章節 | 全民台語聖經漢羅經文 | 註釋 |
16:1 | In扛上帝ê約櫃,hē tī大衛kā它搭ê布棚內,mā獻燒祭kah平安祭tī上帝ê面前。 | 註釋 串珠 字典 原文 典藏 |
16:2 | 大衛獻燒祭kah平安祭了後,to̍h用上主ê名kā人民祝福。 | 註釋 串珠 原文 典藏 |
16:3 | Koh分hō͘以色列ê群眾,無論男女,ta̍k人hō͘ in一塊餅,一塊肉kah一塊葡萄餅。 | 註釋 串珠 字典 原文 典藏 |
16:4 | 大衛派幾nā个利未人tī上主ê約櫃前服事,來記念感謝,oló上主—以色列ê上帝。 | 註釋 串珠 字典 原文 典藏 |
16:5 | 做頭ê是亞撒,第二个是撒迦利雅,koh有雅薛、Se-mi-la-mo͘t 、耶悅、瑪他提雅、以利押、比拿亞、俄別以東、耶利,彈瑟彈琴,只有亞撒phah大聲ê鐃鈸。 | 註釋 串珠 字典 原文 典藏 |
16:6 | 祭司比拿亞kah雅哈悉tiāⁿ-tiāⁿ tī上主ê約櫃前pûn鼓吹。 | 註釋 串珠 字典 原文 典藏 |
16:7 | Hit日,大衛起頭定tio̍h用亞撒kah伊ê兄弟來感謝上主。 | 註釋 串珠 原文 典藏 |
16:8 | O-ló ê歌(詩 105:1-15;96:1-13;106:1,47-48)Lín tio̍h感謝上主,求叫祂ê名,tī萬民ê中間宣揚祂ê所做。 | 註釋 串珠 原文 典藏 |
16:9 | Tio̍h ǹg祂吟詩,ǹg祂唱歌oló,談論祂一切奇妙ê所行。 | 註釋 串珠 原文 典藏 |
16:10 | Tio̍h因為祂ê聖名來誇口;chhōe上主ê人,心內tio̍h歡喜。 | 註釋 串珠 原文 典藏 |
16:11 | Tio̍h 走chhōe上主kah祂ê權能,tiāⁿ-tiāⁿ chhōe祂來見祂ê面。 | 註釋 串珠 原文 典藏 |
16:12 | 祂ê奴僕以色列ê kiáⁿ孫,祂所揀雅各ê kiáⁿ孫, | 註釋 串珠 原文 典藏 |
16:13 | Lín tio̍h數念祂所做奇妙ê tāichì,kah祂ê神跡,kah祂ê嘴判斷ê話。 | 註釋 串珠 原文 典藏 |
16:14 | 祂是上主—咱ê上帝,全地lóng有祂ê判斷。 | 註釋 串珠 原文 典藏 |
16:15 | Tio̍h記念祂ê約,直到永遠;祂所吩咐ê話,直到萬代, | 註釋 串珠 原文 典藏 |
16:16 | to̍h是kah亞伯拉罕所立ê約,tùi以撒所chiù ê chōa。 | 註釋 串珠 原文 典藏 |
16:17 | 祂koh kā chitê約對雅各定tio̍h做律例,對以色列定tio̍h做永遠ê約, | 註釋 串珠 原文 典藏 |
16:18 | 講:我ē kā迦南地賞賜hō͘你,做lín產業ê份額。 | 註釋 串珠 原文 典藏 |
16:19 | 當時,lín ê人丁有限,數額少少,koh tī hia做出外人; | 註釋 串珠 原文 典藏 |
16:20 | in tùi chit族行到hit族,tùi chit國行到別个人民。 | 註釋 串珠 原文 典藏 |
16:21 | 祂無容允啥人欺負in,為tio̍h in ê緣故譴責君王, | 註釋 串珠 原文 典藏 |
16:22 | 講:M̄-thang摸tio̍h我受抹油ê,mā m̄ thang pháiⁿ款待我ê先知! | 註釋 串珠 原文 典藏 |
