| 章節 | 全民台語聖經全羅經文 | 註釋 |
| 11:1 | Só͘-lô-móng Khì-sak Siōng-chúSó͘-lô-móng ông tī Hôa-láu ê chabó͘ kiáⁿ í-gōa, koh thiàⁿ chin chē gōa-pang ê chabó͘ gín'á, to̍h-sī Mô͘-ap, Am-móng, E-tóm, Si-tòng ê Hiat lâng ê chabó͘ gín'á. | 註釋 串珠 原文 典藏 |
| 11:2 | Koan-hē chiahê lia̍t kok, Siōng-chú bat hoan-hù I-su-la-el lâng kóng, " Lín m̄ thang khì in hia, in mā m̄ thang lâi lín chia, in-ūi in ē hō͘ lín ê sim phian-oai, khì tòe in ê sîn-bêng. " Chóng-.sī, Só͘-lô-móng loân-ài hiahê chabó͘ gín'á, koh kah in kiat-liân. | 註釋 串珠 字典 原文 典藏 |
| 11:3 | I ū hō͘-hui chhit pah, lóng sī kùi-cho̍k ê, koh ū pîn-hui saⁿ pah. Chiahê lú-chú iú-he̍k i ê sim. | 註釋 串珠 原文 典藏 |
| 11:4 | In-ūi Só͘-lô-móng nî lāu ê sî, i hiahê bó͘ iú-he̍k i ê sim, khì tòe pa̍t-ê sîn-bêng; i ê sim bô oân-choân ǹg Siōng-chú — i ê Siōng-tè, chhin-chhiūⁿ i ê lāu-pē Ta-bi̍t ê sim. | 註釋 串珠 原文 典藏 |
| 11:5 | Só͘-lô-móng khì tòe Si-tòng lâng ê lú-sîn A-si-tha-lot kah Am-móng lâng khó-ò͘ⁿ ê sîn-bêng Mil-kham. | 註釋 串珠 字典 原文 典藏 |
| 11:6 | Só͘-lô-móng kiâⁿ Siōng-chú só͘ khòaⁿ-chò pháiⁿ ê tāichì, bô choan-sim tòe Siōng-chú, chhin-chhiūⁿ i ê lāu-pē Ta-bi̍t. | 註釋 串珠 原文 典藏 |
| 11:7 | Hit sî, Só͘-lô-móng ūi tio̍h Mô͘-ap khó-ò͘ⁿ ê sîn-bêng Ke-mô͘-sih kah Am-móng lâng khó-ò͘ⁿ ê sîn-bêng Mô͘-lo̍k, tī Ê-lú-sa-lèm thâu-chêng ê soaⁿ khí soaⁿ-thâu tôaⁿ. | 註釋 串珠 字典 原文 典藏 |
| 11:8 | Hiahê gōa-pang ê bó͘ lóng sio hiuⁿ chè-sū in ê sîn-bêng, i mā ūi tio̍h in chiàu ánne chò. | 註釋 串珠 字典 原文 典藏 |
| 11:9 | Siōng-chú siū-khì Só͘-lô-móng, in-ūi i ê sim lī-khui Siōng-chú — I-su-la-el ê Siōng-tè, to̍h-sī bat nn̄g pái tùi i chhut-hiān ê. | 註釋 串珠 原文 典藏 |
| 11:10 | Koan-hē chit-ê tāichì, Siōng-chú mā bat bēng-lēng i, m̄ thang tòe pa̍t-ê sîn-bêng, chóng-.sī, i bô siú Siōng-chú só͘ bēng-lēng ê. | 註釋 串珠 原文 典藏 |
| 11:11 | Só͘-í, Siōng-chú tùi Só͘-lô-móng kóng, " In-ūi lí í-keng kiâⁿ chit-ê tāichì, bô siú Góa só͘ bēng-lēng lí tio̍h siú ê iok kah Góa ê lu̍t-lē, Góa beh tùi lí lâi thiah-li̍h lí ê kok, kā i siúⁿ-sù hō͘ lí ê lô͘-po̍k. | 註釋 串珠 原文 典藏 |
