章節 | 全民台語聖經漢羅經文 | 註釋 |
37:1 | 約瑟kah伊ê兄弟雅各tòa迦南地,to̍h是伊ê老父寄腳ê所在。 | 註釋 串珠 康來昌 原文 典藏 |
37:2 | 雅各ê世系記tī下底:約瑟十七歲,kah伊hiahê阿兄做伙顧羊。伊是一个gín-á,kah伊ê老父ê細姨辟拉ê kiáⁿ悉帕ê kiáⁿ,tiāⁿ-tiāⁿ 做陣。約瑟kā伊hiahê阿兄ê pháiⁿ品行kā in老父講。 | 註釋 串珠 康來昌 字典 原文 典藏 |
37:3 | Taⁿ以色列疼約瑟khah贏過疼伊其他ê眾kiáⁿ,因為約瑟是伊年老ê時生ê。伊kā約瑟做一領彩色ê衫。 | 註釋 串珠 康來昌 字典 原文 典藏 |
37:4 | 約瑟hiahê阿兄看tio̍h老父khah疼約瑟,就怨恨約瑟,m̄ kah伊講和睦ê話。 | 註釋 串珠 康來昌 原文 典藏 |
37:5 | 約瑟夢見一个夢,kā伊hiahê阿兄講,in to̍hkoh khah怨恨伊。 | 註釋 串珠 康來昌 原文 典藏 |
37:6 | 約瑟對in講:「請lín聽我所夢見ê夢: | 註釋 串珠 康來昌 原文 典藏 |
37:7 | 咱tī園裡縖五穀,我所縖ê會khiā起來,lín所縖ê就圍óa來拜我所縖ê。」 | 註釋 串珠 康來昌 字典 原文 典藏 |
37:8 | 伊ê阿兄應講:「Kám講你真正beh做阮ê王?真正beh kā阮管轄?」Into̍h為tio̍h伊ê夢kah伊ê話,koh khah怨恨伊。 | 註釋 串珠 康來昌 原文 典藏 |
37:9 | 後來,伊koh夢見一个夢,mā kā伊ê阿兄講:「你看,我又koh夢見一个夢:有日、月kah十一粒星teh拜我。」 | 註釋 串珠 康來昌 原文 典藏 |
37:10 | 約瑟kā伊ê老父kah伊ê阿兄講,in老父to̍h kā伊責備,講:「你所夢見chitê夢是啥物夢?Kám講我kah lín老母、lín兄弟,lóng tio̍h仆teh kā你拜?」 | 註釋 串珠 康來昌 原文 典藏 |
37:11 | 約瑟ê阿兄lóng怨妒伊,伊ê老父kā chiahê話記tī心內。 | 註釋 串珠 康來昌 原文 典藏 |
37:12 | 約瑟Hông賣去埃及約瑟ê阿兄去示劍,飼老父ê羊。 | 註釋 串珠 康來昌 字典 原文 典藏 |
37:13 | 以色列對約瑟講:「Lín阿兄kám m̄是tī示劍teh飼羊?你來,我beh差你去in hia。」約瑟應講:「我tī chia。」 | 註釋 串珠 康來昌 原文 典藏 |
37:14 | 以色列kā伊講:「你去看lín阿兄有平安á無,羊群有平安á無,然後tńg來kā我講。」以色列to̍h差伊出希伯崙ê山谷。約瑟to̍h去到示劍, | 註釋 串珠 康來昌 字典 原文 典藏 |
37:15 | 有人tn̄g tio̍h伊tī山裡迷路,to̍h問伊講:「你teh chhōe啥物?」 | 註釋 串珠 康來昌 原文 典藏 |
37:16 | 伊講:「我teh chhōe我ê阿兄,請kā我講,in tī tó位teh飼羊?」 | 註釋 串珠 康來昌 原文 典藏 |
37:17 | Hitê人講:「In已經離開chia,因為我聽tio̍h in teh講:咱來去To-than。」約瑟to̍h去jiok伊ê阿兄,tī To-than tú tio̍h in。 | 註釋 串珠 康來昌 原文 典藏 |
37:18 | In遠遠看tio̍h約瑟。伊iáu未行到in hia,in to̍h做伙計謀beh kā伊害死。 | 註釋 串珠 康來昌 原文 典藏 |
