章節 | 全民台語聖經漢羅經文 | 註釋 |
15:1 | 準備去迎接約櫃大衛to̍h為kakī tī大衛ê城起幾nā間厝,koh為tio̍h上帝ê約櫃準備一个所在kā它搭布棚。 | 註釋 串珠 字典 原文 典藏 |
15:2 | Hit時,大衛講:「除去利未人以外,無人thang扛上帝ê約櫃,因為上主揀in來扛上主ê約櫃,koh服事祂直到永遠。」 | 註釋 串珠 字典 原文 典藏 |
15:3 | 大衛聚集以色列人民來到耶路撒冷,ài kā上主ê約櫃扛到伊所kā祂準備ê所在。 | 註釋 串珠 字典 原文 典藏 |
15:4 | 大衛koh聚集亞倫ê kiáⁿ孫kah利未人。 | 註釋 串珠 原文 典藏 |
15:5 | 哥轄ê kiáⁿ孫中間有頭人U-li-el,kah伊ê兄弟一百二十人。 | 註釋 串珠 原文 典藏 |
15:6 | 米拉利ê kiáⁿ孫中間有頭人亞帥雅,kah伊ê兄弟兩百二十人。 | 註釋 串珠 原文 典藏 |
15:7 | 革順ê kiáⁿ孫中間有頭人約珥,kah伊ê兄弟一百三十人。 | 註釋 串珠 原文 典藏 |
15:8 | 以利撒反ê kiáⁿ孫中間有頭人示瑪雅,kah伊ê兄弟兩百人。 | 註釋 串珠 原文 典藏 |
15:9 | 希伯崙kiáⁿ孫中間有頭人以列,kah伊ê兄弟八十人。 | 註釋 串珠 原文 典藏 |
15:10 | 烏薛ê kiáⁿ孫中間有頭人亞米拿達,kah伊ê兄弟一百十二人。 | 註釋 串珠 原文 典藏 |
15:11 | 大衛召祭司撒督kah亞比亞他,以及利未人U-li-el、亞帥雅、約珥、示瑪雅、以列 kah亞米拿達chiahê人來。 | 註釋 串珠 原文 典藏 |
15:12 | 對in講:「Lín是利未人ê族長,lín kah lín ê兄弟tio̍h kakī 清氣,chiah thang kā上主—以色列上帝ê約櫃,扛到我所kā祂準備ê所在。 | 註釋 串珠 字典 原文 典藏 |
15:13 | 因為lín早前無ánne做,咱ê上帝—上主已經kā咱責罰,因為咱無照定tio̍h ê例走chhōe祂。」 | 註釋 串珠 原文 典藏 |
15:14 | 就ánne,祭司kah利未人清氣kakī ,beh kā以色列ê上帝—上主ê約櫃扛來。 | 註釋 串珠 字典 原文 典藏 |
15:15 | 利未ê kiáⁿ孫to̍h用槓扛上帝ê約櫃tī肩胛頭,照摩西遵thàn上主ê話所命令ê。 | 註釋 串珠 字典 原文 典藏 |
15:16 | 大衛kah利未ê族長,分派in唱歌ê兄弟奏樂,用瑟kah琴,kah鐃鈸,歡喜出聲來唱。 | 註釋 串珠 字典 原文 典藏 |
15:17 | 就ánne,利未人分派約珥ê kiáⁿ希幔,kah伊兄弟中比利家 ê kiáⁿ亞撒,kah in仝族ê兄弟米拉利ê kiáⁿ孫中間ê Ku-sia-iah ê kiáⁿ以探。 | 註釋 串珠 原文 典藏 |
15:18 | Koh有第二班ê兄弟撒迦利雅、雅薛、Se-mi-la-mo͘t 、耶悅、烏尼、以利押、比拿亞、瑪西雅、瑪他提雅、E-li-phe-le-hō、Mik-ne-iah,以及顧門ê 俄別以東 kah耶利。 | 註釋 串珠 字典 原文 典藏 |
15:19 | Án-ne,派唱歌ê希幔、亞撒、以探,phah鐃鈸出大聲。 | 註釋 串珠 字典 原文 典藏 |
15:20 | 派撒迦利雅、雅薛、Se-mi-la-mo͘t 、耶悅、烏尼,以利押、瑪西雅 kah比拿亞彈瑟,它ê聲音清亮。 | 註釋 串珠 字典 原文 典藏 |
15:21 | Koh派瑪他提雅、E-li-phe-le-hō、Mik-ne-iah、俄別以東、耶利kah A-cha-chiah做頭彈琴,調用第八調。 | 註釋 串珠 字典 原文 典藏 |
15:22 | 利未人ê頭人Ke-na-niah是管理唱歌ê,koh教人唱歌,因為伊精通chitê。 | 註釋 串珠 原文 典藏 |
15:23 | 比利家 kah以利加拿是約櫃前顧門ê。 | 註釋 串珠 字典 原文 典藏 |
15:24 | 祭司示巴尼、約沙法,拿但業、亞瑪賽、撒迦利雅、Be-no-a、I-lī-í-siā,tī上主ê約櫃前pûn鼓吹。俄別以東 kah Iâ-hi-a mā是約櫃前顧門ê。 | 註釋 串珠 字典 原文 典藏 |
15:25 | 迎接約櫃來到耶路撒冷(撒下6:12-22)就ánne,大衛kah以色列ê長老以及營長,lóng去俄別以東 ê家,歡喜扛上主ê約櫃tùi hia起來。 | 註釋 串珠 字典 原文 典藏 |
15:26 | 上帝幫贊扛上主約櫃ê利未人,in to̍h獻公ê牛七隻kah公ê羊七隻。 | 註釋 串珠 字典 原文 典藏 |
15:27 | 大衛穿幼苧布ê長衫,扛約櫃ê利未人kah唱歌ê,以及管理唱歌ê Ke-na-niah,連唱歌ê人lóng是ánne;大衛koh穿幼苧布ê祭司服。 | 註釋 串珠 字典 原文 典藏 |
15:28 | Án-ne,以色列人民出大聲,pûn哨角,pûn鼓吹,phah鐃鈸,彈琴kah瑟,扛上主ê約櫃過來。 | 註釋 串珠 字典 原文 典藏 |
15:29 | 上主ê約櫃來到大衛城ê時,掃羅ê chabó͘ kiáⁿ米甲 tùi窗á內teh看,看tio̍h大衛王tiô跳teh跳舞,心內to̍h kā伊看輕。 | 註釋 串珠 字典 原文 典藏 |