章節 | 全民台語聖經漢羅經文 | 註釋 |
9:14 | 耶穌Tháu放邪神附身ê Gín-á(太17:14-20;路9:37-43a)耶穌kah彼得、雅各、約翰來到其他ê門徒hia,看tio̍h kui大陣人kā in圍teh,mā有經學教師kah in teh辯論。 | 註釋 串珠 康來昌 異文 原文 典藏 |
9:15 | 群眾看tio̍h耶穌,真tio̍h驚,soah gāng去,隨時走óa來kā祂請安。 | 註釋 串珠 康來昌 原文 典藏 |
9:16 | 耶穌問in講:「Lín kah in teh辯論啥物?」 | 註釋 串珠 康來昌 原文 典藏 |
9:17 | 眾人中間有一个人應講:「老師,我chhōa我ê kiáⁿ到祢chia,伊hō͘鬼附身soah變啞口。 | 註釋 串珠 康來昌 原文 典藏 |
9:18 | 無論tī啥物所在,鬼若附身to̍h kā伊siak倒,伊to̍h流瀾,咬嘴齒根koh kui身軀硬khok-khok。我有請祢ê門徒kā伊趕鬼,m̄ koh,in lóng無法度。」 | 註釋 串珠 康來昌 原文 典藏 |
9:19 | 耶穌應講:「Ai-ah!Chitê世代ê人ná ē hiahni̍h無信心?我tio̍h koh kah lín tòa gōa久?我tio̍h koh忍耐lín gōa久?Chhōa你hitê hō͘鬼附身ê kiáⁿ來我chia。」 | 註釋 串珠 康來昌 原文 典藏 |
9:20 | Into̍h chhōa伊來耶穌hia。Hitê鬼一下看tio̍h耶穌,to̍h隨時hō͘ hitê gín-á大抽chhoah,kā伊siak落去土腳,hō͘伊liàn來 liàn去koh流瀾。 | 註釋 串珠 康來昌 原文 典藏 |
9:21 | 耶穌問gín-á ê老父講:「伊hō͘鬼附身gōa久à?」Hitê老父講:「自細漢to̍h ánne。 | 註釋 串珠 康來昌 原文 典藏 |
9:22 | 鬼tiāⁿ-tiāⁿ kā伊hiat落火,á是hiat落水,beh kā伊害死。Taⁿ祢若做ē到,求祢可憐阮,來kā阮幫贊。」 | 註釋 串珠 康來昌 原文 典藏 |
9:23 | 耶穌kā伊講:「你怎樣講:『祢若會』?有信心ê人ta̍k項lóng ē。」 | C註釋 註釋 串珠 康來昌 異文 原文 典藏 |
9:24 | Gín-á ê老父隨時大聲hoah:「我信à;我ê信心若無夠,求祢tio̍h幫贊我。」 | 註釋 串珠 康來昌 異文 原文 典藏 |
9:25 | 耶穌看tio̍h kui陣人走óa來,就責備hitê邪神講:「你chitê啞口koh臭耳聾ê鬼,我命令你離開chitê gín-á,m̄准你koh入去。」 | 註釋 串珠 康來昌 原文 典藏 |
9:26 | Hitê鬼大聲hoah,hō͘ hitê gín-á大抽chhoah了後chiah出去。Hitê gín-á變kahná死人。所以,真chē人講:「伊死去à。」 | 註釋 串珠 康來昌 原文 典藏 |
9:27 | M̄ koh,耶穌牽伊ê手,kā伊扶起來,伊to̍h起來。 | 註釋 串珠 康來昌 原文 典藏 |
9:28 | 耶穌入去厝內,門徒偷偷á問祂講:「是án怎阮無法度趕hitê鬼?」 | 註釋 串珠 康來昌 原文 典藏 |
9:29 | 耶穌應講:「Chit款鬼tio̍h靠祈禱,chiah有法度kā伊趕出去。」 | 註釋 串珠 康來昌 異文 原文 典藏 |