| 11:12 | Chóng-.sī, in-ūi lí ê lāu-pē Ta-bi̍t ê iân-kò͘, Góa bô beh tī lí oa̍h-.leh ê ji̍t kiâⁿ chit-ê tāichì. Góa beh tùi lí ê kiáⁿ ê chhiú kā i thiah-li̍h. | 註釋 串珠 原文 典藏 |
| 11:13 | Chóng-.sī, Góa bô kā choân kok thiah-li̍h, ē tài-liām tio̍h Góa ê lô͘-po̍k — Ta-bi̍t kah Góa só͘ kéng ê Ê-lú-sa-lèm, lâu chi̍t chi-cho̍k hō͘ lí ê kiáⁿ. " | 註釋 串珠 原文 典藏 |
| 11:14 | Só͘-lô-móng ê Siû-te̍kSiōng-chú heng-khí chi̍t-ê tùi-te̍k lâi kong-kek Só͘-lô-móng, to̍h-sī E-tóm lâng Ha-ta̍t; i sī E-tóm ông ê kiáⁿ-sun. | 註釋 串珠 原文 典藏 |
| 11:15 | Chá-chêng Ta-bi̍t phah E-tóm, i ê kun-tiúⁿ Io-ap chiūⁿ-khì bâi-chòng tīn-bông ê lâng ê sî, kā E-tóm ê chapo͘ teng lóng thâi-sí. | 註釋 串珠 原文 典藏 |
| 11:16 | Io-ap kah I-su-la-el jîn-bîn tòa hia la̍k goe̍h-ji̍t, it-ti̍t kàu kā E-tóm ê chapo͘ teng choân-pō͘ chián-tû. | 註釋 串珠 原文 典藏 |
| 11:17 | Hit sî, Ha-ta̍t iáu-sī sè-hàn ê gín'á. Ha-ta̍t kah i ê lāu-pē ê jîn-sîn tiong kúi-nā-ê E-tóm lâng cháu-khì Ai-gi̍p. | 註釋 串珠 原文 典藏 |
| 11:18 | In tùi Mí-tiân khí-.lâi, lâi-kàu Pa-lân; tùi Pa-lân chhōa kúi-nā-ê lâng kah in khì Ai-gi̍p, lâi-kàu Ai-gi̍p ông Hôa-láu hia. Hôa-láu chiū hō͘ in chhù tòa, phòe tiāⁿ tio̍h ê bí-niûⁿ hō͘ in, koh hō͘ in chhân-tē. | 註釋 串珠 字典 原文 典藏 |
| 11:19 | Ha-ta̍t tī Hôa-láu ê bīn-chêng tōa-tōa tit tio̍h un-hūi, Hôa-láu koh kā i ê bó͘ ê sió-mōe, to̍h-sī ông-hō͘ Ta̍k-pe-neh ê sió-mōe, hō͘ i chò bó͘. | 註釋 串珠 原文 典藏 |
| 11:20 | Ta̍k-pe-neh ê sió-mē kā i seⁿ chi̍t-ê kiáⁿ, miâ kiò-chò Ge-nu-bat. Ta̍k-pe-neh tī Hôa-láu ê ông-kiong kā i tn̄g leng. Ge-nu-bat kah Hôa-láu ê chèng kiáⁿ chò-hóe tòa tī Hôa-láu ê ông-kiong. | 註釋 串珠 原文 典藏 |
| 11:21 | Ha-ta̍t tī Ai-gi̍p thiaⁿ tio̍h Ta-bi̍t kah i ê chó͘-sian chò-hóe khùn, kun-tiúⁿ Io-ap mā í-keng sí. Ha-ta̍t chiū tùi Hôa-láu kóng, " Chhiáⁿ iông-ín góa-.khì, hō͘ góa tńg-khì góa ê pún-kok. " | 註釋 串珠 原文 典藏 |
| 11:22 | Hôa-láu kā i kóng, " Lí tī góa chia ū siáⁿ-mi̍h khiàm-khoeh, lí kèng-jiân ài beh tńg-khì pún-kok? " I ìn kóng, " Góa bô khiàm-khoeh siáⁿ-mi̍h, chóng-.sī, chhiáⁿ iông-ín góa tńg-.khì. " | 註釋 串珠 原文 典藏 |
