字典 原文 典藏 |
29:2 | 我為tio̍h我ê上帝ê殿,已經盡氣力,準備金做金器,準備銀做銀器,銅做銅器,鐵做鐵器,柴做柴器,koh有紅瑪瑙,kah thang鑲ê寶石、光石,彩色ê石,以及ta̍k種ê寶石kah大理石極chē。 | 註釋 串珠 原文 典藏 |
29:3 | 因為我欣慕我ê上帝ê殿,to̍h tī準備起聖殿ê材料以外,koh用我本身所積聚ê金銀,獻tī我ê上帝ê厝, | 註釋 串珠 字典 原文 典藏 |
29:4 | to̍h是俄斐ê金三千他連得,鍛鍊ê銀七千他連得,來安裝 chiahê厝ê牆。 | 註釋 串珠 字典 原文 典藏 |
29:5 | 金做金器,銀做銀器,kah師傅ê手所做chiahê工。今á日有啥人歡喜kā本身獻hō͘上主?」 | 註釋 串珠 原文 典藏 |
29:6 | 就ánne,眾族長kah以色列ta̍k支族ê首領、營長、連長,以及監督hiahê kā王做工ê,lóng歡喜來獻。 | 註釋 串珠 原文 典藏 |
29:7 | In為tio̍h上主殿ê路用,獻金五千他連得kah一萬達利克,銀一萬他連得,銅一萬八千他連得,鐵十萬他連得。 | 註釋 串珠 字典 原文 典藏 |
29:8 | 見若有寶石ê lóng交帶革順人耶悅ê手,送入去上主殿ê金庫。 | 註釋 串珠 字典 原文 典藏 |
29:9 | 因為in甘心獻,人民lóng歡喜,因為in盡心獻hō͘上主,大衛王mā大歡喜到極。 | 註釋 串珠 原文 典藏 |
29:10 | 大衛O-ló上主所以,大衛tī會眾ê面前oló上主,大衛講:「上主—阮ê祖先以色列ê上帝,是應該oló ê,tùi永遠到永遠! | 註釋 串珠 原文 典藏 |
29:11 | 上主ah,尊大、能力、榮光、得勝kah威嚴lóng是祢ê;所有tī天頂地下ê lóng是祢ê。上主ah,國mā是祢ê,祢是至koân,做萬有ê頭。 | 註釋 串珠 原文 典藏 |
29:12 | 好額kah尊貴lóng是tùi祢來,祢mā掌管萬有。Tī祢ê手有大權能kah大氣力,hō͘人尊大,hō͘群眾大氣力,lóng出tī祢ê手。 | 註釋 串珠 原文 典藏 |
29:13 | 阮ê上帝ah,taⁿ阮感謝祢,oló祢榮光ê名! | 註釋 串珠 原文 典藏 |
29:14 | 「我是啥物,我ê人民是啥物,阮竟然ē ánne歡喜奉獻?因為萬物lóng是tùi祢來,阮用祢ê物獻hō͘祢。 | 註釋 串珠 原文 典藏 |
29:15 | 阮tī祢ê面前是出外人,kah阮ê祖先仝款是寄腳ê。阮tī世間ê日子親像影,無thang ǹg望久長tī ·leh。 | 註釋 串珠 原文 典藏 |
29:16 | 上主—阮ê上帝ah,阮準備chiahê真chē材料,beh為tio̍h祢ê聖名起祢ê殿,lóng是tùi祢來ê,mā lóng是祢ê。 | 註釋 串珠 原文 典藏 |
29:17 | 我ê上帝ah,我知祢鑒察人ê心,歡喜正直;講tio̍h我,我用正直ê心歡喜獻這一切ê物。Taⁿ我看tio̍h祢ê子民tī chia,lóng歡喜獻hō͘祢,我to̍h歡喜。 | 註釋 串珠 原文 典藏 |
29:18 | 上主—阮祖先亞伯拉罕、以撒、以色列ê上帝ah,求祢hō͘祢ê子民tiāⁿ-tiāⁿ 存chit款ê心思念頭,準備in ê心來歸向祢, | 註釋 串珠 原文 典藏 |
29:19 | koh求祢賞賜我ê kiáⁿ所羅門有誠實ê心,來守祢ê命令、法度kah律例,做成chiahê所有ê tāichì,用我所準備ê來起殿。」 | 註釋 串珠 字典 原文 典藏 |
29:20 | 大衛對chiahê ē眾講:「Lín tio̍h oló上主—lín ê上帝。」就ánne,會眾oló上主—in祖先ê上帝,àⁿ頭拜上主kah王。 | 註釋 串珠 原文 典藏 |
29:21 | 隔tńg工,in獻祭hō͘上主,koh獻燒祭hō͘上主,to̍h是獻公ê牛一千隻,公ê綿羊一千隻,羊á一千隻kah它ê灌奠,koh為以色列ê群眾獻真chē祭物。Hit日,in tī上主ê面前lim食大大歡喜。 | 註釋 串珠 字典 原文 典藏 |
29:22 | In第二pái設立大衛ê kiáⁿ所羅門做王,為上主用油kā伊抹,hō͘伊做君王,mā用油抹撒督做祭司。 | 註釋 串珠 原文 典藏 |
29:23 | 就ánne,所羅門坐tī上主所賞賜ê位,續接伊ê老父大衛做王,ta̍k項tāichì lóng興通,以色列人民mā lóng遵thàn伊。 | 註釋 串珠 字典 原文 典藏 |
29:24 | 眾首領、勇士kah大衛王ê眾kiáⁿ,lóng順服所羅門王。 | 註釋 串珠 原文 典藏 |
29:25 | 上主hō͘所羅門tī以色列人民ê面前,非常尊大,hō͘伊做國王ê威風,贏過以色列以前ê王。 | 註釋 串珠 原文 典藏 |
29:26 | 大衛統治ê記載耶西ê kiáⁿ大衛做以色列人民ê王, | 註釋 串珠 原文 典藏 |
29:27 | 伊做以色列王,經過四十年,to̍h是tī希伯崙做王七年,tī耶路撒冷做王三十三年。 | 註釋 串珠 原文 典藏 |
29:28 | 伊食長歲壽,年歲、好額kah榮光lóng滿足就過身。伊ê kiáⁿ所羅門續接伊做王。 | 註釋 串珠 原文 典藏 |
29:29 | 大衛王tùi頭到尾ê tāichì,lóng記tī先見撒母耳kah拿單先知ê冊,以及先見迦得ê冊。 | 註釋 串珠 原文 典藏 |
29:30 | Hiahê冊mā記載伊治理國政ê tāichì,kah伊ê大權能,以及伊kah以色列,kah四箍圍ê列國,所經過ê時事。 | 註釋 串珠 原文 典藏 |