章節 | 全民台語聖經全羅經文 | 註釋 |
9:1 | Siōng-chú koh Hiòng Só͘-lô-móng Hián-hiānSó͘-lô-móng í-keng khí Siōng-chú ê tiān kah ông-kiong, i it-chhè só͘ tio̍h chò ê mā lóng oân-sêng liáu-āu, | 註釋 串珠 字典 原文 典藏 |
9:2 | Siōng-chú tē-jī pái tùi Só͘-lô-móng hián-hiān, chhin-chhiūⁿ chá-chêng tī Gi-bóng tùi i hián-hiān ánne. | 註釋 串珠 原文 典藏 |
9:3 | Siōng-chú tùi i kóng, " Lí tī Góa ê bīn-chêng só͘ kî-tó kah khún-kiû ê, Góa lóng ū thiaⁿ-.tio̍h. Góa í-keng kā lí só͘ khí chit keng tiān hun-pia̍t chò sèng, hō͘ Góa ê miâ éng-oán tī hia; Góa ê ba̍k-chiu, Góa ê sim mā ē tiāⁿtiāⁿ tī hia. | 註釋 串珠 原文 典藏 |
9:4 | Kóng tio̍h lí, lí nā ēng sêng-si̍t ê sim, chèng-ti̍t kiâⁿ tī Góa ê bīn-chêng, chhin-chhiūⁿ lí ê lāu-pē Ta-bi̍t só͘ kiâⁿ ê, koh chun-thàn Góa it-chhè só͘ bēng-lēng lí ê, mā chip-siú Góa ê lu̍t-lē kah Góa ê hoat-tō͘, | 註釋 串珠 原文 典藏 |
9:5 | Góa chiū beh tī I-su-la-el tiong kian-kò͘ lí ê kok-ūi, ti̍t-kàu éng-oán, chhin-chhiūⁿ Góa èng-ín lí ê lāu-pē Ta-bi̍t kóng, ' Lí ê kiáⁿ-sun chē I-su-la-el ê kok-ūi, éng-oán bô tn̄g. ' | 註釋 串珠 字典 原文 典藏 |
9:6 | Siat-sú lín á-.sī lín ê kiáⁿ-sun, oa̍t tńg-sin bô tòe Góa, bô siú Góa siúⁿ-sù hō͘ lín ê kài-bēng kah lu̍t-lē, khì ho̍k-sāi pa̍t-ê sîn-bêng, lâi kā i kèng-pài, | 註釋 串珠 原文 典藏 |
9:7 | Góa chiū beh tùi Góa siúⁿ-sù hō͘ in ê tē chián-tû I-su-la-el, jî-chhiáⁿ Góa ūi kakī ê miâ só͘ hun-pia̍t chò sèng ê chit keng tiān, mā beh tùi Góa ê bīn-chêng kā i khì-sak, hō͘ I-su-la-el lâng tī bān-kok tiong chò ōe-pèⁿ, siū khau-sé. | 註釋 串珠 原文 典藏 |
9:8 | Chit keng tiān sûi-jiân chin koân, chiong-lâi keng-kòe ê lâng ē tio̍h-kiaⁿ kah gāng-.khì, koh thí-chhiò, kóng, ' Siōng-chú ná ē ánne khoán-thāi chit-ê tē, chit keng tiān? ' | 註釋 串珠 原文 典藏 |
9:9 | Lâng chiū ē ìn kóng, ' Sī in-ūi in khì-sak Siōng-chú — in ê Siōng-tè, to̍h-sī chhōa in ê chó͘-sian chhut Ai-gi̍p tē ê, khì kiat-liân pa̍t-ê sîn-bêng, ho̍k-sāi koh kā i kèng-pài, só͘-í, Siōng-chú hō͘ che it-chhè ê chai-hō lîm-kàu in. '" | 註釋 串珠 原文 典藏 |
9:10 | Só͘-lô-móng kah Hi-lâm ê Hia̍p-iok( LTH 8: 1-2)Kàu jī-cha̍p nî bóe, to̍h-sī Só͘-lô-móng khí Siōng-chú ê tiān kah ông-kiong chit nn̄g keng chhù oân-kang ê sî, | 註釋 串珠 字典 原文 典藏 |
9:11 | Só͘-lô-móng ông chiū kā Ga-lí-la-iah tē-jī-cha̍p-ê siâⁿ hō͘ Hi-lâm; che sī in-ūi Tu-lô ông Hi-lâm bat chiàu Só͘-lô-móng it-chhè só͘ ài ê, ēng pek-hiuⁿ chhâ, siông chhâ kah kim hō͘ i. | 註釋 串珠 字典 原文 典藏 |
9:12 | Hi-lâm tùi Tu-lô chhut-.lâi, khòaⁿ Só͘-lô-móng só͘ hō͘ i ê siâⁿ, khòaⁿ-liáu bô kah-ì, | 註釋 串珠 原文 典藏 |