| 11:23 | Siōng-chú koh heng-khí chi̍t-ê tùi-te̍k kong-kek Só͘-lô-móng, to̍h-sī E-li-a-tah ê kiáⁿ Le-chóng, i sī tùi i ê chú Cho͘-ba ông Ha-ta-te-chel hia tô-cháu lâi ê. | 註釋 串珠 原文 典藏 |
| 11:24 | Ta-bi̍t thâi Cho͘-ba lâng ê sî, Le-chóng chio-chi̍p lâng lâi óa i, chò hit tóng ê thâu, cháu-khì Ta-má-su-ko, tòa tī hia, koh tī Ta-má-su-ko chò ông. | 註釋 串珠 原文 典藏 |
| 11:25 | Só͘-lô-móng oa̍h-.leh ê sî, tû-liáu Ha-ta̍t chiâⁿ-chò chai-hāi í-gōa, Le-chóng mā chò I-su-la-el ê tùi-te̍k. I oàn-hūn I-su-la-el, mā chiâⁿ-chò A-lâm lâng ê ông. | 註釋 串珠 原文 典藏 |
| 11:26 | Siōng-chú Tùi Ia-lô-ba-am ê Èng-ínNe-bat ê kiáⁿ Ia-lô-ba-am sī E-hu-laim cho̍k, Che-le-tah lâng, i sī Só͘-lô-móng ê lô͘-po̍k, mā khí chhiú lâi kong-kek ông. I ê lāu-bú sī kóaⁿ-hū, miâ kiò-chò Che-lu-iah. | 註釋 串珠 原文 典藏 |
| 11:27 | I khí chhiú kong-kek ông ê iân-kò͘ sī chiàu ē-té só͘ kì ê: Só͘-lô-móng khí Mi-lō͘ siâⁿ, siu-pó͘ i ê lāu-pē Ta-bi̍t ê siâⁿ ê phòa-khiah. | 註釋 串珠 原文 典藏 |
| 11:28 | Ia-lô-ba-am sī tōa ióng-sū, Só͘-lô-móng khòaⁿ tio̍h chit-ê siàu-liân lâng in-khîn, chiū phài i koán-lí Iô-sé-huh ê ke it-chhè ê kang. | 註釋 串珠 原文 典藏 |
| 11:29 | Hit sî, Ia-lô-ba-am tùi Ê-lú-sa-lèm chhut-.lâi, Sī-lô lâng sian-ti A-hi-iah tī lō͘-.ni̍h tú tio̍h i; hit sî i ū chhēng chi̍t-niá sin saⁿ. In nn̄g lâng tī chhân-.ni̍h, í-gōa bô pa̍t lâng. | 註釋 串珠 字典 原文 典藏 |
| 11:30 | A-hi-iah the̍h i só͘ chhēng ê sin saⁿ, thiah chò cha̍p-jī tè, | 註釋 串珠 字典 原文 典藏 |
| 11:31 | Kā Ia-lô-ba-am kóng, " Lí thang the̍h cha̍p tè, in-ūi Siōng-chú — I-su-la-el ê Siōng-tè ánne kóng, ' Lí khòaⁿ, Góa beh tùi Só͘-lô-móng ê chhiú thiah-li̍h i ê kok, kā cha̍p chi-cho̍k hō͘ lí. ' | 註釋 串珠 原文 典藏 |
| 11:32 | ( To̍k-to̍k In-ūi Góa ê lô͘-po̍k — Ta-bi̍t ê iân-kò͘ kah Góa tī I-su-la-el chèng chi-cho̍k tiong só͘ kéng ê Ê-lú-sa-lèm ê iân-kò͘, i iáu ū chi̍t chi-cho̍k ) | 註釋 串珠 原文 典藏 |
