章節 | 全民台語聖經漢羅經文 | 註釋 |
2:21 | 到嬰á出世後第八日,kā嬰á行割禮ê日到,to̍h kā祂號名叫做耶穌。Chitê名是馬利亞iáu未懷孕ê時天使kā祂號ê。 | 註釋 串珠 原文 典藏 |
2:22 | 抱耶穌去聖殿奉獻In清氣ê日期一下滿,約瑟kah馬利亞就照摩西ê律法,抱嬰á去耶路撒冷,beh kā祂獻hō͘主。 | 註釋 串珠 原文 典藏 |
2:23 | (照主ê律法記載:頭一胎ê chapo͘ kiáⁿ lóng tio̍h聖別來歸hō͘主。) | 註釋 串珠 原文 典藏 |
2:24 | In mā有照主ê律法規定「獻一對斑鴿á是兩隻粉鳥kiáⁿ」做牲禮。(註:利12:8;5:11 LXX) | 註釋 串珠 字典 原文 典藏 |
2:25 | Tī耶路撒冷有一个人,名叫做西面;chitê人是義人koh敬虔,不時都teh期待以色列ê復興;聖神mā kah伊同在。 | 註釋 串珠 原文 典藏 |
2:26 | 伊bat得tio̍h聖神指示,知影伊死以前會看tio̍h主所應允ê基督。 | 註釋 串珠 原文 典藏 |
2:27 | 伊hō͘聖神感動入去聖殿。Tú hit時,耶穌ê父母抱嬰á入來,beh照律法kā耶穌舉行儀式。 | 註釋 串珠 字典 原文 典藏 |
2:28 | 西面用雙手kā嬰á接過來,oló上帝講: | 註釋 串珠 原文 典藏 |
2:29 | 「主ah,taⁿ照祢ê話,hō͘祢ê奴僕平平安安離開世間。 | 註釋 串珠 原文 典藏 |
2:30 | 因為我已經親目看tio̍h祢ê拯救, | 註釋 串珠 原文 典藏 |
2:31 | to̍h是祢為tio̍h萬民所準備ê; | 註釋 串珠 原文 典藏 |
2:32 | beh做啟示外邦人ê光, koh做祢ê子民—以色列人ê榮光。」 | 註釋 串珠 原文 典藏 |
2:33 | 耶穌ê父母聽tio̍h西面講起關係嬰á ê話,感覺真tio̍h驚。 | 註釋 串珠 原文 典藏 |
2:34 | 西面kā in祝福,koh對耶穌ê老母馬利亞講:「Chitê嬰á受設立,是beh hō͘以色列中真chē人跋倒,真chē人peh起來,mā做受攻擊ê記號; | 註釋 串珠 原文 典藏 |
2:35 | koh hō͘真chē人心內ê意念露出,你kakī ê心mā ē hō͘劍鑿thàng過。」 | 註釋 串珠 字典 原文 典藏 |
2:36 | 女先知對耶穌ê回應Koh有一个年歲真老ê女先知An-ná,是亞設支族Hôa-nu-el ê chabó͘ kiáⁿ。她結婚了後kah丈夫做伙生活七年, | 註釋 串珠 原文 典藏 |
2:37 | 後來,她就守寡。到taⁿ已經八十四歲,lóng無離開聖殿,暝日禁食祈禱,服事上帝。 | 註釋 串珠 字典 原文 典藏 |
2:38 | Tú hit時,她mā行進前來感謝上帝,對所有期待上帝救贖耶路撒冷ê人,講起chitê嬰á ê tāichì。 | 註釋 串珠 原文 典藏 |