9:13 | chiū kóng, " Góa ê a-hiaⁿ, lí só͘ hō͘ góa hiahê siâⁿ sī siáⁿ-mi̍h? " I chiū kā i kiò-chò Ka-bul ê tē, ti̍t-kàu kin-á-ji̍t. | 註釋 串珠 原文 典藏 |
9:14 | Hi-lâm chiū kià chîⁿ chi̍t-pah jī-cha̍p tha-lan-t hō͘ ông. | 註釋 串珠 字典 原文 典藏 |
9:15 | Só͘-lô-móng ê Kî-tha Sêng-chiū( LTH 8: 3-18)Só͘-lô-móng ông phài lâng-kang ê goân-in to̍h-sī beh khí Siōng-chú ê tiān, kakī ê ông-kiong, í-ki̍p Mi-lō͘, Ê-lú-sa-lèm ê siâⁿ chhiûⁿ kah Ha-cho͘l, Me-gi-tóng, Ge-chel. | 註釋 串珠 原文 典藏 |
9:16 | Chá-chêng Ai-gi̍p ông Hôa-láu chiūⁿ-lâi cheng-ho̍k Ge-chel, ēng hóe kā i sio, thâi-sí tòa tī siâⁿ lāi ê Ka-nân lâng, kā siâⁿ hō͘ i ê chabó͘ kiáⁿ, to̍h-sī Só͘-lô-móng ê bó͘ chò kè-chng. | 註釋 串珠 原文 典藏 |
9:17 | Só͘-lô-móng khí Ge-chel kah ē-bīn ê Bia̍t-ho-lông, | 註釋 串珠 原文 典藏 |
9:18 | Ba-la̍h kah kok lāi khòng-iá-.ni̍h ê Ta̍t-mo͘l, | 註釋 串珠 原文 典藏 |
9:19 | í-ki̍p Só͘-lô-móng só͘-ū kim-khò͘ ê siâⁿ, chhia ê siâⁿ, bé-peng ê siâⁿ kah Só͘-lô-móng tī Ê-lú-sa-lèm, tī Le-ba-nòng kah tī i só͘ tī-lí ê choân tē, ūi kakī ê khoài-lo̍k só͘ ài khí ê, lóng khí khí-.lâi. | 註釋 串珠 字典 原文 典藏 |
9:20 | Koan-hē só͘ chhun lo̍h-.lâi ê jîn-bîn, to̍h-sī hiahê m̄-sī sio̍k I-su-la-el ê A-mô͘-lī lâng, Hiat lâng, Pe-lí-ji lâng, Hi-bī lâng kah I-é-bú-suh lâng, | 註釋 串珠 原文 典藏 |
9:21 | to̍h-sī tī chit tē-hng in só͘ chhun lo̍h-.lâi ê kiáⁿ-sun, I-su-la-el lâng bē tàng kā in choân-pō͘ siau-bia̍t ê, Só͘-lô-móng phài in chò khó͘-kang, ti̍t-kàu kin-á-ji̍t. | 註釋 串珠 原文 典藏 |
9:22 | Chóng-.sī, I-su-la-el lâng, Só͘-lô-móng bô hō͘ in chò lô͘-po̍k, sī chò i ê chiàn-sū, jîn-sîn, siú-léng, kun-tiúⁿ, chhia-tiúⁿ kah bé-peng-tiúⁿ. | 註釋 串珠 字典 原文 典藏 |
9:23 | Só͘-lô-móng tok-kang ê thâu-lâng, kiōng gō͘-pah gō͘-cha̍p lâng, in koán-lí chò-kang ê jîn-bîn. | 註釋 串珠 原文 典藏 |
9:24 | Hôa-láu ê chabó͘ kiáⁿ tùi Ta-bi̍t ê siâⁿ chiūⁿ-khì Só͘-lô-móng só͘ kā i khí ê chhù. Hit sî, Só͘-lô-móng teh khí Mi-lō͘. | 註釋 串珠 原文 典藏 |
9:25 | Só͘-lô-móng ta̍k nî saⁿ pái tī i kā Siōng-chú só͘ khí ê tôaⁿ hiàn sio-chè kah siā-un-chè, koh tī Siōng-chú ê bīn-chêng sio hiuⁿ tī tôaⁿ téng. Chiū ánne, i khí tiān ê kang oân-sêng. | 註釋 串珠 字典 原文 典藏 |
9:26 | Só͘-lô-móng ông tī E-tóm tē ê Âng-hái piⁿ, óa-kīn Ê-no͘k ê E-chióng-ge-bel chō chi̍t tīn ê chûn-chiah. | 註釋 串珠 字典 原文 典藏 |
9:27 | Hi-lâm chhe i ê lô͘-po̍k, to̍h-sī chai-iáⁿ kòe hái ê kiâⁿ-chûn lâng kah Só͘-lô-móng ê lô͘-po̍k kāng chûn khì. | 註釋 串珠 字典 原文 典藏 |
9:28 | In lâi-kàu O͘-huil, tùi hia tit tio̍h sì-pah jī-cha̍p tha-lan-t ê kim, ūn lâi-kàu Só͘-lô-móng ông hia. | 註釋 串珠 字典 原文 典藏 |