| 11:33 | In-ūi in khì-sak Góa, khì kèng-pài Si-tòng lâng ê sîn-bêng A-si-tha-lot, Mô͘-ap ê sîn-bêng Ke-mô͘-sih kah Am-móng lâng ê sîn-bêng Mil-kham. In bô kiâⁿ Góa ê tō-lō͘, mā bô chò Góa khòaⁿ-chò chèng-ti̍t ê tāichì, koh bô siú Góa ê lu̍t-lē kah hoat-tō͘, chhin-chhiūⁿ i ê lāu-pē Ta-bi̍t ê só͘ chò. | 註釋 串珠 字典 原文 典藏 |
| 11:34 | Chóng-.sī, Góa bô beh tùi i ê chhiú chhiúⁿ i ê choân kok, sī beh hō͘ i chi̍t-sì-lâng chò kun-ông; che sī in-ūi Góa ê lô͘-po̍k — Ta-bi̍t ê iân-kò͘, in-ūi i sī Góa só͘ kéng-soán ê, i ū siú Góa ê lu̍t-lē kah hoat-tō͘. | 註釋 串珠 原文 典藏 |
| 11:35 | Chóng-.sī, Góa beh tùi i ê kiáⁿ ê chhiú chhiúⁿ i ê kok, kā cha̍p chi-cho̍k hō͘ lí, | 註釋 串珠 原文 典藏 |
| 11:36 | kā chi̍t chi-cho̍k hō͘ i ê kiáⁿ, hō͘ Góa ê lô͘-po̍k — Ta-bi̍t tī Góa ê bīn-chêng, tiāⁿtiāⁿ ū chi̍t pha teng tī Ê-lú-sa-lèm, to̍h-sī Góa só͘ kéng ê, thang tī hia an-tì Góa ê miâ ê siâⁿ. | 註釋 串珠 字典 原文 典藏 |
| 11:37 | Góa beh chhú lí, lí ē chò I-su-la-el ê ông, chiàu lí ê sim it-chhè só͘ ài ê lâi koán-lí. | 註釋 串珠 原文 典藏 |
| 11:38 | Lí nā thiaⁿ Góa it-chhè só͘ bēng-lēng lí ê, kiâⁿ Góa ê tō-lō͘, chò Góa khòaⁿ-chò chèng-ti̍t ê tāichì, siú Góa ê lu̍t-lē kah hoat-tō͘, chhin-chhiūⁿ Góa ê lô͘-po̍k — Ta-bi̍t ê só͘ chò, Góa chiū kah lí tông-chāi, kā lí kiàn-li̍p kian-kò͘ ê ke, chhin-chhiūⁿ Góa kā Ta-bi̍t kiàn-li̍p ê, koh beh kā I-su-la-el kau hō͘ lí. | 註釋 串珠 字典 原文 典藏 |
| 11:39 | In-ūi che Góa beh hō͘ Ta-bi̍t ê kiáⁿ-sun khùn-khó͘, chóng-.sī, bô kàu éng-oán. '" | 註釋 串珠 原文 典藏 |
| 11:40 | Ūi tio̍h ánne, Só͘-lô-móng ài beh thâi-sí Ia-lô-ba-am. Ia-lô-ba-am chiū tô-cháu khì Ai-gi̍p, lâi-kàu Ai-gi̍p ông Si-siak hia, chiū tòa tī Ai-gi̍p, ti̍t-kàu Só͘-lô-móng sí-.khì. | 註釋 串珠 原文 典藏 |
| 11:41 | Só͘-lô-móng ê Sí-bông( LTH 9: 29-31)Só͘-lô-móng kî-tha ê tāichì, kiàn-nā i só͘ kiâⁿ ê kah i ê tì-hūi, kám bô lóng kì tī Só͘-lô-móng ê Hêng-toān? | 註釋 串珠 字典 原文 典藏 |
| 11:42 | Só͘-lô-móng tī Ê-lú-sa-lèm chò I-su-la-el choân kok ê ông, kiōng sì-cha̍p nî. | 註釋 串珠 原文 典藏 |
| 11:43 | Só͘-lô-móng kah i ê chó͘-sian chò-hóe khùn, bâi-chòng tī i ê lāu-pē Ta-bi̍t ê siâⁿ. I ê kiáⁿ Lô-bo-àm sòa-chiap i chò ông. | 註釋 串珠 原文 典藏 |