37:19 | In大家做伙講:「你看,做夢ê來à。 | 註釋 串珠 康來昌 原文 典藏 |
37:20 | 來,taⁿ咱來kā伊thâi死,hiat tī一口乾井,然後chiah來講伊是hō͘野獸食去。咱chiah來看伊ê夢將來ē變án怎?」 | 註釋 串珠 康來昌 字典 原文 典藏 |
37:21 | 流便聽tio̍h,to̍h想beh救伊脫離in ê手,講:「咱m̄ thang害死伊ê性命。」 | 註釋 串珠 康來昌 原文 典藏 |
37:22 | 流便koh對in講:「M̄-thang hō͘伊流血。Kā伊hiat落去chitê曠野ê乾井,m̄ thang下手kā伊害死。」伊ê意思是beh救約瑟脫離in ê手,hō͘伊ē tàng tńg去伊ê老父hia。 | 註釋 串珠 康來昌 字典 原文 典藏 |
37:23 | 約瑟來到伊ê阿兄hia,hit時in to̍hthng3約瑟ê外衫,to̍h是伊身軀hit領彩色ê衫。 | 註釋 串珠 康來昌 字典 原文 典藏 |
37:24 | Into̍h kā伊掠起來,hiat落去井裡;hit口井是乾ê,內面無水。 | 註釋 串珠 康來昌 字典 原文 典藏 |
37:25 | In坐teh食餅,gia̍h頭看,看tio̍h一陣以實瑪利人tùi基列來,用駱駝載芳料、乳香、沒藥,beh帶落去埃及。 | 註釋 串珠 康來昌 字典 原文 典藏 |
37:26 | 偤大對chiahê兄弟講:「咱thâi死咱ê小弟,隱密伊ê血,有啥物利益? | 註釋 串珠 康來昌 原文 典藏 |
37:27 | 咱來kā伊賣hō͘以實瑪利人,m̄ thang下手kā伊害死,因為伊是咱ê小弟,咱ê骨肉。」兄弟聽偤大ê話。 | 註釋 串珠 康來昌 原文 典藏 |
37:28 | 有一kóa米甸ê senglí人tùi hia過,伊ê阿兄to̍h kā約瑟tùi井內giú起來,kā伊賣hō͘以實瑪利人,得tio̍h二十個銀á。Hiahê人to̍h帶約瑟去埃及。 | 註釋 串珠 康來昌 字典 原文 典藏 |
37:29 | 流便倒tńg來井邊,看tio̍h約瑟無tī井內,to̍h拆裂kakī ê衫,非常悲傷。 | 註釋 串珠 康來昌 字典 原文 典藏 |
37:30 | 伊倒tńg去伊ê兄弟hia,講:「Gín-á無去à,taⁿ我beh tó位去?」 | 註釋 串珠 康來昌 原文 典藏 |
37:31 | In就thâi一隻山羊káng,kā約瑟hit領衫ùn血, | 註釋 串珠 康來昌 字典 原文 典藏 |
37:32 | to̍h差人the̍h hit領彩色ê衫去in老父hia,講:「阮chhōe tio̍h chit領衫,請你認看是你ê kiáⁿ ê外衫á m̄是?」 | 註釋 串珠 康來昌 字典 原文 典藏 |
37:33 | 伊ē認得,to̍h講:「這是我ê kiáⁿ ê外衫,有野獸kā伊吞食,約瑟一定是hō͘牠拆碎à。」 | 註釋 串珠 康來昌 字典 原文 典藏 |
37:34 | 雅各to̍h拆裂衫,腰縖麻布,為伊ê kiáⁿ哀傷真chē工。 | 註釋 串珠 康來昌 字典 原文 典藏 |
37:35 | 伊ê kiáⁿ kah伊ê chabó͘ kiáⁿ lóng起來kā伊安慰。伊m̄肯受安慰,講:「我一定beh哀傷落陰府,到我ê kiáⁿ hia。」約瑟ê老父為tio̍h伊啼哭。 | 註釋 串珠 康來昌 原文 典藏 |
37:36 | 米甸人帶約瑟來到埃及,kā伊賣hō͘法老ê人臣,to̍h是侍衛長Pho-thê-hoal。 | 註釋 串珠 康來昌 原文 典藏 |