16:23 | 全地lóng tio̍h ǹg上主唱歌!日日傳報祂ê救恩。 | 註釋 串珠 原文 典藏 |
16:24 | Tī列邦ê中間講起祂ê榮光,Tī 萬民ê中間講起祂奇妙ê所做。 | 註釋 串珠 原文 典藏 |
16:25 | 因為上主做大,應該受極大ê oló;祂tī眾神明ê頂面,應該受敬畏。 | 註釋 串珠 原文 典藏 |
16:26 | 因為列邦ê神明lóng是虛假,獨獨上主創造chiahê天。 | 註釋 串珠 字典 原文 典藏 |
16:27 | Tī祂ê面前有尊貴kah威嚴,Tī祂ê所在有權能kah歡喜。 | 註釋 串珠 原文 典藏 |
16:28 | 人民中ê ta̍k族,lín tio̍h kā權能榮光,歸hō͘上主,歸hō͘上主! | 註釋 串珠 原文 典藏 |
16:29 | Kā祂ê名所應該得tio̍h ê榮光歸hō͘上主,帶禮物來到祂ê面前;Tio̍h用聖潔ê打扮敬拜上主。 | 註釋 串珠 原文 典藏 |
16:30 | 全地tī祂ê面前phi̍h-phi̍h chhoah,世界堅固bē搖動。 | 註釋 串珠 原文 典藏 |
16:31 | 願天歡喜,地快樂;tī列邦中tio̍h講:上主做王! | 註釋 串珠 原文 典藏 |
16:32 | 願海kah其中所充滿ê lóng出大聲;願田園kah其中所有ê lóng快樂。 | 註釋 串珠 原文 典藏 |
16:33 | Hit時,樹林內ê樹木ē tī上主ê面前出歡喜ê聲,因為祂來beh審判全地。 | 註釋 串珠 原文 典藏 |
16:34 | Lín tio̍h感謝上主;因為祂是好,祂ê慈愛永遠tī ·leh。 | 註釋 串珠 原文 典藏 |
16:35 | Tio̍h講:拯救阮ê上帝,求祢救阮,聚集阮,救阮脫離列邦ê人,thang hō͘阮祝謝祢ê聖名,掠祢ê受oló做大歡喜。 | 註釋 串珠 原文 典藏 |
16:36 | Tio̍h oló上主,以色列ê上帝,tùi永遠到永遠。人民lóng講:阿們!koh oló上主。 | 註釋 串珠 原文 典藏 |
16:37 | Tī耶路撒冷kah基遍敬拜大衛留亞撒kah伊ê兄弟tī上主ê約櫃前,tiāⁿ-tiāⁿ 服事tī約櫃前,照ta̍k日ê工所tio̍h做ê。 | 註釋 串珠 字典 原文 典藏 |
16:38 | Koh留俄別以東 kah in ê兄弟六十八人,以及耶杜頓ê kiáⁿ俄別以東kah何薩做顧門ê; | 註釋 串珠 字典 原文 典藏 |
16:39 | mā留祭司撒督kah伊ê兄弟所有ê祭司,tī基遍koân ê所在,上主ê會幕前; | 註釋 串珠 字典 原文 典藏 |
16:40 | thang tī燒祭ê壇頂,ta̍k日早暗獻燒祭hō͘上主,照上主命令以色列人ê律法一切所記載ê。 | 註釋 串珠 字典 原文 典藏 |
16:41 | kah in做陣ê有希幔、耶杜頓 kah其他受揀選記名ê,thang感謝上主,因為祂ê慈愛永遠tī ·leh。 | 註釋 串珠 原文 典藏 |
16:42 | Kah in做陣ê有希幔kah耶杜頓,是用鼓吹kah鐃鈸,以及上主ê樂器,來和hiahê唱歌ê。耶杜頓ê kiáⁿ孫是做顧門ê。 | 註釋 串珠 字典 原文 典藏 |
16:43 | 就ánne,眾人ta̍k人tńg去in ê家;大衛mā tńg去,kā伊ê家祝福。 | 註釋 串珠 原文 典藏 |